Спорт
Невил: Јунајтед веднаш да раскинат со Роналдо, Сити: Не бевме блиску до договор

Поранешниот капитен на Манчестер јунајтед, Гери Невил, вели дека сите во Манчестер јунајтед знаат дека мора да му го „раскинат“ договорот на Кристијано Роналдо по шокантното интервју кај Пирс Морган, но лично не беше навреден што неговиот поранешен соиграч рече дека не е пријател со него и дека сака да добие на популарност со то што го критикува.
Дел од навивачите на Манчестер јунајтед го критикуваа Роналдо поради тоа што внесува конфликт во тимот, но дел од нив се согласуваат со критиките кои тој ги упати до газдите, семејството Глејзери.
„Тој немаше да го направи ова интервју ако сакаше да се врати во тимот. Знаеше дека ќе донесат наслови со кои неговата кариера во Манчестер јунајтед ќе биде завршена. Не знам што прават Манчестер јунајтед, бидејќи сигурно знаат деа мора да му го раскинат договорот на Кристијано, или да направат преседан, со кој секој играч ќе ги критиува во иднина. Се согласувам со некои од работите ои Кристијано ги кажа, и многу фанови на Јунајтед го мислат истото, но реалност е дека си вработен во бизнис и кога ќе кажеш такви работи добиваш отказ“, смета Невил.
Тој додава дека клубот е одговорен за нарушувањето на односите со Роналдо.
„Можеа да се сретнат пред неколку недели и да направи пат по кој можат да се движат во иднина, но не го направија тоа. Не постои други излез во моментов“, додава Невил.
Од друга страна, официјални лица на Манчестер сити за „ЕСПН“ ги демантираат тврдењата на Роналдо дека бил блиску до договор со нив, пред да интервенира Сер Алекс Фергусон и да го врати на „Олд Трафорд“. Според нив, коментарите на Роналдо не „го отсликуваат интересот на клубот во текот на тој преоден рок, кој и така не бил голем“. Тие инсистираат дека немало никаков преддоговор.
🗣️ “Exits don’t have to happen this way”
Gary Neville explains why it’s disappointing the Cristiano Ronaldo saga has taken a downward turn 🔽 pic.twitter.com/iTINKPtxNu
— Sky Sports News (@SkySportsNews) November 17, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Марко Трајаноски со историско злато за Македонија на Европското првенство во ММА

Македонија испиша историја на Европското првенство во ММА, кое се одржа во Белград, Србија.
Македонскиот репрезентативец Марко Трајаноски, член на клубот „Д Стронгест“ Скопје, го освои првото европско злато за нашата земја, постигнувајќи извонреден успех на најголемата европска сцена во аматерскиот ММА.
Тој освои четири победи против Бугарија, Романија, Украина и Италија за само еден ден.
Овој подвиг е огромен чекор за македонскиот ММА.
Спорт
Леброн Џејмс: Наскоро ќе ставам крај на мојата професионална кариера

Кошаркарот на Лос Анџелес лејкерс, Леброн Џејмс наскоро ќе ја заврши кариерата.
– Не останува уште многу време. Едноставно тоа е реалноста и треба да се прифати. Наскоро ќе ставам крај на мојата професионална кариера, изјави Џејмс за американските медиуми.
Во тековната сезона, 40-годишниот Леброн Џејмс одигра 48 натпревари во регуларниот шампионат на НБА, на кои имаше просек од 24,3 поени, 7,7 скока и 9 асистенции.
Големата НБА-ѕвезда во текот на својата богата кариера има настапувано и за Кливленд кавалирс и Мајами хит.
Спорт
Крстијан Киву ја презеде Парма

Парма го реши проблемот со главниот тренер и за нов тренер назначи романски стручњак.
Како што пренесуваат италијанските медиуми, финализирани се преговорите меѓу управата на клубот и 44-годишниот Крстијан Киву. Романецот доаѓа на местото на Фабио Пекија.
Парма е во серија од седум натпревари без победа во Серија А и падна во зоната за испаѓање.
Раководството на Парма првично беше заинтересирано за Игор Тудор, но сепак го избра Киву, чие тренерско искуство досега беше ограничено само на младинските тимови на Интер, со кои работеше од 2018 година до минатото лето.
Според пишувањата на медиумите, Киву во понеделникот вечерта пристигнал во Парма на разговори со раководството на клубот.
Парма нема победа во Серија А од декември, по 25 кола има 20 бода на 18. место и заостанува еден бод зад Емполи, кој е на 17. место.
Киву ја започна кариерата во родната Романија, а играше за Ајакс, Рома и Интер, каде ја заврши кариерата во 2014 година.
Играше за романските млади селекции, а за А тимот од 1999 до 2011 година одигра 75 натпревари и постигна три гола.