Спорт
Невил: Сити се вратија, Ливерпул сега имаат проблем
Манчестер сити, преку градскиот ривал Манчестер јунајтед, избори пласман во финалето на Лига купот. „Граѓаните“, четврти пат во низа, односно петти пат во последните шест години ќе се бора за трофејот во ова натпреварување.
Дуелот со Јунајтед, покажа дека Сити се враќаат во форма и дека му бидат најсериозниот противник на Ливерпул во походот на титулата во Премиер лигата.
„Изгледаше како Сити да го играат својот најдобар фудбал или се блиску до тоа“, рекол поранешниот играч на Манчестер јунајтед, Гери Невил, алудирајќи дека пред Јунајтед, Сити славеа во лондон, против Челси со 3:1.
„Впечаток е дека Пеп Гвардиола крај теренот повторно ја имаа онаа победничка искра. Пред неколку недели реков дека играчите на Сити делуваат како да им е здодевно на теренот. Но против Челси беа сензационални. Нешто ги „крена“ пред тој натпревар. Беа на многу повисоко ниво“.
Сити, во Премиер лигата, имаат четири бода помалку од лидерот Ливерпул. Актуелните шампиони немаат победа на последните три натпревари.
„Сигурен сум дека на ум го имаа поразот на Ливерпул во понеделникот и дека сега се убедени дека можат да ја освојат титулата. Ливерпул прават грешки, тоа им помогна на Сити. Сигурен сум дека тимот на Гвардиола ќе му направи многу проблеми на Ливерпул“, смета поранешниот капитен на Манчестер јунајтед.
Манчестер сити наредниот натпревар ќе го одигра против Брајтон на 13.јануари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Реал победи во Сан Себастијан, еден триумф го дели од шампионската титула
Фудбалерите на Реал Мадрид го совладаа имењакот од Сан Себастијан на „Реале арена“ со 1:0 (1:0) во премиерниот натпревар од 33.коло.
На овој начин „кралскиот клуб“ со натпревар повеќе стекна 14 бодови предност во однос на Барселона.
Практично само теорија го дели Реал Мадрид од 36. титула во клупската историја.
Карло АНчелоти натпреварот го започна со комбиниран состав, а за прв пат стартер беше младиот Арда Ѓулер.
Токму младиот Турчин со голот во 29. минута му донесе победа на својот тим. Карвахал нафрли во шеснаесетникот, а Гулер шутираше низ нозете на голманот Ремиро.
Три минути подцна Реал Сосиедад преку Такефуши Кубо постигна гол кој беше поништен поради офсајд.
Сосиедад остана на шестата позиција со 51 бод до крајот на сезоната ќе се бори за пласман во Лига Европа или Конференциската лига.
Спорт
(Видео) Евролигата покрена постапка против судијата Болтаузер – Украл парфем од „фри-шоп“
Еден од најпознатите европски судии, Словенецот Матеј Болтхаузер (49) е тема број 1 во европската кошаркарска јавност поради видеото кое излезе во јавноста.
Имено, Болтаузер е снимен на него на аеродромот „Никола тесла“ во Белград на 8 декември минатата година како краде парфем на Том Форд од „фри шоп“.
Станува збор за парфем кој чини 221 евро.
Болтхаузер тогаш се враќаше од натпреварот од Евролигата меѓу Монако и Партизан, која ја судеше во Франција.
Поради видеото кое се појави пет месеци подоцна, Евролигата покрена постапка против Болтаузер.
Тој сигурно ќе се соочи со драстична казна, па дури и играчите си земаа слобода да кажат „збор-два“ за Словенецот.
Најгласен беше Мет Џенинг, кој директно го обвини Болтхаузер дека со години крадел, не само на аеродромот, туку и на терените во Евролигата.
„Човекот краде со години! Евролигата има голем број одлични судии, но ова момче е убедливо најлошиот и не е тешко да се разбере зошто”, напиша Џенинг, поранешен играч на Монтепаски, Ефес, Басконија, како одговор на видеото кое брзо се прошири низ Европа.
Salen a la luz imágenes de Boltauzer, árbitro de la Euroliga, robando un perfume en el aeropuerto de Belgrado
🫣 Los hechos sucedieron tras el partido entre Partizan y Mónacopic.twitter.com/brQUbuRYqa
— Eurohoops España (@EurohoopsES) April 26, 2024
Спорт
Арне Слот ќе биде новиот тренер на Ливерпул
Холандскиот стручњак Арне Слот од следната сезона ќе биде тренер на Ливерпул.
Трансфер инсајдерот, новинарот Фабрицио Романо тврди дека двата клуба се договориле, Ливерпул на Феенорд ќе му исплати одредена отштета за тренерот чии договор истекува во 2026 година.
Допрва ќе биде познато колкава сума ќе плати Ливерпул. Наводно Ливерпул понудил 9.000.000 евра, а Феенорд бара 13.000.000 евра.
Слот од 2021 година е на клупата на клубот од Ротердам на кој му донесе голем успех.
Во првата сезона го водеше тимот до финалето на Конференциската лига, таа година беше прогласен за тренер на сезоната во Ередивизие, а една година подоцна ја освои домашната титула со Феенорд.
Во својата втора сезона во клубот, тој го предводеше тимот до четвртфиналето на Лига Европа.
Пред Феенорд, Слот ги водеше Камбур и АЗ.