Спорт
Невозможна мисија за Барселона во Париз

Нови два натпревари вечерва ќе се одиграат во Лигата на шампионите. Осмина-финалните реванши ќе ги одиграат Ливерпул и Лајпциг, односно ПСЖ и Барселона. Вечерашните домаќини ги делат 90 минути од четврт-финалето, бидејќи славеа на првите натпревари, Ливерпул со 2:0, а ПСЖ со 4:1.
Пред три недели, Барселона претрпе катастрофален пораз од ПСЖ. „Светците“ предводени од Килијан Мбапе, на „Ноу Камп“ победија со 4:1.
Мбапе во првиот меч ја немаше помошта на Најмар, а без неа ќе биде и вечерва, бидејќи Бразиелцот сè уште не закрепнал од повредата. Добра вест за Маурицио Покетино е што во тимот се врати Анхел Ди Марија, па за место во стартните 11 ќе конкурураат сите, со исклучок на Нејмар.
Поголеми проблеми со повредени играчи има Барселона. Роналд Куман тимот ќе го составува без двајцата стандардни централни дефанзивци, Пике и Араухо, а подолго време повредени се Ансу Фати и Филипе Кутињо.
Во Барселона, веруваат дека можат да го повторат подвигот од пред четири години, кога минусот од 4:0 по првиот меч го претврија во плус од 6:1. Разликата е што пред четири години, Барселона предноста ја надомести на домашен терен.
Лајпциг е еден од ретките тимови кого Ливерпул успеал да го победи во последно време. Пред три недели, во Будимпешта, Ливерпул искористи две грешки на Лајпциг и обезбеди предност пред реваншот од два гола.
Интересно и реваншот ќе се одигра во главниот град на Унгарија.
Лајпциг ќе се обидат да направат чудо, додека за Ливерпул Лигата на шампионите е единственото натпреварување во кое можат да ја спасат сезоната.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Сане како слободен играч ќе го засили Галатасарај

Лирој Сане одби да го продолжи договорот со Баерн, а германските медиуми тврдат дека тој сигурно ќе го напушти клубот. Сане, според овие извори бил блиску до преселба во Галатасарај.
Сане отпатува во САД со Баерн на Светско клупско првенство, но дека само прашање на денови е кога ќе потпише со турскиот првак.
Турскиот шампион ги подобри финансиските услови што му ги нуди на Сане, играч чиј договор со германскиот шампион истекува на крајот на јуни. Тотенхем и Арсенал исто така беа заинтересирани за неговите услуги.
Сане ја започна својата професионална кариера во Шалке, а потоа играше за Манчестер сити од 2016 до 2020 година. Тој се пресели од англискиот клуб во Баерн, за кој одигра 153 натпревари во Бундеслигата и постигна 40 голови. Со Сити освои две титули во Премиер лигата, а со Баерн четири во Бундеслигата.
Галатасарај работи на зајакнување на играчкиот кадар пред сезоната во која ќе игра во Лигата на шампионите. Вредноста на Сане според „Трансфермаркт“ е 32 милиони евра.
Спорт
Чиле остана без пласман на СП и без селектор

Фудбалерите на Чиле забелаа уште еден пораз во квалификациите за пласман на Светското првенство следната година. По поразот од Боливија (2:0), Чилеанците остнаа без шанси за пласман на Мундијалот.
Ова е вистинска катастрофа за националниот тим, бидејќи не учествуваа и на претходните две Светски првенства, во Русија 2018 и Катар во 2022 година. Сето тоа се случи откако Чилеанците ја освоија Копа Америка во 2015 и 2016 година.
По поразот од Боливија, Чиле е на последното место на табелата во Јужна Америка. Како резултат на лошиот пласман, веднаш по поразот во Боливија, 67-годишниот Аргентинец Рикардо Гарека, доби отказ. Гарека го презеде Чиле во 2024 година, забележа само една победа во 13 официјални натпревари со Чиле.
Спорт
Сити го потврди трансферот на Рејндерс

Манчестер сити потврди уште едно засилување. Дресот на клубот од „Етихад“ ќе го носи и Холанѓанецот Тижани Рејндерс.
Сити го потврди трансферот од Милан на својата веб-страница, и иако не открија финансиски детали, медиумите објавија дека Сити ќе плати 70 милиони евра за трансферот на холандскиот репрезентативец, кој потпиша договор до летото 2029 година.
„Чест ми е што потпишав за Сити. Горд сум што сум дел од тимот на Пеп Гвардиола, чија работа ја следам со години, уште од Барселона со Лео Меси. Едвај чекам да почнам да работам со него и сигурен сум дека Гвардиола ќе ме направи уште подобар играч“, рече Холанѓанецот.
Пред Рејндерс, Сити ги претстави Рајан Аит-Нури и Рајан Шерки, додека голманот Маркус Бетинели пристигна од Челзи, кој ќе биде трет избор зад Едерсон и Стефано Ортега.
Нури пристигна за сума од околу 45 милиони евра, Шерки од Лион за 36+6 преку бонуси, што значи дека Сити потроши околу 150 милиони евра за летни засилувања.
Важно е да се истакне дека Пеп ќе може да смета на сите играчи на претстојното Светско првенство за клубови во САД.