Реал Мадрид е млубот што заработил најмногу во сезоната 2024/25, покажува извештајот од „Дилојт“.

Реал Мадрид, оствари профит од една милијарда и 200 милиони евра, иако минатата сезона не беше ниту шампион на Шпанија, ниту ја освои Лигата на шампионите.

Во првите 10 клуба што заработиле најмногу, има шест од Премиер лигата, 15 во првите 30.

Кога станува збор за Премиер лигата, Ливерпул е „број 1“ во сезоната 2024/25, во која ја освои титулата. Клубот заработил 836,1 милиони евра, односно 702 милиони фунти.

Манчестер Јунајтед никогаш не бил на пониска позиција на 29 објавени листи на „Дилојт“. Јунајтед е на осмото место оваа година со заработка од 793,1 милиони евра. Манчестер Сити исто така падна на листата. Сити падна од второто на шестото место со заработка од 829 милиони евра.

За Реал, на второто место на листатасе наоѓа Барселона. Гигантот од Каталонија се враќа во првите три за прв пат од сезоната 2019/20. со заработка од 975 милиони евра.

Трет е Баерн Минхен со заработка од 861 милион евра, четврти е победникот на Лигата на шампионите, Пари Сен Жермен со 837 милиони евра.

Првите 20 клуба на листата ја зголемија својата заработка за 11 проценти, тие 20 клуба заработија вкупно 12 милијарди и 400 милиони евра.

Арсенал (седмо место, 821,7 милиони), Тотенхем (деветто место, 672,6 милиони) и Челзи (десетто место, исто како и минатата година, 584,1 милиони) се исто така во првите десет клуба по заработка.

Интер е на 11-то место (537,5 милиони), Борусија Дортмунд е на 12-то место со 531,3 милиони, а потоа следува Атлетико Мадрид со 454,5 милиони.

Топ 20 ги комплетираат Астон Вила, Милан, Јувентус, Њукасл, Штутгарт, Бенфика и Вест Хем.

Рускиот тенисер Данил Медведев се пласираше во четвртото коло на Австралија Опен, откако по голема борба на теренот, успеа да го победи Фабијан Марожан.

Медведев го победи Марожана по пресврт, од 0-2 во сетови, за речиси четири часа борба беше 6:7(5), 4:6, 7:5, 6:0, 6:3.

Унгарецот не само што водеше со 2-0, туку и го започна третиот сет со брејк, но не го држеше долго.

Медведев се разбуди при резултат 0-2, ситуација во која одлично се снаоѓа, од 2024 година, Русинот шест пати губел со 0-2 на гренд слем турнирите и сите шест пати успеал да победи.

Исто беше и овој пат, но токму кога се чинеше дека рутински ќе го реши петтиот сет, бидејќи водеше со 4:2, Фабијан успеа да го врати брејкот.

Сепак, поранешниот „број 1“ експресно одговори со ри-брејк и потоа немаше дополнителна драма, па сервираше за триумф и го комплетираше пресвртот.

Во осминафиналето, Медведев ќе игра против Лернер Тиен, кој го победи Нуно Борхес на почетокот на денот.

Медведев и Тиен дури играа три пати минатата година, а резултатот беше 2-1 за Американецот.

За разлика од Медведев, најдобриот во светот, Карлос Алкараз, рутински се пласира во осминафиналето.

Алкараз го победи Корентан Муте со 3-0 во сетови во третото коло (6:2, 6:4, 6:1).

Шпанецот го одигра својот 100-ти Гренд слем натпревар во кариерата и ја оствари својата 87-ма победа, со 13 порази. Тоа е најдобриот настап во првите 100 мечеви во историјата.

Во осминафиналето, Алкараз ќе игра против Томи Пол, на кого Давидович-Фокина му го предаде мечот поради повреда, при резултат 0-2 во сетови.

Foto/ EPA

Во дербито на првото коло од Група 1 од Главната рунда на Европското првенство во ракомет, еден од домаќините, Данска, ја победи Франција со 32:29. .

Поразот од Португалија фрли сомнеж врз можностите на светскиот и олимписки шампион, но, Данска покажа во најтешкиот можен момент, против вечниот соперник Франција, дека не се откажува лесно од амбицијата да ги обедини сите титули.

Французите беа подобриот противник околу 40 минути. Данска сепак во вториот дел успеа да направи пресврт и да поведе со 20:18. „Триколорите“ не се предадоа, туку се издигнаа како феникс од пепелта. Направија серија од 5-1 и поведоа со 23:21. Водеа со 26:24, а потоа повторно Данците, на крилата на одличниот Гидсел и феноменалниот голман Нилсен, направија пресврт и остварија голема победа.

Во победничкиот тим, Гидсел го заврши натпреварот со девет гола, Питлик постигна осум. На другата страна, Мин беше најефикасен со седум гола, а Деска постигна пет гола.

Данска ќе игра против Шпанија за два дена, а Франција против Португалија во второто коло од Група 1 од главната рунда.

Foto/ EPA