Барселона го освои Купот на Шпанија. Во 119.финале на Купот, на „Ла Картуха“ стадионот во Севилја, Барселона го декласира Атлетик Билбао со 4:0 и го освои 33. трофеј во ова натпреварување. Ова е прв трофеј за Роналд Куман на кормилото на Барселона. Атлетико Билбао, во интервал од две недели го загуби и второто финале во Купот.

Финалсниот меч од почетокот до крајот беше еднонасочна улица. Барселона го наметна својот стил, а Атлетик Билбабо се определи за ултра дефанзивна тактика. Се бранеа длабоко со сите играчи, оставајќи му противникот да напаѓа. Во еден дел од првото полувреме Барселона имаше повеќе од 80 осто од поседот на топка.

Барселона натпреварот го реши во периодот од 60 до 72.минута кога ги постигна головите. Серијата ја отвори Гризман, Де Јонг погоди во 63.минута, а серијата ја затвори Меси со два гола во 68. и 72.минута.

Атлетик Билбао во текот на целиот натпревар ниту еднаш не се заканија кон голот на Тер Штеген.



Манчестер сити испадна во полу-финалето на ФА купот и остана без Кевин Де Брујне. „Граѓаните“, вечерва, загубија минимално од Челси (1:0) во полу-финалето, а Де Брујне поради повреда теренот го напушти во второто полувреме.

Засега, клубот, не објавува информации колку сериозноста на повредата на Де Брујне. Менаџерот Пеп Гвардиола, по натпреварот изјавил дека Белгиецот утре ќе оди на дополнителни прегледи, со краток коментар дека „повредата не изгледа добро“.

Повредата на Де Брујне е голем удар за амбициите на тимот на Гвардиола, кој во наредните 20 дена ќе одигра три важни натпревари, наредната сабота ќе го одиграат финалето во Лига купот против Тотенхем, а потоа им следуваат и полу-финалните натпревари со ПСЖ, во Лигата на шампионите.

Нешто полесно ќе им биде во Премиер лигата, бидејќи на врвот имаат 11 поени повеќе од Манчестер јунајтед.

Фудбалерите на Челси ќе играат во финалето на ФА купот. „Сините“, во првото полу-финале, го совладаа Манчестер сити со 1:0. Голот кој го реши победникот го постигна Хаким Зијеш во 55.минута.

Натпреварот наречен „финале пред финалето“ во ФА купот, понуди малку возбудувања и многу тактички надмудрувања помеѓу Томас Тухел и Пеп Гвардиола.

Сито во првиот дел немаа чиста шанса за постигнување гол додека Челси сериозно се заканија преку Чилвел во 21.минута. Претходно, во седмата минута, ВАР поради офсајд го поништи голот на Зијеш.

Во вториот дел, Сити ја имаа топката во свој посед, додека Челси се определија за контранапади.

Контрата, и асистенцијата на Вернер кон Зијеш им го донесе водечкиот гол на „сините“.

До крајот на мечот, Сити имаше две полу-шанси преку Стерлинг, на спротивната страна ВАР го поништи голот на Хаверц.

Челси и минатата година играше во финалето, но не успеа да го освои. Инаку, ова ќе биде четврто финале во ФА купот за Челси во последните пет години. Оваа година „сините“ ќе се обидат да ја освојат деветтата титула во ФА купот.

Последен пат екипата од „Стенфорд Бриџ“, триумфирала во ФА купот во 2018 година.

Челси во финалето ќе игра против победникот од утрешното полу-финале помеѓу Саутемптон и Лестер.

Финалниот меч ќе се одигра на „Вембли“, на 15.мај.