Фудбалскиот клуб Арсенал наскоро ќе го комплетира првиот трансфер во летниот преоден рок. Како што се најавуваше во изминатите два месеци, во тимот на Микел Артета доаѓа Мартин Зубименди.

Шпанскиот репрезентативец, пристигна во Лондон за да го комплетира својот трансфер од Реал Сосиедад во Арсенал, објави „Атлетик“.

26-годишниот играч од средниот ред треба да ги договори деталите пред договорот официјално да биде финализиран.

Инсајдерот, Фабрицио Романо во петокот објави дека Арсенал ќе плати 65 милиони евра за Зубименди.

Аријан Адеми (34) повеќе не е играч на Динамо. Капитенот на „сините“ го раскина договорот со клубот и ќе ја продолжи кариерата во унгарски Ујпешт.

Динамо се збогува со Адеми со соопштение на официјалните канали.

Адеми е играчот со најмногу трофеи во историјата на клубот, освои 24 трофеи, вклучувајќи 13 титули во лигата. Арјан има и 110 настапи во европски натпревари, што го прави апсолутен рекордер на „сините“.

Тој одигра 430 официјални натпревари за Динамо, се наоѓа на второто место на вечната листа.

Со посебна емотивна порака од Адеми се збогуваше и Стефан Ристовски.

„Во секој тим има срце. Не мора секогаш најмногу да зборува или најмногу да трча, но секогаш кога треба, најсилно чука. За нас, тоа си ти.

Како капитен, не ја носеше само лентата на рака. Носиш одговорност, гордост и сила – и секој пат со насмевка и храброст. Беше лидер кога победуваше, но уште повеќе кога губеше. Твоите зборови мотивираа, твојата борба инспирираше, а твоето присуство ни даваше сигурност на сите нас.

Секогаш беше пример на теренот – борбен, искрен, неуморен. Надвор од теренот, брат, пријател и поддржувач. Во секој поглед, капитен што секој тим може да го посака, а ние имаме среќа што те имаме. Ти благодарам за секој дуел, за секоја крената глава, за секоја поддршка и соиграч. Ти благодарам што нè водиш – не само како фудбалер, туку и како човечко суштество“.

Марк Маркез ја обезбеди пол-позицијата во Муџело. Шпанецот прв ќе ја стартува спринт трката попладнево на кулната патека и ќе стартува прв утре во главната трка. За возачот на Дукати ова беше јубилејната 100. пол-позиција во кариерата.

Марк стигна до првата стартна позиција со време од 1:44.169. Веднаш до него на стартот ќе биде тимскиот колега, двократниот шампион Франческо Пеко Бањаја. Италијанецот имаше послаб резултат за 59 илјадити делови од секундата.

Помладиот од браќата Маркез, Алекс, возач на Гресини Дукати (+0,083) ќе стартува трет.

Првите десет во квалификациите ги комплетираа Фабио Квартараро, Маверик Вињалес, Франко Морбидели, Фабио ди Џанантонио, Педро Акоста, Алекс Ринс и Марко Бечеки.

Спринт е закажан за сабота во 15 часот.