Спорт
Николов: Трите проверки на „Анталија куп“ ќе ни бидат одличен тест за квалификациите

Младата фудбалска репрезентација на Македонија до 21 година пристигна во Анталија и денеска ќе ги започне подготовките за претстојните три контролни натпревари против селекциите на Летонија (23.март), Финска (25. март) и Словачка (28.март).
Нашата млада селекција максимално ќе го искористи овој подготвителен период, со цел што подобро да се подготви за почетокот на квалификациите за пласман на Европско првенство 2025 година.
Еден од најдобрите поединци на штипска Брегалница и стандарден член на младата репрезенетација на Македонија, Иван Николов даде свое видување за претстојните натпревари што не очекуваат и квалификацискиот циклус за пласман на ЕП 2025.
„Контролните мечеви во Анталија се одлична можност за што подобро да се подготвиме за предизвикот што не очекува во септември, односно почетокот на квалификациите за пласман на Европско првенство. Што се однесува до самата група од квалификациите, јасно е дека во денешно време нема лесно противници, но оваа наша група на фудбалери поседува голем квалитет и заедништво, имаме големи очекувања, сакаме да оствариме нешто големо и да избориме пласман на Европско првенство. Имаме серија на потивни резултати на последните натпревари, што ни дава дополнителен мотив дека можеме да одиграме добри квалификации“, вели Иван Николов.
Во Анталија младиот национален тим ќе одигра три натпревари.
„Првиот меч во Анталија го играме против Летонија, селекција со високи и снажни фудбалери која игра доста тврд фудбал. Ние сме поквалитетна селекција од нив, но тоа ќе мора да го покажеме на терен. Се надевам дека ќе продолжиме со одличната игра и позитивната серија на резултати. Атмосферата во самиот тим е одлична, се познаваме меѓусебно многу добро, со оглед на тоа што поголемиот дел од фудбалерите бевме дел и од репрезентацијата на Македонија до 19 години. Убеден сум дека со голема пожртвуваност, борба и желба за надигрување можеме да оствариме добри резултати“, истакна фудбалерот од средниот ред на Брегалница.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Проблеми за судијата: Марчинијак влезе во неволји во Полска и си го загрози финалето на ЛШ

Полскиот судија Шимон Марчинијак е делегиран од УЕФА да го суди финалето на Лигата на шампионите, но по последните случувања се шпекулира дека тој сепак би можел да го пропушти овој голем натпревар.
Шимон Марчинијак е судијата на кој му оди навистина добро оваа сезона. Тој судеше финалиња на Светското првенство и дерби натпревари во други земји.
Неговата работа е високо ценета и благодарение на тоа УЕФА го назначи за судија на финалето од Лигата на шампионите меѓу Интер и Манчестер Сити.
Сепак, Марчинијак влезе во неволја. Здружението „Никогаш повеќе“ кое се занимава со спречување на расизам и други форми на дискриминација во Полска, поднесе пријава против Марчинијак.
Судијата учествуваше на состанокот со Славомир Менцен, еден од лидерите на десничарската партија Конфедерација. Настанот наречен „Еверест“ се одржа на 29 мај.
„Марчинијак присуствуваше на неодамнешниот настан организиран од полскиот екстремно десничарски лидер Славомир Менцен, познат по својот слоган од пет точки: Ние сме против Евреите, хомосексуалците, абортусот, даноците и Европската унија.
Партијата е позната по својот екстремен однос кон етничките малцинства, мигрантите и бегалците, ЛГБТ луѓето и правата на жените“, се вели меѓу другото во соопштението на здружението „Никогаш повеќе“, кое бара од Марчинијак да се „дистанцира“ од оваа партија.
Спорт
Чекајќи го Меси, Саудијците го доведоа Карим Бензема!
Саудиска Арабија е ветена земја за најголемите светски фудбалски ѕвезди. Мразот го проби Кристијано Роналдо, сѐ уште размислува Лионел Меси за понудата на Ал-Хилал вредна 1,2 милијарди евра, но се чини дека многу побрзо од него одлучи Карим Бензема.
Французинот доби понуда од 400 милиони евра за двегодишен договор со Ал-Итихад, и одлучил да ја прифати, иако за тоа сѐ уште нема официјална понуда ниту од фудбалерот, ниту од Реал Мадрид. Но, многу извори кои први известија за трансферот на Роналдо во Ал-Наср и сега потврдуваат дека сѐ е договорено за доаѓањето на Карим Бензема.
🚨 Karim Benzema to Al-Ittihad – IT’S DONE! ✅✍️
(Source: @Santi_J_FM) pic.twitter.com/eksARf8eAr
— Transfer News Live (@DeadlineDayLive) June 1, 2023
И Македонија има свои претставници во најквалитетното друштво на Саудиска Арабија. Таму се Александар Трајковски во Ал-Фејха, Дарко Велковски во Ал Етифак, а и Езгјан Алиоски е на добар пат да се врати во Ал-Ахли.
Спорт
ГРК Охрид доведе голман од БиХ

Македонскиот ракометен суперлигаш ГРК Охрид потпиша договор со младиот босански репрезентативен голман Берин Бркиќ. Тој има 19 години, доаѓа од екипата на Борац Бања Лука и потпиша договор до 2026 година.
„Се радувам што доаѓам во ваков амбициозен клуб како што е Охрид! Доаѓам во една од најдобрите лиги во светот. Исто така се радувам што доаѓам во земјата каде што ракометот е спорт број еден. Го следев Охрид претходната сезона и има навистина добар тим и некои од соиграчите веќе ги познавам“, изјави Бркиќ.
Голманот Берин Бркиќ е второ засилување за ГРК Охрид, откако вчера беше доведн и грузискиот репрезентативен лев бек Тимураз Орјоникидзе.