Спорт
Ништо од Белгија, Свилар може да брани само за Србија

Миле Свилар може да брани само за репрезентацијата на Србија. Селектор на Белгија, Доменико Тедеско објави дека не смета на голманот на Рома.
„Го следевме Свилар во последните месеци и сакавме тој да биде наш член. Има проблем, од правна страна, Свилар повеќе не може да ја менува федерацијата“, објасни Тедеско.
Да потсетиме, пред објавувањето на списокот за пријателските натпревари со Русија и Кипар, младиот голман неофицијално и преку посредник му порачал на селекторот Драган Стојковиќ дека повеќе не сака да брани за Србија.
Останува да видиме како ќе реагираат селекторите и спортскиот сектор во рамките на ФСС на последните случувања во ситуацијата.
Правилото на ФИФА вели дека откако ќе наполнат 21 година фудбалерите на можат да го сменат спортското државјанство. .
Да потсетиме, Свилар многу порано го прифати повикот на селекторот Драган Стојковиќ да брани за Србија. Иако редовен на собирите, младиот голман забележа само еден натпревар во есента 2021 година и тоа против Катар. Незадоволен од својот статус и зголемената конкуренција, Свилар реши по три години повторно да го смени репрезентативниот дрес.
Свилар сакаше повторно да брани за Белгија. Тој е роден во Антверпен и бранеше за младинските селекции на Белгија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Хојлунд е на чекор до преселба на „Сан Сиро“

Манчестер јунајтед се согласи да го позајми Расмус Хојлунд на Милан, но договорот сè уште не е дефинитивно склучен.
Данскиот напаѓач стана вишок на „Олд Трафорд“, откако во клубот дојдоа Матеуш Куња и Бенјамин Шешко. Милан веднаш покажа сериозен интерес за Хојлунд.
Според „Газета дело Спорт“, се очекува челниците на Јунајтед да му соопштат на официјален состанок, на Хојлунд, дека е вишок во тимот, а потоа треба да се пресели на „Сан Сиро“.
Манчестер е подготвен да го испрати на позајмица, а двата клуба сè уште не го дефинирале моделот по кој Хојлунд би се преселил во италијанскиот гигант.
Сигурно е дека по завршувањето на сезоната, Милан ќе мора да го откупи неговиот договор од Манчестер јунајтед. Според медиумите станува збор за сума од околу 35 милиони евра.
Фото/ Принскрин
Спорт
Столбот на одбраната на Челзи се здоби со тешка повреда

Дефанзивецот на Челзи, Ливај Колвил, претрпе повреда на предните вкрстени лигаменти, потврди клубот од „Стенфорд Бриџ“.
Човекот кој минатата сезона се етаблираше како најпостојан стопер на „сините“ и столб во походот кон трофејот во Конференциската лига, сега ќе мора да направи долга пауза.
Колвил се повредил на првиот тренинг во понеделникот, а вчера бил опериран.
Предвидувањата велат дека тој би можел да биде надвор од терените помеѓу шест и 12 месеци, во зависност од брзината на закрепнувањето.
Менаџерот Енцо Мареска ги има на располагање Весли Фофана, Тревор Чалоба, Ренато Веига, Аксел Дисаси, Беноа Бадијашил, Тосин Адарабиохо и Арон Анселмино.
Тимот од „Стемфорд Бриџ“ ќе ја започне новата сезона во Премиер лигата на 17 август, кога ќе го пречека Кристал Палас.
Спорт
Мората се враќа во Серија А

По Јувентус и Милан, Алваро Мората ќе игра во Серија А и за Комо. Галатасарај попушти и се согласи да ја раскине позајмицата на искусниот напаѓач, кој минатата зима пристигна од Милан на една година.
Според информациите што доаѓаат од Италија и Шпанија, Турците ќе добијат 5.000.000 евра од Комо, додека Милан ќе добие 1.000.000 за позајмицата.
Милан наредното лето ќе заработи уште 9.000.000 евра, бидејќи Комо ќе мора да го откупи договорот на Мората.
Ова значи дека Комо ќе потроши вкупно 15.000.000 евра за обештетување за 32-годишниот напаѓач.
Комо се исклучително активни во овој преоден рок, досега клубот на засилувања потроши над 100.000.000.
Foto/ EPA/OLAF KRAAK