Спорт
Ништо од трансферот на Нејтан Аке во Челси

Дефанзивецот Нејтан Аке нема да се пресели во Челси и следната сезона ќе остане во Манчестер Сити, пренесува медиумите на Островот.
Лондончани покажаа силен интерес да го вратат холандскиот репрезентативец, кој беше дел од клубот во периодот од 2011 до 2017 година, но на крајот нема да биде постигнат договор со англискиот шампион. Причината е што Челси не ги задоволи барањата на „граѓаните“ кои за својот дефанзивец бараат 50 милиони фунти.
И Аке и Манчестер Сити се задоволни што фудбалерот ќе продолжи да го носи дресот на тимот. Во меѓувреме, Челзи се пренасочи и веќе започна разговори со Преснел Кимпембе од Пари Сен Жермен, откако го обезбеди потписот на Калиду Кулибали од Наполи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Дортмунд го комплетираше трансферот на Модест како замена за Але

Борусија Дортмунд го потврдија трансферот на ветеранот на Келн, Антони Модест како замена за Французинот Себастиен Але, кому по трансферот во Дортмунд му беше дијагнстициран рак на тестисите.
34-годишниот Французин Модест потпиша едногодишен договор со клубот, откако како потенцијални опции „испаднаа“ Мемфис Депај, Мауро Икарди, Единсон Кавни и Луис Суарез.
„Антони е вистински професионалец кој ja познава многу добро Бундеслигата, кој лани имаше 20 гола и има совршен профил кој го бара нашиот тренер Един Терзиќ“, изјави спортскиот директор на клубот, Себастијан Кел.
Според германските медиуми, Дортмунд ќе плати 5 милиони евра на Келн.
Спорт
Канада не дозволи влез на Викторија Азаренка

Поранешната гренд слем шампионка, Викторија Азаренка нема да настапи на Торонто опен, турнир на кој веќе има 10 настапи, откако Канада одби да и издаде виза на 33-годишната поранешна светска тенисерка број 1 бидејќи доаѓа од Белорусија.
„Поздрав до сите. Сакав да ве информирам дека морам да се повлечам од турнирот во Торонто откако ми беше одбиена визата. Навистина разочарувачки што ќе морам да пропуштам еден од моите омилени турнири. Сакам да играм во Канада пред фантастичните фанови и пријатели кои ги направив последните години. Им посакувам среќа на сите и се гледаме во Синсинати“, напиша Азаренка на Твитер.
На Азаренка, претходно не и беше дозволен ниту настап на Вимблдон, каде што руските и белоруските тенисери и тенисерки беа непожелни. Таа неодамна откри дека како членка на Советот на ВТА турнејата, се обидела да најде решение со британските организатори, но дека тие не послушале ниту еден совет. Иронично, таа ќе може да настапи на САД опен, откако американскиот гренд слем реши да не го следи примерот на Вимблдон.
Update… pic.twitter.com/2X7kmsAqt3
— victoria azarenka (@vika7) August 7, 2022
Спорт
Луис Хамилтон ја одбил понудата на Том Круз да биде дел од новиот „Топ ган“

Седумкратниот Ф1 шампион Луис Хамилтон открива дека морал да ја одбие понудата од Том Круз да биде дел од новиот филм „Топ Ган: Маверик“ поради Формула 1 календарот. 37-годишниот Хамилтон и претходно беше дел од Холивуд, откако имаше епизодна улога во „Зулендер 2“ и го позајми гласот за филмовите „Карс 2“ и „Карс 3“.
Британецот открива дека бил голем фан на оригиналниот „Топ ган“ и дека детска желба му била да биде пилот на небо, а не во Ф1 болид, така што ова било емотивно откажување на шанса која се пружа еднаш во животот.
„Јас сум пријател со Том Круз, кој е еден од најдобрите луѓе кои можете да ги најдете. Ме покани кога го снимаа ‘Edge of Tomorrow’ и оттогаш сме пријатели. Кога дознав дека излегува нов ‘Топ ган’ веднаш си кажав дека сакам улога, што било, да бидам чистач во позадина. Но, тој отиде понатаму и ми понуди улога на пилот. За жал, морав да го одбијам тоа“, вели Хамилтон во интервју за „Венити фер“.