Спорт
Њујорк го порази Бостон – Селтикс повеќе не е прв во НБА
Кошаркарите на Мајами Хит ја победија Филаделфија со 101:99 и ја прекинаа серијата од четири порази. Во дербито на Истокот, Њујорк Никс убедливо ги совладаа Бостон Селтикс со 109:94.
Бостон прв пат од почетокот на сезона не е лидер на Истокот. Селтикс потклекнаа во Њујорк и сега со скот 43/18 се втори на табелата за Милвоки Бакс.
Во победничкиот тим најефикасни беа Имануел Квикли и Џулиус Рендл со по 23 поени, додека Џејлен Бренсон запиша 17 поени.
Кај Селтикс се истакна Малколм Брогдон со 22 поени, Маркус Смарт имаше 19, додека Џејсон Тејтум постигна само 14 поени со 9 асистенции и 7 скока.
Тејтум се мачеше со шутот (6/18), а натпреварот не го заврши бидејќи беше исфрлен во четвртиот период по втора техничка грешка.
Џими Батлер го предводеше Мајами до победата над Филалделфија со 23 поени, 11 скока, девет асистенции и четири украдени топки.
Тој поентираше за 100:99 на 88 секунди до крајот, а на осум секунди до крајот на мечот беше прецизен од линијата за слободни фрлања.
.
Во победата на мајами свој придонес имаа Гејб Винсент со 14 поени, Бем Адебајо со 13 поени и седум скока, Макс Струс исто така со 13 и Виктор Оладипо со 11 поени.
Во тимот на Филаделфија Џоел Ембиид постигна 27 поени со 12 скока, а Тајрис Макси додаде 23 поени.
Џејмс Харден не успеа да погоди тројка со звукот на сирената, натпреварот го заврши со 20 поени и 12 асистенции.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Му платија 700 милиони долари, веднаш направи нешто што МЛБ досега не видела
Јапонскиот бејзбол играч Шохеи Охтани, изминатата ноќ, влезе во историјата на МЛБ.
Шохеи Охтани дојде во Лос Анџелес Ејнџелес како фрлач (pitcher) и веднаш стана голема ѕвезда бидејќи правеше работи кои не се видени во модерниот спорт, а тоа е да игра и во поле и покрај тоа што е фрлач.
Јапонецот уриваше рекорди во фрлања и погодоци (хоум ран), па го привлече вниманието на градскиот ривал Лос Анџелес Доџерс кој му плати дури 700 милиони долари.
Овој 10-годишен договор е најголемиот во историјата на спортот, а лудилото допрва ќе следи бидејќи Шохеи Охтани направи нешто што досега не е видено.
Шохеи Охтани игра на позицијата удирач и стана првиот играч во историјата на МЛБ кој има 50 хоум ран (погодок кога топката оди преку трибините и не може да се фати) и 50 украдени бази (кога играчот ќе стигне до базата пред да дојде топката до неа).
„Овој спорт се игра повеќе од 200 години, никој во историјата на лигата не го направил она што него му успеа“, изјави тренерот на Лос Анџелес Доџерс, Дејв Робертс.
Рекордот беше соборен во Мајами за време на натпреварот помеѓу Доџерс и Марлинс, во седмиот ининг Охтани влезе во историјата.
Спорт
Симеоне: Овој формат на ЛШ ве тера да играте на победа
Тренерот на Атлетико Мадрид, Диего Симеоне изјави дека е задоволен од исходот на натпреварот против Лајпциг.
Фудбалерите на Атлетик во четвртокот го победија Лајпциг со 2:1, во натпреварот од првото коло во Лигата на шампионите.
Шпанскиот клуб победи со голот на дефанзивецот Хосе Марија Хименез во 90. минута.
„Овој формат нè принудува да победиме, од нерешен резултат има малку корист. Целосно сум задоволен, натпреварот беше многу добрар. Ова ќе го кажев и доколку завршеше нерешено. Игравме на различни начини и со различни играчи. Играчите добро го протолкуваа тоа и добивме важен натпревар. Се се одвиваше онакак како што замисливме, контролиравме 80 проценти од играта“, изјави Симеоне по мечот.
Клубот од Мадрид во недела ќе му гостува на Рајо Ваљекано во шестото коло од шпанската лига.
Спорт
Ембид ќе заработува 64 милиони долари по сезона
Џоел Ембид е еден од најдобрите центри во денешната НБА и е член на Филаделфија ’76 од почетокот на кариерата.
Според Шемс Чаранија, моментално единствениот активен НБА инсајдер, Филаделфија ќе му плати на Џоел Ембиид 193 милиони долари во следните три сезони.
Максималниот договор трае до 2028/29 година и тоа значи дека Ембид ќе заработува 64,33 милиони долари годишно, или ќе инкасира над 301 милион долари за пет години со стариот максимален договор.
Тоа е еден од најголемите договори во историјата на НБА.
Ембид дојде од Универзитетот Канзас во НБА во 2014 година кога Фили го избра од третата позиција на драфтот. Тој беше МВП во 2023 година и член на идеалната петорка.
Ембид е седумкратен Ол-стар, двапати водечки стрелец во лигата, четири пати член на втората најдобра петорка во лигата и три пати се најде во вториот најдобар одбранбен тим во лигата.