Кајри Ирвинг, еден од најдобрите плејмејкери во НБА лигата ќе остане во Далас Маверикс.

Освојувачот на шампионскиот прстен со Кливленд Кавалирс и франшизата од Тексас потпишаа тригодишен договор вреден 119 милиони долари. Кајри ја намали својата плата од 43 на 39 милиони долари, а последната година од договорот се активира на барање на играчот, односно кошаркарот ќе има можност да го тестира пазарот.

Далас ќе има респектабилен состав, покрај Ирвинг тука се Ентони Дејвис и Клеј Томпсон, а она што е важно за нив е што тие први ќе избраат на претстојниот драфт.

Откако Ирвинг го потпиша договорот, Далас објави дека Спенсер Динвиди, Кеслер Едвардс, Кај Џонс и Данте Ексум ќе си заминат како слободни играчи.

Крилниот напаѓач на Атлетик Билбао, Нико Вилијамс, го информирал раководството на клубот дека се сели во Барселона, пишува „Мундо Депортиво“.

Каталонскиот гигант е подготвен да ја активира откупната клаузула во неговиот договор со тоа што веднаш ќе плати 58 милиони евра и уште четири милиони евра во следната фискална година.

Нико Вилијамс со Барселона ќе потпише договор до јуни 2032 година.

Трансферот ќе биде официјален на 1 или 2 јули, за да може Вилијамс навреме да ги започне подготовките со своите нови соиграчи.

Челзи се квалификуваше во нокаут фазата на Светското клупско првенство со убедлива победа од 3-0 (2-0) над Есперанс од Тунис во последното коло од Групата Д.

„Сините“ не дозволија изненадување во натпреварот кој мораа да го добијат. Интересно, секој гол „падна“ во судиското продолжение – два во првото полувреме.

Тосин Адарабијо го направи тоа во третата, Лиам Делап го постигна својот прв гол за Челзи во петтата минута, асистент за головите беше Аргентинецот Енцо Фернандез.

Конечниот резултат го постави Тирик Џорџ во деветтата минута од судиското продолжение, кратко пред последниот свиреж на судијата.

Во исто време, Фламенго го обезбеди првото место на табелата со нерешен резултат против Лос Анџелес од 1:1 (0:0).

И двата гола беа постигнати во финишот од дуелот. Тимотод САД поведе со голот на Габонецот Дени Буанга во 84-та минута.

Гигантот од „Маракана“ го избегна поразот две минути подоцна, поточно благодарение на 20-годишниот Волас Јан, кој го постави конечниот резултат.

Прагматично кажано, иако Фламенго заврши пред Челзи по големата победа во меѓусебниот дуел, прашањето е кој мина подобро.

Во групата Ц, со која вкрстуваат, првото место го освои Бенфика, а второто Баерн Минхен, што значи дека во осминафиналето Фламенго ќе игра против Баерн, а Челзи против Бенфика.