Спорт
Норис: Ферстапен мора да го смени пристапот кон трките

Возачот на Мекларен, Ландо Норис, вели дека неговиот конкурент за титулата во Формула 1, Макс Ферстапен од Ред Бул, треба да го промени својот пристап кон трките.
Тој исто така додаде дека очекува почиста борба на претстојната трка за Големата награда на Бразил во Сао Паоло. Норис и Верстапен се борат за титулата, а трикратниот светски шампион доби две казни од по 10 секунди и два казнени поени во двата контроверзни инциденти на трката во Мексико минатата недела поради агресивно возење во борба за позиција со Британецот.
Вториот инцидент Норис на радио го нарече опасен, а Ферстапен доби многу критики за неговото возење.
Норис изјави дека не разговарал со Ферстапен за инцидентите во Мексико и дека многу го почитува актуелниот светски шампион, но не и неговите постапки на последната трка.
„Тоа не е нешто за што треба да разговарам со Макс. Макс е веројатно еден од најспособните возачи во конкуренцијата, ако не и најспособниот. Тој знае што може, а што не може и каде се границите. знае што треба да промени“, рече Норис.
Во четвртокот во Сао Паоло, Ферстапен ги отфрли критиките како здодевни и пристрасни и рече дека знае што прави.
Норис и Ферстапен се добри пријатели надвор од патеката откако британскиот возач му се приклучи на Мекларен во 2019 година.
Се чини дека инцидентите на трките во Австрија и Остин немаа да влијаат на пријателството, но Норис рече дека тоа може да се промени до крајот на сезоната.
Ферстапен има 47 поени предност пред Норис на четири трки до крајот. Британецот има освоено повеќе поени од конкурентот на четири од последните пет трки, но ќе треба да има просек од 11,75 поени повеќе по тркачки викенд за да ја освои титулата.
Норис изјави дека добрата работа на целиот тим му дава надеж дека може да ја освои првата титула, но дека мора да се поклопат и други работи, меѓу кои и лошите резултати на Ферстапен и Ред Бул.
Спринт трката во Бразил започнува во сабота во 15:00 часот, а Големата награда на Бразил во Сао Паоло е закажана за недела во 18:00 часот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Де Брујне потврди дека ќе го напушти Манчестер сити

Кевин Де Брујне објави дека нема да го продолжи договорот со Манчестер сити и дека ќе го напушти клубот на крајот од сезоната.
Белгискиот репрезентативец подолго време беше во преговори со „Граѓаните“ за нов договор, на крајот двете страни не успеаја да постигнат договор. Де Брујне во последно време често ги започнуваше натпреварите од клупата за резерви, што значи дека повеќе не е прв избор на тренерот Пеп Гвардиола.
Де Брујне на својот профил социјалната мрежа „Х“ објави порака до навивачите на Манчестер сити во која објави дека нема да го продолжи договорот и дека ова се неговите последни месеци на „Етихад“.
Dear Manchester. 💙 pic.twitter.com/2EdhVYOLti
— Kevin De Bruyne (@KevinDeBruyne) April 4, 2025
Спорт
Леклер: Болидот на Ферари не е добар

Шарл Леклер, возачот на Ферари, не е задоволен од болидот што го има на располагање во Формула 1 шампионатот.
По првите две трки Леклерк и Хамилтон заостануваат 61 поен зад двојката на Мекларен Норис и Пјастри.
„Тешко е како и секогаш. Секогаш е комплицирано да се извлече максимумот од автомобилот. Мислам дека исто е и оваа сезона, единствениот проблем е што нашата моментална брзина во споредба со Мекларен не е доволно добра“.
Иако се надева на напредок на Јапонското ГП, Леклер очекува Ферари да биде на слично ниво како на првите две трки, што укажува на тоа дека спринтерската победа на Хамилтон во Шангај беше исклучок.
„Видовме голем чекор напред во саботата, особено во спринт трка со Луис, но во недела се се врати во нормала. Затоа очекувам да бидеме на исто ниво во Сузука како што бевме во Кина во неделата и во Мелбурн“.
Спорт
Де Зерби не жели да ја тренира екипата

Пораз од Ремс во претходна рунда, четврти во последните пет натпревари за Олимпик Марсеј, ги крена тензиите на „Велодрому“, по што Роберто Де Зерби целосно ја загубил контролата врз тимот.
Марсеј не е во добра форма во последно време, тоа го покажуваат и резултатите, а тоа целосно го исфрли од такт темпераментниот Италијанец. По поразот од ремс, кога екипата се вратила во Марсеј, тој им наредил на фудбалерите да преспијат во тренинг центарот.
Играчите биле незадоволни бидејќи наредниот ден требало да им биде слободен, а особено незадоволни биле играчите од муслиманската вероисповед кои не можеле со семејствата да го прослават големиот празник Рамазан Бајрам.
Де Зерби, наредниот ден закажал тренинг, но не се појавил им кажал на играчите дека не сака да ги тренира, а потоа директно му се обрати на Пол Лирола, дефанзивецот на Марсеј:
„Никој во овој клуб не те сакаше ова лето освен мене. Јас сум единствениот кој веруваше во тебе, а ти ми враќаш со ваква одбрана? Сакаш да паднам? Тогаш сите паѓате со мене”, викал Де Зерби.
Играчите кои одбија да тренираат под неговиот стручен штаб му возвратија, па морал да реагира спортскиот директор на клубот Мехди Бенатиа.
Поранешниот дефанзивец на Јувентус и Баерн објасни дека не може да има прекин на тренинзите, на што играчите го прашале дали е нормално што тренерот не сака да го тренира тимот. Тој одговори дека и без тренер, по индивидуален квалитет, морале да го победат Ремс.