Спорт
(Видео) Норис и Леклер најбрзи на тренинзите во Австралија, Албон го искрши болидот
Ландо Норис од Мекларен и Шарл Леклер од Ферари беа најбрзи на денешните тренинзи во Мелбурн, пред трката за Големата награда на Австралија во Формула 1.
Норис беше најбрз на првиот тренинг со резултат 1:18.564.
Втор беше актуелниот шампион Макс Ферстапен од Ред Бул, со заостанување од 0,018 секунди, во текот на тренингот го оштети подот на својот болид. Третото место го зазеде Џорџ Расел од Мерцедес со заостанување од 0,033 секунди.
Возачот на Ферари, Шарл Леклер беше четврти, возачот на Ред Бул, Серхио Перез шести, Карлос Саинц од Ферари, кој се врати во натпреварувањето по операцијата на слепо црево, беше осми, а Луис Хамилтон од Мерцедес беше деветти.
Возачот на Вилијамс, Алекс Албон, удри во заштитниот ѕид во свиокот осум и го оштети болидот и не учествуваше на вториот тренинг, а доколку тимот не ја поправи шасијата на трката во Австралија, ќе вози само Логан Сарџент.
The moment Alex Albon brought out the red flags 💥#F1 #AusGP pic.twitter.com/Osz5naXKQR
— Formula 1 (@F1) March 22, 2024
На вториот тренинг најбрз беше Леклер со 1:17.277 минути, втор беше Ферстапен со 0.381 секунди, а трет Саинц со 0.430 секунди.
Возачите на Астон Мартин Ленс Строл и Фернандо Алонсо ги освоија четвртото и петтото место, додека Џорџ Расел од Мерцедес беше шести.
Возачот на Ред Бул, Перез го освои осмото место, Норис беше деветти, а Хамилтон беше 18-ти.
Третиот тренинг се вози ноќта помеѓу петок и сабота, квалификациите се закажани за сабота од 6 часот по средноевропско време, а трката за Големата награда на Австралија е во недела од 5 часот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Перу го победи Уругвај
Фудбалерите на Перу го победија Уругвај на домашен терен со 1:0, во последниот натпревар од деветтото коло во јужноамериканските квалификации за Светското првенство.
Голот за огромни три бода. го постигна стоперот Мигел Араухо во 88. минута, играч на американски Портланд.
Со оваа победа Перу ги задржа шансите за пласман во Мундијалот во 2026 година.
Перу е претпоследен со шест бода, Уругвај трет со 15. Аргентина е лидер со 19 бодови, Колумбија има 16, Бразил е четврти со 13, Еквадор е петти со 12, исто толку колку и шестопласираната Боливија, а Венецуела е седма со 11.
Над Перу е Парагвај со 10 бодови, а зад „фенерџијата“ Чиле со пет бодови.
Најдобрите шест селекции од Јужна Америка директно ќе се пласираат на СП по 18 одиграни кола, додека седмопласираната ќе оди во интерконтиненталниот плеј-оф.
Спорт
Марка: Би било лошо доколку Реал го врати Серхио Рамос
Реал Мадрид е во криза поради бројните повреди и отсуства кои најмногу ја погодија дефанзивната линија. Повредени се голманот Тибо Куртоа и дефанзивците Едер Милитао, Давид Алаба и Дани Карвахал. Извесно е дека сезоната е завршена за десниот бек, Карвахал.
Откако се повреди Карвахал, дел од шпанските медиуми шпекулираа дека во Реал би можел да се врати поранешниот капитен Серхио Рамос.
38-годишникот е слободен играч откако му истече договорот со Севилја. Дел од навивачите би се согласиле со неговото враќање, но „Марка“, медиум близокдо клуботпишува дека Реал ќе направи голема грешка доколку го врати Рамос.
Главна причина се неговите години, и непишаното правили: „Ако го напуштиш Реал, не враќај се“.
Иако Рамос има култен статус во „кралскиот клуб“, раководството на Реал нема стратегија за потпишување на ветерани. Затоа ни Хари Кејн не дојде пред нешто повеќе од една година. Реал најверојатно ќе се фокусира на доведување на некои помлади играчи, пишува „Марка“.
Спорт
Милано на Димитријевиќ го победи Париз на Шортс
Олимпија Милано го поббеди Париз со 79:74 во второто евролигашно коло. Милано ја забележа првата победа сезонава, додека дебитантот Париз го доживеа вториот пораз.
За македонската јавност мечот во „Медиоланум Форум“ беше интересен поради репрезентативците Ненад Димитирјевиќ и Ти-Џеј Шортс.
Милано победата ја однесе во финишот, откако Париз го контролираше натпреварот во поголемиот дел.
Димитријевиќ натпреварот го заврши со девет поени и три скока, додека Шортс повторно беше најдобра кај Париз. Тој забележа 17 поени, четири скока и осум асистенции.