Октомврискиот прозорец во рамките на квалификациите за пласман на Мундијалот започна со понижувачкиот пораз на Црна Гора, ремито на Хрватска во Прага и траедијата на Босна и Херцеговина, која во 96.минута остана без победата против Кипар.

Црна Гора на дебито на новиот селектор Мирко Вучиниќ доживеа дебакал на Фарските острови. Домашната селекција победи со 4:0.

Херои на Фарските острови беа Ханус Соренсен и Арни Фредериксберг, кои по два пати го совладаа Иван Никиќ.

Соренсен постигна гол во 16-та и 55-та минута, додека Фредериксберг беше стрелец во 36-та и 71-ва минута од натпреварот.

Во рамките на оваа Л група. Чешка и Хрватска одиграа нерешено без голови во Прага.

Хрватите се задоволни од освоениот бод против директниот конурент. Двете селекции сега имаат по 13 поени, но Хрватска има подобра гол разлика и натпревар помалку од Чешка.

Фудбалерите на Босна и Херцеговина, во Х групата ремизираа со Кипар со 2:2 и останаа без важни бодови во борбата за Светското првенство.

Момците на Сергеј Барбарез поведоа по десет минути игра, кога Никола Катиќ се најде на вистинското место и ја смести во мрежата.

„Змејовите“ го удвоија водството благодарение на голманот на Кипра, Михаило. Тој ја фати топката по корнер, но падна и ја смести во мрежата. Тој сигнализираше дека е фаулиран во таа прилика, но залудно.

Сепак, Кипар успеа да го намали резултатот до крајот на првото полувреме. Стоперот Лаифис беше стрелец на голот.

Во второто полувреме, домашните се обидоа да израмнат и успеаја во судиското надополнување на времето. Шуњиќ стратуваше невнимателно, направи пенал, а Питас му донесе бод на својот тим.

Селекторот на фудбалската репрезентација на Англија, Томас Тухел, изјави дека неговиот тим ќе биде аутсајдер на Светското првенство следното лето и дека нема шанси за успех ако тимот не се обедини.

Репрезентацијата на Англија играше во две последователни финалиња на Европските првенства, но не стигнаа до финалето на светските првенства од 1966 година, кога ја освоија својата единствена голема титула во историјата.

Англија ќе се квалификува за Светското првенство во САД, Канада и Мексико ако ја победи Латвија во Рига во вторник, а Србија не успее да ги победи Албанија или Андора во нивните претстојни натпревари. А ако тоа не се случи, Англичаните ќе го заверат својот билет за Светското првенство во ноември.

„Ќе дојдеме на Светското првенство како аутсајдери бидејќи не сме го освоиле со децении и ќе играме против тимови кои го освоиле во неколку наврати во тој период, па затоа мора да одиме таму како тим, во спротивно немаме шанси“, рече Тухел, објави „Скај Спортс“.

Зборувајќи за составот, Тухел рече дека се обидува да избере играчи кои можат да го обединат тимот, тимот да биде тим, бидејќи на Англија ѝ е потребен најдобриот тим на Светското првенство.

Тухел ја презеде репрезентацијата во јануари и победи на пет од шест натпревари откако тимот беше поразен во пријателски натпревар од Сенегал.

„Ако никогаш не сте го освоиле Вимблдон, можете да бидете еден од фаворитите, но не и фаворит. Тука се Бразил, тука се Аргентина, Шпанија, Франција и тие неодамна го освоија СП. Тоа не значи дека немаме шанси и тоа го знаеме многу добро. Прво да се квалификуваме, а потоа ќе знаеме точно зошто одиме таму“, рече Тухел.

Англија вечерва ќе игра пријателски натпревар против Велс, а на 14 октомври против Латвија во квалификациите за СП.

На табелата од Групата К, Англија е прва со сите 15 бода, Албанија е втора со осум бода, а третото место и припаѓа на Србија со седум бода, но и со натпревар помалку. Латвија има четири бода, а последна е Андора без бодови.

Првопласираните екипи од секоја група ќе се пласираат директно на Светското првенство, а второпласираните екипи ќе играат во баража за пласман на Мундијалот.

Новак Ѓоковиќ избори пласман во полуфиналето на Мастерсот во Шангај. На задоволство на кинеската публика, Ѓоковиќ во четвртфиналето, за еден час и 50 минути, го победи Белгиецот Зизу Бергс со 6:3, 7:5.

Ѓоковиќ го подобри рекордот поставен во вторникот, стана највозрасниот полуфиналист во историјата на тутнирите од Мастерс серијата. Десетти пат во кариерата ќе игра полуфинале во Шангај, вкупно на турнирите од Мастерс серијата во сабота 80-ти пат ќе игра во полуфиналето.

Освојувачот на 24 Грен слем титули, се до финишот на мечот немаше проблеми со талентираниот Берг. Лесно го доби првиот сет, откако направи брејк во петтиот гем. Можеше во првиот сет да одигра и гем помалку, но во осмиот гем не искористи пет сет топки на сервис на противникот.

Во вториот сет, тенисерите беа сигурни кога сервираа се до деветтиот брејк, кога Ѓоковиќ го брејкна Бергс, но во наредниот гем, кога Србинот сервираше за победа, Белгиецот возврати.

Нов брејк напраби Ѓоковиќ во 11-от гем, потоа кога сервираше не искористи две меч топки, Берг дојде до брејк шанса, но со три неизнудени грешки му го подари гемот, а со тоа и победата на Ѓоковиќ.

Интересно, Ѓоковиќ со само 11 директни поени дојде до победата, му помогнаа 40-те неизнудени грешки на Бергс.

Противник на Жоковиќ во полуфиналето ќе му биде најголемото изненадување на турнирот, 211- от на АТП листата, Валентин Вашеро.

Foto/ EPA