Спорт
Нов скандал на Барселона: Клубот му платил 1,4 милиони евра на поранешниот шеф на судиите во Ла Лига
Каталонскиот гигант Барселона е вовлечен во нов голем скандал во шпанскиот фудбал, Откриена е уплата од 1,4 милиони евра во период од неколку години, што раководството на Барселона ја наменила за поранешниот шеф на Судиската комисија во Ла Лига.
Шпанското државно правобранителство го истражува работењето на компанијата во сопственост на Хозе Енрикез Негреира, долгогодишен шпански судија и претседател на Техничката комисија на Ла Лига од 1994 до 2018 година.
„Ел Паис“ пишува дека станува збор за сума од 1,4 милиони евра, а парите се исплатени во периодот од 2016 до 2018 година, додека претседател на клубот бил Хозеп Бартомеу.
Според каталонските медиуми, Барселона во 2016 година платила 532.000 евра, во 2017 година 541.000 евра и во 2018 година се одлеани 318.000 евра. Последната уплата се поклопува со заминувањето на Енрикез Негреира од судиската комисија, по што беше формиран нов состав на тоа тело.
Засега тој е осомничен за измама и корупција, а се започнало кога даночниот инспекторат открил сомнителни плаќања кои дошле на сметката на споменатата компанија од Барселона, каталонскиот фудбалски гигант.
Пред истражниот суд сведочеа неколку поранешни челници на Барселона, како и сопствениците на компанијата. Негреира не ги пријавил гореспоменатите плаќања од Барселона до даночната управа, а наведува дека тоа не го сторил затоа што „само им давал консултантски услуги“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
ПСЖ го договори трансферот на Јоро
Лени Јоро има 18 години, сезонава играше станардно за Лил, со што го привлече вниманиетот на големите клубови. За ова момче стручњаците велат дека е најталентиранот стопер во својата генерација. За неговиот потпис се бореа Реал Мадрид и ПСЖ.
Трката за неговиот потпис ја доби ПСЖ. Реал се повлече бидејќи Флорентно Перез на сакал да издвои 50 милиони евра. Медумите пишуваат дека Реал за Јоро понудил 30 милиони евра.
За разлика од Реал, ќелниците на клубот од Парзи веднаш се согласиле да ја платат бараната сума.
Лени Јоро оваа сезона одигра вкупно 44 натпревари за Лил и постигна три гола.
Спорт
Јокиќ: Лука ми е пријател, му посакувам да ја освои титулата
Никола Јокиќ и кошаркарите на Денвер не успеаја да го одбранат шампионскиот прстен оваа сезона. Тие беа поразени во полуфиналната серија на Западот од Минесота со 4-3, последниот, седми натпревар во серијата Минесота го доби во Денвер со (90:98).
Јокиќ не беше расположен по натпреварот, делуваше исцрпено по големата борба. Минесота често играше со тројца високи играчи Руди Гобер, Карл-Ентони Таунс и Наз Рид кои максимално го изморија најдобриот играч во лигата.
Кога Јокиќ на прес-конференцијата беше запрашан да опише што им се случи, можеби со својот одговор индиректно прстот го впери кон челниците на франшизата, се пожали на на недоволниот квалитет што го има Денвер на клупата за резерви.
Јокиќ беше запрашан и кого би сакал да види на местото каде минатата година беше Денвер, со шампионски прстен.
„Тоа му го посакувам на Лука. Тој ми е добар пријател“.
Спорт
Меси ја предводи Аргентина, Дибала го нема на списокот
Селекторот на фудбалската репрезентација на Аргентина, Лионел Скалони го објави списокот на играчи за пријателските натпревари против Еквадор и Гватемала, во пресрет на Копа Америка.
На списокот на светските шампиони има 29 играчи, меѓу кои е и Лионел Меси, но го нема Пауло Дибала кој беше дел од тимот што го освои Светското првенство во 2022 година.
Аргентина ќе игра со Еквадор на 9 јуни во Чикаго, додека пет дена подоцна ќе се соочи со Гватемала во Ландовер, Мериленд.
Фудбалерите на Аргентина ќе го започнат натпреварувањето на Копа Америка на 20 јуни против Канада. Во групата А се и Чиле и Перу.
Голмани: Емилијано Мартинез (Астон Вила), Франко Армани (Ривер Плата), Херонимо Рули (Ајакс);
Одбрана: Гонзало Монтиел (Нотингем Форест), Нахуел Молина (Атлетико Мадрид), Леонардо Балерди (Марсеј), Кристијан Ромеро (Тотенхем), Херман Пецела (Бетис), Лукас Мартинез Кварта (Фиорентина), Николас Отаменди (Бенфика), Лисандро Мартинез (Манчестер Јунајтед), Маркос Акуња (Севилја), Николас Таљафико (Лион), Валентин Барко (Брајтон);
Среден ред: Гвидо Родригез (Бетис), Леандро Паредес (Рома), Алексис Мекалистер (Ливерпул), Родриго де Пол (Атлетико Мадрид), Езекиел Паласиос (Баер Леверкузен), Енцо Фернандес (Челзи), Џовани Ло Селсо (Тотенхем), Анхел ди Марија (Бенфика), Валентин Карбони (Монца);
Напад: Лионел Меси (Интер Мајами), Анхел Кореа (Атлетико Мадрид), Алехандро Гарначо (Манчестер Јунајтед), Николас Гонзалес (Фиорентина), Лаутаро Мартинез (Интер), Хулијан Алварез (Манчестер Сити).