Оскар Пјастри, возачот на Мекларен во Формула 1 и лидер во генералниот пласман во шампионатот на Формула 1, ги откри најголемите разлики во автомобилот во последните 12 месеци.

Во текот на првите две години во Мекларен, Оскар Пјастри постојано губеше од Ландо Норис, кој имаше неколку години искуство повеќе, но со текот на времето разликата се намалуваше.

По 14 рунди од сезоната во 2025 година, резултатот меѓу Пјастри и Норис кога станува збор за квалификациите е изедначен – 7:7.

Пјастри, има шест победи, една повеќе од Ландо Норис, и поради тоа Австралијанецот има девет бода повеќе од Англичанецот во трката за шампионската титула.

„Се подобрувам во сите области. Минатата година имав неколку викенди кои беа многу добри, а потоа чувствував дека имам доволно моќ да победувам на трки кога сум во најдобра форма. Но, помеѓу нив имаше многу просечни трки, а понекогаш и лоши денови. Оваа година имаше многу повеќе добри денови“, вели Пјастри.

Тој дополнително го објасни своето тврдење.

„Се подобрив како возач, но мислам дека успеав почесто да се приближувам до она што го сметам за мој целосен потенцијал. Тоа беше најголемата работа. Не произлезе од една специфична област, туку од разгледување на многу различни работи. Можноста почесто да го постигнувам она што го сметам за мое најдобро издание, направи разлика“, вели Оскар.

Маскотата на Денвер Нагетс, популарниот „Роки“, ја тужи франшизата од Колорадо.

Човекот во костимот на Роки е Дрејк Соломон, тој тврди дека бил отпуштен откако зел одмор за да се опорави од операција на колкот.

Со ова биле прекршиле законите за инвалидитет и тој побарал неодредена финансиска отштета од Кренке Спортс (сопственици на Денвер Нагетс).

Дрејк Соломон стана Роки во 2021 година, кога го наследи својот покоен татко, кој го носеше костумот на Роки повеќе од триесет години.

Во текот на сезоната 2022/23, му беше дијагностицирана аваскуларна некроза, болест која предизвикува смрт на коскеното ткиво поради оштетување на крвните садови и намалена циркулација.

По операцијата, тој се врати на работа по 10 дена, иако се ушѕе имал болки во колкот.

Во сезоната 2023/24, лекарите утврдиле дека му е потребен вештачки колк. Кога им кажал на претпоставените, тие му рекле дека ќе објават оглас за неговата позиција поради неговите здравствени проблеми и „недостаток на доверба“ во неговото здравје.

По брза рехабилитација, се вратил на работа, но не бил пријателски пречекан.

Набргу, по аудициите и интервјуата за работа, во август 2024 година, Соломон бил отпуштен, со што бил прекршен Законот за антидискриминација на Колорадо.

Неговиот адвокат, Сидарта Ратод, го спореди случајот со отпуштање на вработен кој оди на породилно отсуство.

Покрај настапувањето на натпревари, Соломон учествувал во добротворни настани, возења со играчки и програми за младинска кошарка.

Ја започнал својата кариера со Нагетсите во 2012 година како изведувач на акробатско забивање и член на тимот за промоција, а кога неговиот татко се пензионирал во 2021 година, тој бил единствениот поканет на затворена аудиција за да ја добие работата.

Поранешниот играч на Џенова, Кони Де Винтер, потпиша договор со Милан до 30 јуни 2030 година.

Клубот од Милано не даде финансиски детали за договорот, но италијанските медиуми објавија дека трансферот на 23-годишниот белгиски дефанзивец вреди 20 милиони евра.

Џенова ќе добие почетни 18 милиони евра и уште два милиони преку бонуси.

Неговиот поранешен клуб Јувентус ќе добие 20 до 25 проценти од таа цена како дел од договорот од 2024 година, кога Џенова го купи за осум милиони евра.

Де Винтер ќе заработува 1,8 милиони евра по сезона и ќе го носи дресот со број пет во Милан.

Кариерата ја започна во Белгија, а во 2018 година се пресели во младинскиот тим на Јувентус. Имаше договор со црно-белите до 2024 година, во тој период играше за тимот до 23 години и беше позајмен во Емполи и Џенова.

Де Винтер играше за белгиската младинска репрезентација, а дебитираше за сениорската екипа минатиот март и досега одигра четири натпревари.