Спорт
Нов „знак прашалник“ за Ролан Гарос!
Најновите информации од Франција потенцијално го загрозуваат одржувањето на Ролан Гарос.
Имено, француските власти објавија дека поради пандемијата на коронавирусот забрането е собирање на повеќе од 5.000 луѓе на едно место се до крајот на октомври.
Ваквите мерки требаше да се укинат на 31 август, но сега се продолжени и го зафаќаат и Ролан Гарос кој на програмата е од 27 септември.
„И понатаму одблизу соработуваме со француската Влада“ – стигна одговор од официјалниот профил на Ролан Гарос на Твитер.
@rolandgarros Goodmorning,
Any update yet about Roland Garros 2020 autumn edition after desicion of france government yesterday to prohibition of gathering above 5000 people? ???— Philippe Gijsen (@PhilGijsen) August 12, 2020
Неофицијалните информации се дека Тенискиот сојуз на Франција планира одржување на турнирот пред одреден број на гледачи кои потојано ќе мора да бидат со маски и да ги почитуваат сите други здравствено-безбедносни протоколи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Дебакл на Медведев во Мајами – Синер му препушти само три гема
Јаник Синер ќе се бори за титулата на Мастерсот во Мајами. Италјанецот, во првото полуфинале го декласира Данил Медведев со 6:1, 6:2 за само 71 минута игра.
Синер, на стартот два пати му го одседе сервисот на Медведев, експресно дојде до 5:0 и тука најави во која насока ќе се движи мечот.
Сличен тек имаше и вториот сет, разликата е само што Медведев освои гем повеќе.
Синер во финалето ќе игра против победникот од дуелот Григор Димитров-Александар Зверев.
Инаку, доколку Синер го освои Мајами ќе се искачи на второто место на АТП листата.
Спорт
Хејс-Дејвис постигна 50 поени, го урна рекордот во Евролигата
Кошаркарите на Фенербахче рутински си ја завршија работата во 32. коло од Евролигата и убедливо ја победија Алба во Улкер Арена со 103:68 (34:18, 18:22, 31:13, 20:15).
Навивачите во Улкер Арена присутвува на историски натпревар, Најџел Хејс-Дејвис постигна 50 поени со што стана најдобар стрелец на еден меч во историјата на Евролигата. На вечната листа го претекна Шејн Ларкин кој застана на 49 поени.
Хејс-Дејвис шутираше 9/11 за два, 9/16 за три и 5/7 слободни фрлања за 29 минути и 56 секунди колку што мина на теренот.
Интересно е што тренерот Шарунас Јасикевичиус го извади од игра расположениот Хејс-Дејвис на три и пол минути пред крајот на мечот кога имаше 43 поени, но откако неговите асистенти му сигерираа го врати на теренот и му „помогна“ да стане рекордер. Поените со кои влезе во историјата ги постигна на две секунди до крајот на натпреварот.
Спорт
Премиер лигата им забрани на собирачите на топки да ја враќаат топката во игра
Премиер лигата воведе ново правило кое се однесува на момчињата кои ги собираат топките, пишуваат англиските медиуми. Тие повеќе нема да смеат да им ги фрлаат топките на играчите, туку ќе мора да ги ставаат на одредени места до теренот. Оваа измена е воведена за домашните екипи да не имаат неправедна предност.
Во последниве години, тренерите почнаа да им придаваат се поголемо значење на собирачите на топки, некои од нив дури лично да им даваат инструкции како да ја вршат својата работа.
Најчесто акцентот се ставаше на побрзо фрлање на топката кон играчите за да се забрза играта во обид да се изненади противникот. Исто така, собирачите на топки знаеја да прават мали опструкции кога нивниот тим ја има предноста.
Со воведувањето на оваа промена, Премиер лигата се обидува да создаде еднакви услови и за домашните и за гостинските екипи.