Спорт
Нова лудост во Баку! Перез до победа, Хамилтон се „самоуништи“!

Серхио Перез без мака ги комплетираше последните два круга од Азербејџанското ГП, кое ни приреди уште една драма по излетувањето на Макс Ферстапен, откако неговиот главен ривал за титулата, шампионот Луис Хамилтон несфатливо ја заврши трката на последното место по обидот да го помине Перез на рестартот и губењето на контролата на болидот!
Овој несфатлив пропуст на Хамилтон значи дека нема промени во генерален пласман, односно Ферстапен останува лидер во генерален пласман.
Lewis Hamilton Loses Control of his vehicle on the restart after Red Flag. @f1 #AzerbaijanGP @LewisHamilton pic.twitter.com/CgSnIIFpah
— Sosa The Locksmith (@SosaLockSmith) June 6, 2021
На крајот, од ова профитираше фантастичниот Себастијан Фетел, кој заврши како втор за Астон Мартин, а Пјер Гасли во Алфа Таури го комплетираше подиумот.
Покрај овие тројца на подиумот, во поени во Баку беа и освојувачот на пол-позицијата Шарл Леклер (Ферари), Лендо Норис (Мекларен), Фернандо Алонсо (Астон Мартин), Јуки Цунода (Алфа Таури), Карлос Саинс Јуниор (Ферари), Даниел Рикардо (Мекларен) и Кими Раиконен (Алфа Ромео).
Ваквиот исход дојде откако Ферстапен беше на чекор до спектакуларна 1-2 победа за Ред бул кога на четири круга пред крајот му се дупна гумата предизвикувајќи црвено знаме и прекин на трката. Ферстапен водеше во поголемиот дел од трката, откако неговиот тим заврши многу подобра работа при влегувањето во боксот, оставајќи го Хамилтон на третото место пред да му се случи инцидентот (повеќе во линкот подолу).
Дупнатата гума му ја „украде“ победата на Ферстапен, ќе имаме ли рестарт?
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Шејн Ларкин ја заврши репрезентативната кариера

Шејн Ларкин, кошаркарот на Ефес, одлучи повеќе да не го носи дресот на Турција.
Искусниот плејмејкер го водеше тимот на Ергин Атаман до сребрен медал на Евробаскетот, по што реши да стави крај на репрезентативната кариера.
Тој ја информираше јавноста за својата одлука на социјалните мрежи.
„Пред седум години се согласив да играм за Турција без никакви очекувања. А седум години подоцна, чувствувам дека ова е мојот втор дом. Начинот на кој ме прифативте и ме поддржавте не може да се опише со зборови. Иако не ја постигнавме главната цел, а тоа е златен медал, поддршката што ја добивме од целата земја значеше повеќе од само медал“, напиша Ларкин и додаде:
„Беше чест и привилегија да го носам овој дрес и да играм за Турција. Засекогаш ќе бидам еден од вас! Ве сакам од се срце“, заврши тој со зборови на турски.
Ларкин имаше просек од 11,6 поени и 5,1 асистенции на Европското првенство.
Спорт
Атлетико без најдобриот играч отпатува во Ливерпул

Ливерпул, утре, ќе го пречека Атлетико Мадрид во еден од најпривлечните натпревари во првото коло, во Лигата на шампионите.
„Јорганџиите“ ќе бидат хендикепирани на „Енфилд“, тренерот Диего Чоло Сименоне нема да може да смета на првиот напаѓач, Хулијан Алварез.
За време на викендот против Виљареал, Аргентинецот почувствува непријатност во коленото, беше заменет, а по лекарските прегледи беше одлучено да се одмори и да го прескокне дуелот со шампионите на Англија.
Во негово отсуство, нападот на Атлетико ќе го предводат Антоан Гризман и Александар Серлот.
Атлетико објави дека Тијаго Алмада, Алекс Баена и Хозе Марија Хименез ќе го пропуштат натпреварот со Ливерпул.
Натпреварот во Ливерпул ќе започне во 21:00 часот.
Спорт
Седумте величествени на Карло Анчелоти

Селекторот на Бразил Карло Анчелоти (66) ги избра најдобрите играчи што ги тренирал во својата богата тренерска кариера. Италијанецот избра седум играчи.
Заедно со Модриќ, Анчелоти ги додаде и Бразилците Роналдо Назарио и Кака, кои ги тренираше во Милан, Дидие Дрогба од Брегот на Слоновата Коска, со кого работеше во Челзи, и ѕвездите на Реал Лука Модриќ, Винисиус Жуниор, Тони Крос и Кристијано Роналдо.
Карло Анчелоти е еден од најуспешните и најпочитуваните фудбалски тренери на сите времиња. Неговата тренерска кариера започна во средината на 1990-тите, а преку долгогодишна работа тој ги водеше врвните клубови низ Европа и освои импресивен број трофеи.
Откако ја заврши фудбалската кариера, тој започна како помошник тренер на италијанската репрезентација под водство на Ариго Саки на Светското првенство во 1994 година.
Во раната фаза на самостојната тренерска кариера ги тренираше Реџана, Парма и Јувентус помеѓу 1995 и 2001 година. Кариерата во нагорна линија започна да му се движи кога стана тренер на Милан (2001 – 2009), освои голем број големи трофеи, вклучувајќи ја и Лигата на шампионите.
Тој ги водеше германскиот Баерн Минхен, англискиот Челзи (ја освои Премиер лигата и ФА Купот), францускиот Пари Сен Жермен (шампион на Лига 1) и шпанскиот Реал Мадрид, каде што постави рекорди по бројот на освоени трофеи и Лигата на шампионите.
По Реал Мадрид, тој ги тренираше Наполи и Евертон, се врати во Реал, а од јуни 2024 година е селектор тренер на Бразил.
Вкупно, тој освои пет Лиги на шампиони, што е рекорд за тренер. Тој освои лиги во сите пет најдобри европски првенства (Италија, Англија, Франција, Германија, Шпанија).
Три пати го освои Светското клупско првенство на ФИФА. Има пет Суперкупови на УЕФА.
Вкупно, тој освои 15 трофеи со Реал Мадрид, што го прави најтрофеен тренер во историјата на клубот.
Foto/ EPA