Градскиот совет на Минхен побара „Алијанц арената“ да биде осветлена во боите на виножитото за последниот меч од групната фаза на Германија против Унгарија во знак на протест на анти-ЛГБТ законите кои ги усвои оваа земја.

Германците ја пречекуваат Унгарија на стадионот на Баерн Минхен во среда, неколку дена откако унгарскиот парламент усвои закон со кој се ограничува ЛГБТ соддржината за тие под 18 години, во голема политичка победа на конзервативниот премиер Виктор Орбан.

„Баварската престолнина е посветена на различност, толеранција и еднаквост во спортот и општеството. Затоа стадионот треба да свети во боите на виножитото пред мечот“, се вели во барањето од советот до градоначалникот Дитер Рајтер.

Алваро Мората смета дека Шпанија добива нефер критики од страна на фановите и на медиумите по ново реми на ЕУРО 2020.

Мората, по сите критики кои ги добиваше за својата неефикасност, конечно, постигна гол за 1:0 водство против Полска вчера, но Роберт Левандовски осигура реми за Полска за втор нерешен резултат за „фуријата“ по 0:0 ремито со Шведска. По ова, Жерард Морено ја погоди гредата при изведувањето на пеналот, а Мората не успеа да даде гол по одбиената топка.

„Нема да помогне ако слушаме што зборуваат луѓето, бидејќи сите едвај чекаат да не нападнат и да не критикуваат. Обично, кога големите нации стигнуваат до вакво натпреварување, има чувство на обединетост. Знаеме дека ние сме следбеници на генерација на фудбалски гении кои освоија се што е можно, но мораме да веруваме во нас. Следниот меч е како финале за нас“, вели Мората.

Милвоки бакс се пласираа во финалето на Источната конференција, каде што ќе играат со подобриот од дуелот Филаделфија-Атланта, откако во драматична „мајсторка“ по продолженијата со 115:111 ги елиминираа фаворизираните Бруклин нетс.

Бруклин водеше со 2:0 и со 3:2 во полуфиналната серија, пред Бакси предводени од Мидлтон и Адетокумбо да направат неверојатен камбек.

Кевин Дурент имаше обид за тројка да го добие мечот на секунди пред крајот, но не успеа, оставајќи ги Бакси да го чекаат подобриот од „мајсторката“ меѓу Атланта хокс и Филаделфија 76ерс во финалето на Истокот.

Дурент направи многу за Нетс, постигнувајќи рекордни 48 поени и го прати мечот во продолженија по фантастичните поени, но од другата страна Јанис Адеоткумбо имаше 40 поени, а Крис Мидлтон го постигна победничкиот поен, еден од своите 23 поени.

Ова е прво финале на Истокот на Бакси од 2019 година, а ќе се борат за свое прво НБА финале од 1974 година.