Спорт
Нова победа за Ферстапен, Норис и Хамилтон ги израдуваа Британците
Макс Ферстапен забележа нова победа во тековната сезона во Формула 1. Холанѓанецот победи на трката за Големата награда на велика Британија во Силверстон. Домаќинот има причина за задоволство бидејќи на второто и третото место се пласираа Британците Ландо Норис (Мекларен) и Луис Хамилтон (Мерцедес).
Ферстапен само на почетокот на трката имаше проблеми, кога ја загуби првата позиција од Норис. Возачот на Мекларен беше лидер пет круга, кога Ферстапен се врати на чело на колоната.
До крајот Холанѓанецот рутински ја задржа својата позиција и дојде до 43. победа во кариерата.
Норис, во еден дел од трката, жестоко ја бранеше и на крајот ја одбрани својата позиција од постариот сонародник, Хамилтон. Тоа се случи на 14 круга до крајот кога од патеката се тргна безбеносното возило. Возилото за безбедност излезе на стазата кога се запали болидот на Кевин Магнусен.
Одличниот викенд за Мекларен го надополни младиот Оскар Пјастри кој заврши на четвртото место.
Мерцедес благодарение на одличната стратегија стигна до третото и петтото место. За разлика од Мерцедес, Ферари повтроно потфрли со стратегијата, леклер и Саинц стартуваа од четвртото и петтото место, на крајот завршија како деветти и девсетти.
Голема награда на Велика Британија, конечен пласман:
Макс Ферстапен (Ред Бул), Ландо Норис (Мекларен), Луис Хамилтон (Мерцедес), Оскар Пјастри (Мекларен), Џорџ Расел (Мерцедес), Серхио Перез (Ред Бул), Фернандо Алонсо (Астон Мартин), Алекс Албон (Вилијамс), Шарл Леклер (Ферари), Карлос Саинц (Ферари)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Евролига: Прочида најдобар млад играч
Кошаркарот на Алба од Берлин, Габриеле Процида е прогласен за најдобар млад играч на Евролигата, објавено е на веб-страницата на елитното натпреварување.
Прочида е третиот Италијанец кој ја освоил престижната награда, по Андреа Барњани (2005/06) и Данило Галинари (2007/08).
Талентираниот кошаркар имаше голема конкуренција за наградата, особено од неговиот соиграч од Алба и сонародник Матео Спањоло.
Сепак, тој имаше поголема улога во тимот, поради што и го доби признанието кое го изгласаа тренерите на екипи во Евролигата.
Оваа сезона имаше просек од 8,3 поени, 1,6 скока и 1,4 украдени топки.
Сезонава 10 пати имаше двоцифрен учинок, а најдобра партија ја имаше против Макаби, кога мечот го заврши со 22 поени и три украдени топки.
Спорт
Дест се враќа во Барселона – ПСВ нема да го откупи неговиот договор
Сержињо Десет како позајмен од Барселона во ПСВ ја освои титулата во Холандија со клубот од Ајндховен. Сепак ПСВ нема да го откупи неговиот договор и покрај тоа што во клубот биле задоволни од неговите изданија. Причината е повредата на коленото од која репрезентативецот на САД се уште не се рехабилитирал.
Дест во јуни ќе се врати во Барселона каде ќе ја продолжи со рехабилитацијата по операцијата на коленото во Холандија.
Дест се пресели од Ајакс во Барселона во 2020 година, вкупно за Барселона одигра 72 натпревари и постигна три гола.
Тој минатата сезона замина на позајмица во Милан, незадоволен од својата минутажа во Барселона, а оваа сезона ја мина на позајмица во ПСВ.
Се очекува тој да се врати на терените на почетокот на 2025 година.
Спорт
Барела ќе стане најплатен италијански играч во Серија А
Фудбалерот на Интер, Николо Барела наскоро ќе потпише нов договор и ќе стане најплатениот италијански играч во Серија А, објавија италијанските медиуми.
Како што пренесува „Газета дело спорт“, Барела ќе има годишна плата од седум милиони евра со одередни бонуси.
Неговиот актуелен договор истекува во јуни 2026 година, а директорот Пјеро Аусилио пред неколку дена изјави дека 27-годишниот играч од средниот ред најверојатно ќе потпише нов договор пред неговиот тимски колега Лаутаро Мартинез.
„Газета дело спорт“, наведе дека Барела ќе го потпише договор до јуни 2029 година.
Моментално има плата од пет милиони евра годишно, според новиот договор ќе добива 6,5 милиони, но лесно ќе ги исполни бонусите и ќе достигне сумата од седум милиони евра годишно.
Според информациите, најплатен италијански фудбалер во Серија А е Алесандро Бастони од Интер, кој моментално има 5,5 милиони евра по сезона, додека фудбалерот на Јувентус, Федерико Киеза има годишна плата од пет милиони евра.