Спорт
Нова рели-авантура за македонскиот екипаж Димушевски – Гушиќ

По успешното сезонско деби на релито Мионица во Србија во рамките на ЦЕЗ рели-шампионатот, викендов македонскиот рели-екипаж Владимир Димушевски и Бранко Гушиќ ги очекува нов голем предизвик, тие ќе настапат на Србија рели, кое традиционално се вози во околината на Врњачка Бања.
Србија рели е наследник на легендарното ЈУ рели, чие прво издание датира уште од 1967 година и кое со години беше централен рели-настан во поранешна Југославија честопати и како дел од календарот на европскиот рели-шампионат.
Организаторите најавуваат дека ова 55. издание на ова историско рели ќе биде воедно и најквалитетното и најмногубројно во последната деценија собирајќи ги на едно место најдобрите рели-екипажи од Турција, Бугарија и Романија. Честа на домаќините ќе ја брани најдобриот српски автомобилист, познатиот европски ас Душан Борковиќ.
Меѓу 46-те екипажи е и нашиот тандем Димушевски – Гушиќ со нивното возило Hyundai i20 Coupe, исто како и минатиот пат со подготовка и целосна логистичка и механичарска поддршка од бугарскиот рели-тим MSA Motorsport Academy“- од Сливен.
Во меѓународни рамки трката е дел од календарот на шампионатот на ФИА европски рели-трофеј – балканска зона, а зависно од исходот на оваа трка, ќе се знае кои екипажи ќе имаат право на настап на финалето од овој шампионат, кое се вози во ноември во Германија. Освен за ФИА, релито се бодува и за Отвореното првенство на Србија.
„Ова е сосема поинаков предизвик од релито во Мионица, кое беше одлично за наше деби и загревање, но сега пред нас е вистинско рели од европски ранг. Тука сме од вторникот, трениравме и ја учевме патеката. Имаме одлична и локална поддршка како и бугарскиот тим, кој ни го подготвува и сервисира возилото. Во нашата класа RC5 сме пет возила заедно со два бугарски и два романски екипажа. Се надеваме да го повториме успехот од Мионица со пласман на подиумот во нашата класа. За ФИА европскиот трофеј немаме големи шанси затоа што нашата група има над 20 возила, претежно од посилните класи, така што тука каков било пласман ќе биде успех. Но, пред сè, најважно е да стигнеме до крај и да го завршиме релито“, изјави трикратниот македонски шампион на кружни патеки, Владимир Димушевски.
Релито трае два дена, 24 и 25 септември, долго е 500 километри, а компетитивни се 150 километри поделени во 12 брзински испити.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Трамп ќе организира УФЦ борба во Белата куќа

Претседателот на Соединетите Американски Држави, Доналд Трамп, секојдневно ги исполнува медиумите со неверојатни изјави, а на митинг пред поддржувачите во Ајова, тој се осврна и на спортски теми.
Станува збор за традиционален собир пред 4 јули, датумот на кој беше ратификувана Декларацијата за независност на САД во 1776 година. Паралелно со воената парада во главниот град, Трамп објави какви планови има за следната годишнина, која ќе биде јубилејна 250-та.
„Гледате ли УФЦ? Големиот Дејна Вајт. Ќе организираме УФЦ борба на на почвата пред Белата куќа. Имаме многу простор таму. Дејна ќе го направи тоа“, е амбициозниот план на американскиот претседател.
Трамп, познат по својата љубов кон боксот и MMA и неговите гостувања на ревиите за боречки вештини, продолжи да зборува за шефот на УФЦ и го објасни планот подетално.
„Ќе имаме УФЦ борба за титула, вистинска борба, со 20 или 25 илјади луѓе. Тоа ќе биде дел од прославата на 250-годишнината“, рече Трамп.
Претседателот, исто така, објави дека дел од програмата ќе бидат таканаречените „Патриотски игри“ во кои натпреварувачи од сите 50 „држави“ ќе се натпреваруваат во различни спортски дисциплини.
„Ќе имаме неверојатни настани. Некои ќе бидат професионални, некои ќе бидат аматерски, но борбата на УФЦ ќе биде голем настан“, подвлече Трамп.
Foto/ EPA-EFE/CRISTOBAL HERRERA-ULASHKEVICH
Спорт
(Видео) Прв фудбалски натпревар со роботи во Кина

На теренот во Пекинг во саботата не настапија фудбалери од крв и месо, туку – роботи. Како што објави „Гардијан“, Кина беше домаќин на првиот целосно автономен натпревар во фудбал меѓу хуманоидни роботи управувани со вештачка интелигенција.
Четири универзитетски тимови ги програмираа и управуваа своите роботи со сопствени алгоритми. Иако хуманоидите сè уште се далеку од тоа да бидат конкуренција на играчи, напредокот е импресивен. Снимките од натпреварите покажуваат како роботите се мачат да ја погодат топката или да останат исправени, а неколкумина завршија дури и на носилка.
Извршниот директор на компанијата „Бустер Роботикс“, Ченг Хао, која ги обезбеди роботите, изјави дека спортските натпревари се идеална средина за тестирање на хуманоидна роботика. Најави и можни натпревари помеѓу луѓе и роботи во иднина, но нагласи дека најпрвин мора да се обезбеди целосна безбедност.
View this post on Instagram
„Во иднина, можеби ќе организираме фудбалски натпревари меѓу луѓе и роботи. Тоа значи дека мора да обезбедиме роботите да бидат сосема безбедни“, изјави Ченг.
Професорот Субраманијан Рамамурти од Универзитетот во Единбург, експерт за роботско учење, рече дека роботите се слични на оние кои настапуваат на „Робокап“ и оти нивниот развој оди во нагорна линија.
Во финалето, екипата на Универзитетот Цингхуа – THU Robotics, го победи тимот на Кинескиот Земјоделски Универзитет – Mountain Sea, со резултат 5–3. Победата беше прославена со ентузијазам, но и со почит кон противниците.
„THU беа одлични, но и Mountain Sea тимот нè изненади со многу иновации“, изјави еден од поддржувачите.
Иако роботите се уште паѓаат, се чини дека иднината на фудбалот можеби навистина ќе вклучува и вештачка интелигенција – не само како поддршка, туку и како активни играчи на теренот.
Спорт
Тами Ејбрахам се пресели од Рома во Бешикташ

Англискиот фудбалер Тами Ејбрахам (27) кариерата ќе ја продолжи во Бешикташ. Турскиот клуб и Рома договорија, Ејбрахам наредната сезона да настапува како позајмен играч.
Бешикташ, на Рома ќе и плати два милиони евра.
Турскиот клуб има опција да го купи Ејбрахам за 13 милиони евра на крајот од позајмицата.
Англискиот фудбалер ја помина минатата сезона како позајмен играч во Милан, каде што одигра 44 натпревари и постигна 10 гола, со седум асистенции.
Тој одигра 11 натпревари за Англија и постигна три гола.
Ејбрахам играше и за Челзи (ја освои Лигата на шампионите), Бристол, Свонси и Астон Вила.
Фото/ Beşiktaş JK