Спорт
Нова трагедија во Бразил – претседателот и четворица фудбалери на Палмас загинаа во авионска несреќа
Нешто повеќе од четири години од авионската несреќа и фудбалската трагедија на Шапекоенсе, од Бразил повторно доаѓаат вознемирувачки вести. „Си-Ен-Ен Бразил“ и други локални медиуми објавија дека претседателот на четвртолигашот Палмас и четири фудбалери загинаа во авионска несреќа.
„Палмас ФР потврдува дека во 8.15 часот наутро на 24 септември имаше авионска несреќа во која беше претседателот на клубот Лукас Меира во летот за Гојана а мечот помеѓу Вила Нова на 25 февруари. Авионот во кој беше и пилотот Вагнер и фудбалерите Лукас Прашедес, Гијерме Ное, Рануле и Маркус Молинари се сруши при полетувањето на аеродромот Токантинс. Нема преживеани. Клубот бара молитви за семејствата на починатите“, се вели во објавата на клубот.
A família Palmas FR está de luto pela perda inestimável do presidente Lucas Meira, dos atletas Guilherme Noé, Lucas Praxedes , Marcus Molinares Reis, Ranule Gomes e do comandante Wagner. Agradecemos as manifestações de apoio e carinho nesse momento de dor. pic.twitter.com/Lnakg8OC41
— Palmas Futebol (@PalmasFutebol) January 24, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Убиен млад бразилски фудбалер
Нова голема трагедија го снајде бразилскиот фудбал откако беше објавено дека 22-годишниот фудбалер Рикардињо бил застрелан и убиен во Маритуба.
Членот на клубот Ремо, чие полно име е Рикардо Емануел Алкантара Паива, почина на 22-годишна возраст, заедно со уште двајца млади мажи.
Полицијата го пронашла автомобилот за кој се сомнева дека го користеле сторителите на убиството, а истрагата е во тек.
Рикардињо важеше за многу перспективен играч, кој на почетокот на својата сениорска кариера придонесе за промоција на Ремо во Серија Ц, која е трета лига во Бразил.
Неодамна тој се опоравуваше од тешката повреда што ја заработи во март 2024 година.
Веста за трагичната смрт ја соопшти неговиот клуб и со две слики се прости од својот напаѓач.
Спорт
Мегваер ќе отсуствува неколку недели поради повреда
Дефанзивецот на Манчестер јунајтед, Хари Мегваер, објави дека ќе отсуствува неколку недели поради повреда.
Мегваер на Инстаграм напиша дека ќе отсуствува неколку недели, но дека ќе се врати уште посилен.
Фудбалерот поради повредата беше заменет на полувремето против Астон Вила (0:0) во неделата.
Следните натпревари на Манчестер јунајтед се против Брентфорд и Вест Хем во Премиер лигата и гостувањето кај Фенербахче во Лига Европа, чиј тренер е Жозе Мурињо, поранешниот тренер на „црвените ѓаволи“.
Спорт
Творецот на успесите на Сити го напушта клубот
Манчестер сити на крајот на оваа сезона ќе го напушти долгогодишниот спортски директор Чики Бегиристајн, пишува „Атлетик“ и додава дека неговата одлука му е позната на клубот од поодамна. Бегиристајн (60) планира да се пензионира по заминувањето од Сити.
Бегиристајн е спортски директор на Сити од октомври 2012 година, а претходно на истата функција беше седум години во Барселона. Како активен фудбалер Бегеристајн седум години го носел дресот на Барселона.
Во мандатот на Бегеристајн, Сити досега освои 21 трофеј, седум од нив се во Премиер лигата, а пред две сезони клубот ја освои и Лигата на шампионите.
Бегиристајн особено тесно соработуваше со Пеп Гвардиола, тој е најзаслужен за неговиот трансфер од Баерн во Сити во 2016 година. Тие двајца добро се познаваа од Барселона, каде прво играа заедно, а потоа соработуваа на ист начин како во Сити.