Спорт
Нова визија – во Суперлигата би играле 80 екипи
![](https://makfax.com.mk/wp-content/uploads/2023/02/Untitled-design-3-15.jpg)
Приказната за новото елитно фудбалско натпреварување во Европа, Суперлига, повторно станува актуелна. Пред две години, УЕФА, со притисоци ја угужи идејата за основање на Суперлигата, од која никогаш не се откажаа Реал, Барселона и Јувентус.
Суперлигата сега има нова визија со дури 80 екипи во повеќелигашки систем, изјави извршниот директор на натпреварувањето.
Лигата би се базирала на спортските резултати, без постојани членови, изјави Бернд Рајхарт за германскиот весник „Ди Велт“.
Екипите би имале загарантиран минимум 14 натпревари во сезоната, а главниот спонзор излезе со предлог за ваков формат по консултации со речиси 50 европски клубови од октомври минатата година, кои заеднички развија десет основни принципи.
Станува збор за компанија „А22 Спорт Менаџмент“, која го поддржа оригиналниот план на Суперлигата од 2021 година, кој предвидуваше затворен систем контролиран од 12 клубови, кој наиде на жестока реакција кај фудбалската јавност.
„Основите на европскиот фудбал се во опасност да пропаднат. Време е за промена. Клубовите се тие кои го носат претприемачкиот ризик во фудбалот. Но, кога се носат важни одлуки, тие премногу често се принудени да седат на страна додека околу нив се рушат спортските и финансиските темели“, напиша Рајхарт.
„Нашите дискусии јасно покажаа дека често не е можно клубовите јавно да зборуваат против системот кој користи закана со санкции за да ја спречи опозицијата. Нашиот дијалог беше отворен, искрен, конструктивен и резултираше со јасни идеи за тоа какви промени се потребни и како тие можат да се спроведат. Има многу да се направи и ќе продолжиме со нашиот дијалог“.
Рајхарт тврди дека А22 го оспори правото на УЕФА и ФИФА да го блокираат формирањето на Суперлигата и да ги санкционираат ривалските клубови пред судовите, тврдејќи дека раководните тела ја злоупотребуваат доминантната позиција според законот на ЕУ за натпреварување.
Тој исто така тврди дека Суперлигата ќе биде отворено натпреварување, со квалификации преку настап на национално ниво, а сите нејзини тимови ќе се натпреваруваат во нивните домашни лиги.
Тие национални лиги ќе останат „темелот“ на спортот, вели Рајхарт, кој тврди дека Суперлигата ќе генерира нови приходи за поддршка на целата натпреварувачка пирамида.
Гаранцијата од 14 натпревари, вели Рајчарт, ќе обезбеди „стабилност и предвидливост“ на приходите.
Рајчарт ги прикажува плановите за мерки за контрола на трошоците, велејќи дека клубовите треба да трошат само фиксен процент од својот годишен фудбалски приход на платите на играчите и нето трансферите.
„Клупските трошоци мора да се засноваат исклучиво на генерирани средства, а не на капитални инфузии што ја нарушуваат конкуренцијата“, напиша Рајхарт.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Серхио Рамос остана без клуб
![](https://makfax.com.mk/wp-content/uploads/2024/06/c012abb7-3409-497b-abc9-fd13913ee7df_16-9-discover-aspect-ratio_default_0.jpg)
Серхио Рамос (38) за две недели ќе биде слободен играч. Славниот шпански дефанзивец нема да го продолжи договорот со Севилја во која се врати на почетокот на минатата сезона.
Рамос е еден од најдобрите дефанзивци на сите времиња. Минатата сезона беше стандарден во Севилја. Тој забележа 37 настапи, постигна седум гола.
Кариерата ја започна во Севилја во 1996 година, а во 2005 година се пресели во Реал Мадрид. Таму играше до 2021 година, а потоа по истекот на договорот се пресели во ПСЖ.
За шпанската репрезентација постигна 23 гола на 180 натпревари. Во кариерата освои се што можеше да се освои, а за Реал Мадрид постигна 101 гол на 671 натпревар и освои четири ЛШ. Со Шпанија двапати беше европски и еднаш светски првак.
Спорт
Јовановиќ на местото на Појет – Грците добија нов селектор
![](https://makfax.com.mk/wp-content/uploads/2024/06/afc97d2b-12ab-4f3e-a7fb-c160ad60f798_ivan_jovanovic-pao.jpg)
Искусниот српски тренер Иван Јовановиќ ќе биде селектор на грчката фудбалска репрезентација во следните две години, јавуваат тамошните медиуми. Овој 61-годишен тренер добро ги познава работите во грчкиот фудбал.
Јовановиќ на функцијата го наследи, Уругваецот Густаво Појет. Под негово водство, Грците не успеа да се пласира на Европското првенство. Грузија во баражот ја совлада Грција по изведувањето пенали.
Тренерската кариера ја започна во Нико Волос, Ираклис го водеше во два мандати, голем успех постигна со АПОЕЛ од Никозија, со тимот играше четвртфинале во Лигата на шампионите, Панахаики од Патра, а потоа се пресели во Абу Даби. Го водеше Ал Наср, а од 2019 до 2020 година беше селектор и на Обединетите Арапски Емирати.
Во 2021 година се врати во грчкиот фудбал и до 2023 година беше тренер на Панатинаикос.
Тој го предводеше АПОЕЛ до четири шампионски титули на Кипар и го освои Купот на Грција со ПАО. Тој беше прогласен за најдобар српски тренер во 2011 година, додека магазинот „Газета“ го избра за најдобар тренер на грчката Суперлига во 2022 година.
Спорт
Нигериецот Еџуке ја засили Севилја
![](https://makfax.com.mk/wp-content/uploads/2024/06/1634494153-20331709990123.jpg)
Севилја почна да го формира ростерот за следната сезона. Прво засилување на клубот од Андалузија е Чидера Еџуке.
Нигерискиот фудбалер минатата сезона играше како позајмен во Антверпен од ЦСКА Москва. Севилја нема да издвои ниту цент за неговиот транфср, бидејќи му истече договорот со ЦСКА.
Еџуке постигна три гола и четири асистенции на 21 натпревар во белгискиот шампионат, а неговата природна позиција е лево или десно крило.
Во својата кариера, Еџуке играше за Суприм Корт, Гомбе Јунајтед, Валеренга, Херенвен, ЦСКА Москва, Херта и Антверпен.