Спорт
Нови 23 кандидати за „Куќата на славните“ во Премиер лигата
Откако денеска Алан Ширер и Тјери Анри стана први членови на „Куќата на славните“ во Премиер лигата, беа објавени уште 23 фудбалери за кои ќе трае гласањето на фановите за дополнителен влез.
Иако изборот токму на Ширер и Анри стана контроверзен, бидејќи недостасуваа многу големи имиња од тимовите на Манчестер јунајтед, Арсенал и Челси, овој пат листата е доволно проширена.
Немања Видиќ, Ерик Кантона, Тони Адамс, Мет Ле Тисие, Јан Рајт, Петер Шмајхел, Рој Кин, Лес Фердинанд, Сол Кемпбел, Енди Кол, Дејвид Бекам, Роби Фаулер, Пол Сколс, Френк Лампард, Рио Фердинанд, Патрик Виера, Мајкл Овен, Стивен Џерард, Џон Тери, Дидие Дрогба, Ешли Кол, Денис Бергкамп и Робин ван Перси. Многу тешко да се избере…

Alan Shearer and Thierry Henry have become the first players to be inducted into the Premier League Hall of Fame – but now it is up to you to decide who joins them ?
— Sky Sports Premier League (@SkySportsPL) April 26, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Аталанта ја продолжи агонијата на Фиорентина
Во дуел меѓу два тима од кои се очекуваше многу повеќе оваа сезона, Аталанта успеа да ја победи Фиорентина со 2:0 (1:0).
Ова е прва победа на Аталанта во Серија А од 21 септември, а Фиорентина и по 13-то коло се уште е без победа.
Во првото полувреме немаше сериозни шанси, Аталанта беше малку поконкретна, но без реализација до 41-та минута.
Потоа, по сосема обична акција на Аталанта и вратена топка од Де Кетеларе, Косону се обиде да центрира, а на крајот топката заврши во мрежата за 1:0.
Веќе на почетокот на второто полувреме, беше 2:0, карамбол по изведен корнер, топката стигна до Локман, кој рутински постигна гол за 2:0.
Foto/ EPA
Спорт
(Видео) Челзи со играч помалку му зеде бод на Арсенал
Без победник заврши лондонското дерби на „Стемфорд Бриџ“, Челзи и Арсенал одиграа 1:1.
Исклучително добар натпревар одиграа Челзи и Арсенал, ма крајот освоија по еден бод. И двата тима можат да бидат задоволни, особено домашниот тим, со оглед на тоа што останаа непоразени, иако играа со десет играчи на теренот од 37-та минута кога Каиседо беше исклучен.
Првото полувреме не беше толку квалитетно, играчите на двата тима беа доста груби, а тоа резултираше со црвен картон за играчот на Челзи, Каиседа, по исклучително груб прекршок. Судијата Ентони Тејлор првично му покажа жолт картон, но по повик од ВАР собата и прегледано видео, заслужено го исклучи Еквадорецот во 37-та минута.
Во првото полувреме имаше уште две ситуации вредни за споменување, по кои Арсенал можеше да поведе. Прво, кога Сака имаше добра шанса во 13-та минута, но неговиот удар го одбрани Санчез без поголеми проблеми.
Потоа, на крајот од првиот дел од играта, „се обиде Рајс од од 17 метри, но интервенцијата на голманот на Челзи беше фантастична.
На почетокот од првото полувреме, во 48-та минута, голема радост за домашните навивачи. По корнерот на Џејмс, Чалоба ја испрати топката во противничката мрежа со глава – 1:0.
Сепак, Арсенал брзо израмни, веќе во 59-та минута, овој пат Сака создаде шанса, прекрасно центрираше од десната страна, а изедначи Микел Мерино.
Потоа немаше големи шанси, иако се играше во жестоко темпо. Повеќе напаѓаше Арсенал, логично поради нивната бројчена предност, но имаа само сериозна шанса за водство на крајот од натпреварот.
Поточно, во 89-тата минута, Мерино шутираше прецизно од 16 метри, а Санчез повторно брилијантно одбрани исто како на крајот од првото полувреме.
Арснеал остана лидер на табелата со 30 поени, пет повеќе од Манчестер Сити и шест од Ќелзи и Астон Вила.
Foto/ EPA
Спорт
(Видео) Севилја е зелено-бела – Бетис победи во „Дерби Севилјано“
Фудбалерите на Бетис победија како гости во градското дерби на Севилја (2:0), во натпреварот од 14-то коло на ЛаЛига.
Зелено-белите славеа за прв пат по речиси осум години на стадионот „Рамон Санчез Пижуан“.
Натпреварот беше обележан и со прекин на крајот, околу 15 минути, поради фрлање тврди предмети на теренот од страна на домашните навивачи.
Уште тогаш беше јасно дека Бетис ќе победи, па со тоа сега имаат 24 бода и го држат петтото место на табелата. Севилја продолжува со лоши резултати и ја зазема 13-та позиција со 16 бода.
Форналс ја искористи грешката на одбраната на Севилја во 54-та минута и ја затресе мрежата на Влаходимос.
Алтмира стави крај на натпреварот во 69-та минута, а црвениот картон за Ромеро во 84-та минута само им помогна на гостите да освојат три бода.

