Спорт
Новицки ќе добие статуа во Далас
![](https://makfax.com.mk/wp-content/uploads/2022/10/dirk-anal-beads-statue.png)
Во чест на наследството на Дирк Новицки, Далас Маверикс ќе ја откријат неговата статуа на 25. декември во 11 часот. Церемонијата ќе се одржи во „American Airlines Center South Plaza“ за акредитирани и поканети гости.
Улицата „ Nowitzki Way“, ќе биде затворена за сообраќај, така што пошироката јавност ќе има можност да го прослави овој важен настан за Маверикс.
Преносот на церемонијата ќе биде достапен во живо на веб-страницата на Далас Маверикс. Мавс го пензионираа дресот со број 41 на Дирк во јануари.
„Дирк направи толку многу за кошарката и за нашиот град“, рече сопственикот на Маверикс, Марк Кубан и дополни: „За да ја покажеме нашата благодарност за тоа, сакаме да се погрижиме наследството и уникатноста на Дирк Новицки засекогаш да се паметат во Далас“.
Новицки е единствениот играч во историјата на НБА кој одиграл 21 сезона со иста франшиза.
Во вкупно 1.522 натпревари, Новицки е лидер на сите времиња на Маверикс во: постигнати поени (31.560), одиграни натпревари (1.522), започнати натпревари (1.460), минути на теренот (51.368), скокови (11.489), дефанзивни скокови (10.021). ), поени од поле (11.169), тројки (1.982), слободни фрлања (7.240) и блокади (1.281).
14-кратениот Ол-стар и првиот играч роден во Европа кој беше прогласен за МВП (2006-07), ги предводеше Далас Маверикс до првата шампионска титула во НБА во 2011 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Пикси: Не бевме вреќа за удирање
![](https://makfax.com.mk/wp-content/uploads/2024/06/12326792.jpg)
Селекторот на фудбалската репрезентација на Србија, Дрган Стојковиќ Пикси, во првата изјава рече дека елиминацијата од ЕП не е неуспех.
„Жал ми е што не го направивме тој чекор понатаму. Исклучително сум горд на момците. Се бореа, дадоа се од себе, но така е во фудбалот“, започна Пикси и потоа го коментираше мечот со Данска.
„Тежок натпревар, 50-50 во сите параметри. Направивме се за да одием понатаму. Не се резилевме, никој не не победи со 5:0 па ни се смеат и да не навредуваат. Не заслуживме да загубиме од Англичаните. Другите два натпревари беа тешки, тактички и резултатски. Знаев дека вечерва нема да имаме шанси, кави што имавме против Словенија. Вечерва не постигнавме гол. Одиме понатаму со кренати глави. Момците ги заслужуваат сите честитки за нивниот напор’, рече Пикси со напомена дека еден гол решил кој ќе оди во нокаут фазата.
Спорт
Српските фудбалери со концерт од свирежи испратени од стадионот во Минхен
![](https://makfax.com.mk/wp-content/uploads/2024/06/12327019.jpg)
Фудбалската репрезентација на Србија го заврши настапот на Европското првенство. Во конкуренција на Англија, Данска и Словенија, Србите освоија два бода и завршија на последното место во групата.
Во последното коло, на Србите им требаш победа над Данска, но не успеаја. На крајот од натпреварот со концерт од свирежи беа испратени од околу 30.000 свои навивачи на стадионот во Минхен.
Репрезентативците на Србија по завршувањето на натпреварот сакаа да им се заблагодарат на повеќе од 30.000 српски навивачи кои ги бодреа, но добија свирежи, навреди, а во еден момент навивачите фрлаа пластични чаши кон нив.
Спорт
Ц групата го изедначи негативниот рекорд на ЕП
![](https://makfax.com.mk/wp-content/uploads/2024/06/12326963.jpg)
На шест натпревари во групата Ц, во која партиципираа Србија, Англија, Словенија и Данска, беа постигнати само седум гола, што на ЕП се случило само уште еднаш од воведувањето на групната фаза (1980).
Во првото коло Англија ја победи Србија (1:0), а Данска и Словенија ремизираа (1:1). Во второто Словенија и Србија, односно Данска и Англија одиграа 1:1. Последното трето коло во оваа група донсе два натпревари (Србија-Данска и Словенија-Англија) без голови.
Претходно, во 2016 година беа постигнати седум гола. Интересно и тогаш во прашање беше Ц групата. На ЕУРо 2016 во Франција во групата играа Германија, Полска, Северна Ирска и Украина.