Милан не доби ништо со ангажманот на Марио Манџукиќ. Поранешниот хртватски репрезентативец, во јануари за врати во Серија А, но се чини дека нема долго да се задржи на Апенсинскиот полуостров.

Манџукиќ има договор со Милан до крајот на сезоната и клаузула според која ќе добие нов договор, на една сезона, доколку постигне пет гола. Иако до крајот на Серија А остнаа уште осум натпревари, не е реално Хрватот да ја достигне оваа кота. Манџукиќ досега за Милан има одиграно само 158 минути, 90 од нив против Црвена звезда во Белград, во Лига Европа.

Белгиските медиуми, тврдат дека сериозен интерес за искусниот напаѓач покажале од редовите на најдобриот клуб во земјата, Клуб Бриж. Со овој клуб, но и со Андерлехт и Антверпен, Манџукиќ се поврзуваше и минатото лето, но тој тогаш реши да се пресели во Катар, во Ал Духаил. Во Катар тој се задржа само седум месеци, за Ал Духаил одигра 10 натпревари.

Манџукиќ има финансиски богата понуда од Саудска Арабија, од Ал Хилал, меѓутоа во Белгија тврдат дека Клуб Бриж имаат поголеми шанси да го ангажираат, поради лошото искуство што го имал во Ал Духаил.

Аргентинскиот кошаркар, Габриел Дек, потпиша четиригодишен договор со Оклахома сити тандер. Соработката е „текша“ 14,5 милиони долари. Дек, оваа сезона ќе игра само еден месец за Оклахома, бидејќи тимот е далеку од плејофот и ќе заработи 3,87 милиони долари.

Габриел Дек во Оклахома пристигна од реал Мадрид, чии дрес го носеше од 2018 година. Последниот натпревар за Реал тој го одигра минатата недела, против Фенербахче во истанбул, кога со 20 поени, му овозможи на „кралскиот тим“ да избори пласман во плејофот, во Евролигата.

Како играч на реал, тој со Реал освои по еден трофеј во првенството и Купот на Шпанија.

Серхио Рамос имал позитивен резултат на последното тестирање на вирусот Ковид-19. Информацијата, со кусо соопштение ја потврди неговиот клуб, Реал Мадрид.

Рамос, поради повредата на мускулот на левата нога не тренира од 1.април. Последниот натпревар што го одиграл за Реал, бил осмина-финалниот реванш со Аталанта во Лигата на шампионите, на 16.март.

Потоа одиграл 50 минути за Шпанија, во квалификациите за пласман на Светското првенство во Катар. 35-годишникот одиграл едно полувреме против Грција и пет минути против Косово.