Спорт
Обид за изнуда на пари од семејството Шумахер, организаторот соочен со 15-годишна затворска казна
Германското обвинителство поднесе обвинение против три лица уапсени во јуни и осомничени дека се обиделе да изнудат пари од семејството на Михаел Шумахер, седумкратниот шампион во Формула 1, кој беше тешко повреден на скијање на француските Алпи во 2013 година, пишува „Лекип“.
Таткото Јилмаз Т.(53) и синот (30) од германскиот Вупертал се обвинети за изнуда од 15 милиони евра. Тие на семејството на Шумахер му се заканиле дека ќе објават информации на дарк веб, односно фотографии и видеа од легендарниот возач кои семејството не сака да бидат објавени во јавноста.
Таткото ги купил материјалите за петцифрена сума од Маркус Ф. (52), кој работел пет години, до март 2021 година, како обезбедување во семејната вила на Шумахер на езерото Констанца во Швајцарија.
Поранешниот припадник на обезбедувањето е обвинет дека оттаму украл два хард диска со доверливи информации за Шумахер.
Вториот маж, Јилмаз Т. (53), кој работел како обезбедување во ноќен клуб во близина на вилата, постојано му се јавувал на семејството Шумахер од приватен број и се заканил дека ќе ги објави документите на мрачната мрежа.
Во јуни, преку 30-годишниот син на Јилмаз, во преговори со возачот на сопругата Корина, уценувачите испратиле дел од досиејата од скриен мејл за да докажат дека ја поседуваат документацијата и побарале 15 милиони евра. Сопругата на Шумахер веднаш пријавила се во полиција, која ги лоцирала и уапсила.
Организаторот на уцената се соочува со затворска казна од 15 години. Неговиот син е обвинет за соучесништво и е пуштен да се брани од слобода. Поранешниот обезбедувач е обвинет за две кривични дела: соучесништво во обид за уцена и повреда на приватноста, а се соочува со долгогодишна затворска казна.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Џенова и Јувентус ќе играат пред празни трибини
Утрешниот натпревар меѓу Џенова и Јувентус, на „Луиџи Ферарис“ стадионот ќе се одигра без присуство на публика. Натпреварот од шестото коло во Серија А ќе започне во 18 часот.
Џенова, пред два дена во 1/16 финалето на италијанскиот Куп играше против градскиот ривал Сампдорија. По 1:1 во 90 минути, Сампдорија победи по изведувањето на пенали.
Серизни инциденти се случија и на стадионот но и надвор од него. Во пресметките меѓу хулиганите беа повредени повеќе од 38 лица, меѓу кои и полицајци.
Фудбалската федерација на Италија експресно реагираше, ја казни Џенова, која ќе мора еден натпревар да одигра пред празни трибини.
Паоло Кортис, претседател на Националната опсерваторија за национални спортски настани, предупреди во интервју објавено во петокот дека мерките преземени против Џенова треба да „испратат сигнал“ до другите клубови и нивните навивачи.
Спорт
„Таков играч не може да биде проблем“
Спортскиот директор на Јувентус, Кристијано Џунтоли проговори на актуелната тема во клубот, лошата форма во кој се наоѓа напаѓачот Душан Влаховиќ.
Пред неколку дена се појави информација дека Јувентус сака да му ја намали платата, кој Влаховиќ и неговиот менаџер го одбиле.
Поради сето ова се огласи директорот на „Старата дама“, убеден дека ќе се најде компромисно решение со српскиот играч.
„Што се однесува до иднината на Душан, тука нема проблем. Наскоро ќе седнеме и ќе најдеме решение. Играч како Влаховиќ никогаш не може да биде проблем. Целта е нов договор и ќе успееме. Тој е играч кој вреди многу и заработува многу, тоа е предност за нас“, изјави Џунтоли.
Јувентус не постигна гол на последните три натпревари во Серија А, па поради ова јавноста најмногу го критикува Влаховиќ.
Спорт
Кајли Мекион го собори светскиот рекорд на 100 грбно
Кајли Мекион го собори светскиот рекорд на 100 метри грбно во мали базени (25 метри) на австралиското државно првенство.
Актуелната олимписка шампион на 100 и 200 грбно победи со резултат 54.56 секунди и за 33 стотинки го собори рекордот на нејзината сонародничка Мина Атертон.
По Олимпијадата во Париз, каде што освои злато на 100 и 200 метри, 23-годишната Мекион рече дека и е здодевно да седи дома и се пријавила за националните првенства во Аделаида.
Кајли веќе се квалификуваше за Светското првенство во мали базени во Будимпешта во декември благодарение на нејзините олимписки победи, но рече дека се уште не е сигурна дали ќе плива во главниот град на Унгарија.