Спорт
Обид за киднапирање на комплетната репрезентација на Белизе
Фудбалска репрезентација на Белизе пред гостувањето на Хаити, во рамките на квалификациите за пласман на Светското првенство, била инволвирана во инцидент кој имал среќен крај.
Автобусот кој ги превезувал во хотелот бил пресретнат од мажи вооружени со автоматско оружје. Веднаш потоа автобусот бил опколен со неколку мотоцикли. Еден од нив започнал да разговара со возачот.
Поголем инцидент спречила полицијата, која ги следела киднаперите.
„Шокирани сме од она што ни се случи на Хаити. Во контакт сме со ФИФА и КОНКАКАФ, за да им обезбедиме максимална безбедност на играчите. Се уште сме во шок од она што ни се случи. Сите играчи се добро, покажаа голема храброст во таа ситуација“, соопшти Фудбалскиот сојуз на Белизе.
Киднапирањата се голем проблем за полицијата на Хаити во последните неколку години. Според некои проценки, во оваа држава месечно се случуваат по 160 киднапирања.
Tak kadrowicze Belize zostali „przywitani” na Haiti.
Na drodze do hotelu autokar został zatrzymany przez dużą grupę uzbrojonych mężczyzn. Czterech policjantów w eskorcie musiało negocjować z nimi dalszy przejazd.
O sytuacji powiadomiono już FIFA i CONCACAF.#CONCACAFpl pic.twitter.com/6b2NodQjXZ
— Michał Matlak (@matlak_michal) March 22, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Победата на Реал во сенка на повредата на Карвахал
Реал Мадрид го победи Виљареал со 2:0 во деветотот коло, во Примера. Со овој триумф Реал се изедначи на првото место со Барселона, која утре му гостува на Алавес.
Реал ја потона „жолтата подморноца“ со две торпеда, на Валверде во 14. и Винисиус Жуниор во 73.минута. Виљареал имаше свои шанси кои не ги искористи. Пеп во првото полувреме веднаш по голот на Валверде ја погоди гредата. Во финишот добија пенал, но судијата го поништи откако ВАР покажа дека на пеналот му претходел офсајд.
Интересно Реал на овој натпревар упати само три удари во рамките на голот, два од нив завршија зад грбот на Кунде.
Реал победи, но прашање е колку скапо ја плати победата. Винисиус Жуниор во 78.минута поради повреда на рамото го напушти теренот, а во самиот финиш на натпреварот се повреди и Карвахал, кој мораше да биде изнесен од теренот.
Спорт
(Видео) Три гола на Турам, Интер го победи Торино
Интер го победи Торино с 3:2 во последниот натпревар од саботната програма во Серија А. Интер ја забележа четвртата победа сезонава, а Торно вториот пораз.
Победата на Интер му ја донесе Маркус Турам кој го постигна првиот хет-трик во Серија А. Работата на актуелниот пампион му ја олесни Марипан кој во 20.минута доби црвен картон.
Пет минути подоцна предноста од играч повеќе Интер ја искористи кога Турам го постигна првиот гол. 11.минути подоцна францускиот репрезентативец го постигна вториот гол. Асистент за двата гола беше Бастони.
Само што тргнаа од центарот гостите успеаја да намалат на 2:1 преку Колумбиецот Дуван Запата. По еден час игра Тирам го комплетираше хет-трикот. До крајот на натпреварот, Торино преку Влашиќ од пенал го намали резултатот.
Спорт
(Видео) Јокиќ им одржа говор на играчите на Мега по победата над Дубаи
Дубаи во саботата беше местото за повторното обединување на Никола Јокиќ и клубот во кој за него започна се во неговата кариера.
Кошаркарите на Мега направија мало изненадување, во драматичен натпревар го победија Дубаи со 83:80, а сведок на овој натпревар беше центарот на Денвер, Никола Јокиќ.
Српскиот репрезентативец во Емирсти е со Денвер на мини-турнеја во претсезоната, а во „Кока-кола“ арената му се придружија и неговите соиграчи Дарио Шариќ и Влатко Чанчар До Јокиќ седеше првиот човек на Мега, еден од најмоќните менаџери во кошарката, Ражнатовиќ.
По натпреварот Јокиќ во соблекувалната им одржа краток говор на младите играчи на Мега, кои беа воодушевени од присуството на официјално најдобриот играч во НБА лигата.
„Задоволство ми беше да ве гледам, посакувам уште да ја имам таа желба и таа радост што вие ја имавте денес“.
Овој момент КК Мега го сподели на своите социјални мрежи.
“I wish I still had that joy and enthusiasm that you showed today” 😂🩷 pic.twitter.com/aIgM2R6D8I
— KK Mega (@KKMegaBasket) October 5, 2024