Спорт
Обрадовиќ: АБА е несериозно натпреварување, среќа е што не носи пласман во Евролигата

Тренерот на Партизан, Жељко Обрадовиќ, тешко го прифати поразот на неговиот тим во вечното дерби. Во 13.коло во АБА лигата, Црвена звезда го победи Партизан со 89:84.
Драматичното дерби во Белград, го решија двете аматерски грешки на кошаркарите на Партизан во последната минута, кога два пати не успеаја да ја уфрлат топката во игра. Во првиот случај Браун не ја уфрли топката во предвидените пет секунди, а во вториот Вашингтон топката му ја даде на противникот.
„Добив техничка грешка без предупредување, иако само на англиски кажав дека фаулот е офанзивен. Од друга страна, имаше предупредувања пред техничките. Фаулот беше во напад, го видов сега по натпреварот. Имаше и комични ситуации. Едниот судија во првото полувреме едно вика, другиот друго, а другиот ми се извинува што згрешил“, нагласи Обрадовиќ и додаде:
„Зошто е тоа? Затоа што ова е несериозно натпреварување. Зошто има ограда зад нашата клупа, а ја нема на натпреварите во Евролигата? Има два аршини. Кога ќе ме навредуваат во салата, натпреварот не се прекинува, кога тоа ќе се случи за другата страна, играта веднш ја прекинуваат. Среќа што победникот на АБА лигата нема загарантирано место во Евролигата“.
По 13 кола во АБА лигата, Црвена звезда, Партизан и Будуќност имаат по 11 победи и два порази.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Пјастри „за влакно“ го победи Норис за пол-позиција во Зандворт

Оскар Пјастри, лидерот во генералниот пласман во шампионатот на Формула 1, ја освои пол-позицијата пред трката за Големата награда на Холандија. Австралиецот во борбата за пол-позицијата го победи тимскиот колега Ландо Норис, кој доминираше на тренинзите и во првите два квалификациски сесии.
Пјастри ја освои пол-позицијата со најбрзиот круг во историјата на Зандворт, 1:08.662. Норис задоцни 12 илјадити делови од секундата зад тимскиот колега.
Вториот ред им припадна на Макс Ферстапен од Ред Бул и изненадувањето Исак Хаџар од Рејсинг булс.
Следуваат возачите на Мерцедес и Ферари, Џорџ Расел и Шарл Леклер. Следуваат Луис Хамилтон (Ферари), Лијам Лосон (Рејсонг булс) и Шпанците од Вилијамс и Астон Мартин, Карлос Саинц и Фернандо Алонсо.
Трката за Големата награда на Холандија, в недела ќе започне во 15 часот. Пјастри во генералниот пласман има девет поени повеќе од Норис.
Foto/ sportsorca.com
Спорт
(Видео) Челзи го победи Фулам – Гостите се жалат на судењето

Денот во Премиер лигата започна со победата на Челзи против Фулам, 2:0 (1:0). Ќе се анализира судењето на овој натпревар, впечаток е дека судијата два пати ги оштети Фулам.
Не започна добро за „сините“, веќе во 14-та минута Мареска беше принуден да направи замена бидејќи Делап се повреди, а потоа само седум минути подоцна Фулам постигна гол.
Марко Силва беше бесен. И со право, кога голот на Кинг беше поништен по долгата ВАР проверка поради ситуација која можеше, а и не мораше да се окарактеризира како фаул.
Гневот на Силва дополнително се зголеми во десетата (од предвидените осум) од судиското продолжение во првото полувреме кога Челзи успеа да ја пробие одбраната на Фулам и да поведе со 1:0 со голот на Жоао Педро кој беше најдобар во скокот по корнер.
Челзи изгледаше поопасно во текот на првиот дел од натпреварот, имаа неколку добри шанси, но Лено го спаси својот гол во два наврати. Нова нервоза за Фулам и Силва – пенал за Челзи во 56-та минута, кој Енцо Фернандез лесно го претвори во 2:0.
Челзи имаше уште неколку шанси подоцна, неколку интересни напади, а Фулам исто така се закани во неколку наврати, но без успех.
Foto/ EPA/DAVID CLIFF
Спорт
Демонстрација на сила – Германија ја декласира Литванија

Германската кошаркарска репрезентација ја декласираше Литванија со 107:88 во првиот меч од третата рунда на Европското првенство. Со три победи во првите три рунди, Германија веќе обезбеди пласман во осминафиналето.
Натпреварот во „Дек Арена“ во Тампере мина во апсолутна доминација на актуелниот светски шампион.
По Шведска и Црна Гора, Германците и против Литванија постигнаа преку 100 поени. Ова најдобро го отсликува офанзивниот потенцијал на Германците.
Натпреварот против Литванија на хартија беше дербито на денот, но на теренот тоа не беше ништо друго освен игра на мачка и глушец. Литванците имаа свои моменти со две серии (првата 9:0, втората 10:0), но двата налети на ривалите Германците нрутално ги одбија.
Германија денес постигна 19 тројки од 35 обиди.
Денис Шрудер постигна пет (од десет шута), вкупно 26 поени, и беше најефикасниот играч на натпреварот. Франц Вагнер ја потврди својата класа со 24 поени, 7 скока и 4 асистенции, а несѕтварен меч одигра Даниел Тајс.
Тајс шутираше 6/6 за два, 3/3 за три, 2//2 за еден поен, забележа и шест скока, имаше највисок индекс на корисност во натпреварот – 32.
Foto/ EPA/KIMMO BRANDT