Спорт
Обвинителството на Неапол побара затворски казни за Адријани Галијани и претседателите на Наполи и на Аталанта
Обвинителството на Неапол побара затворска казна за директорот на Монца, Адријано Галијани, претседателите на Наполи и на Аталанта, Аурелио Де Лаурентис и Антонио Перкаси, како и синот на Лучијано Моџи – Алесандро Моџи, открива „Ил Матино“. Сите тие се именувани како учесници во перење пари и лажна сметководствена шема поврзана со трансфери на играчи.
Се зборува за трансфери од 2013 и 2014 година. Истрагата за која станува збор е во тек повеќе од четири години, но обвинителството дури сега ги пречисти обвиненијата.
Галијани, кој долги години беше шеф на Милан, моментално е извршен директор и потпретседател на Монца. Обвинителството бара 13 месеци да остане зад решетки.
На газдите на Наполи и Аталанта им се заканува по една година затвор, а најсериозна пријава е за фудбалскиот агент Алесандро Моџи – 2 години и 8 месеци затворска казна.
Се очекува пресудите да бидат објавени на 2 февруари 2023 година, прецизира „Ла Република“.
Во исто време, обвинителството ги смета за невини и другите истражени популарни личности од италијанскиот фудбал, како што се претседателот на Лацио, Клаудио Лотито, поранешниот шеф на Фиорентина, Андреа Дела Вале, поранешниот на Киево, Лука Кампедели, како и поранешниот фудбалер, Езекиел Лавеци.
Шемата вклучува три страни – клубот што купувa, играчот и неговиот агент. Според истражителите, личен менаџер на еден фудбалер се претставувал како таков до денот кога бил потпишан договорот. Тогаш одеднаш, според официјалните документи, агентот наеднаш се однесувал како консултант на клубот што го купил дотичниот играч. Оваа промена му овозможила на играчот да ја намали сумата што официјално ја должи на својот менаџер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Куртоа се враќа до крајот на сезоната
Tренерот на Реал, Карло Анчелоти денеска изјави дека голманот Тибо Куртоа треба да се врати во тренажен процес за десет дена, пренесуваат шпанските медиуми.
На 20 март Куртоа беше опериран поради скинат менискус на десното колено. Шпанските медиуми потсетуваат дека белгискиот голман требаше да паузира до крајот на сезоната, но Анчелоти тврди дека Куртоа успешно се опоравува.
„Куртоа добро закрепнува, би можел да биде во тимот против Кадиз“, изјави Анчелоти.
Шпанските медиуми пренесуваат дека Куртоа сигурно ќе го пропушти натпреварот против Реал Сосиедад во Ла Лига, како и првиот полуфинален натпревар од Лигата на шампионите против Баерн.
Натпреварот од 34. коло во шпанското првенство помеѓу Реал и Кадиз ќе се одигра на четврти мај во Мадрид.
Спорт
Евролигата нема да го толерира однесувањето на Атаман
Кошаркарската Евролигата се огласи по бурната реакција и изјава на Ергин Атаман по поразот на Панатинаикос од Макаби, во Атина на стартот од четвртфиналната серија.
Во соопштението на веб-страницата на елитното натпреварување, се нагласува дека е недозволиво Атаман да ги етикетира судиите, дека таков приситсок нема да биде толериран и дека е покрената дисциплинска постапка против тренерот на Панатинаикос.
За потсетување, Атаман веднаш по натпреварот потенцираше дека судиите му доделиле шест поени на Балдивин, бидејќи досудиле два непостоечки, смешни фаули при шут за три поени, но во исто време нагласи дека ПАО продолжува понатаму, до завршниот турнир во Берлин.
Атаман на прес-конференцијата отиде чекор понатаму, велејќи дека ќе го напушти Панатинаикос доколку не избори пласман на завршниот турнир.
Макаби води во четвртфиналната серија со 1-0, вториот меч се игра вечерва повторно во Атина, а потоа следуваат два натпревари во Белград – 30 април и 2 мај, а евентуалната мајсторка ќе се игра на 8 мај во Атина.
Спорт
Гвардиола за Жоао Кансело: Ќе видиме на крајот на сезоната
Жоао Кансело е член на Манчестер Сити, а моментално е на позајмица во Барселона до крајот на сезоната. Прашање е дали Барселона сака да го отткупи неговиот договор, откако Португалецот беше означен како еден од главните виновници за елиминацијата од ПСЖ од Лигата на шампионите и поразот од Реал во Ел Класико.
Менаџерот на Манчестер Сити, Пеп Гвардиола изјави дека на крајот на сезоната ќе одлучи дали Кансело ќе се врати во клубот, пренесуваат британските медиуми.
„Се уште не сме разговарале за иднината на Кансело во нашиот клуб. Ќе разговараме на крајот на сезоната“, изјави Гвардиола.
Кансело (29) е член на Манчестер Сити од 2019 година. Тој има договор со англискиот клуб до 30 јуни 2027 година.
Вториот дел од минатата сезона Кансело го мина на позајмица во Баерн, а потоа Манчестер Сити го испрати португалскиот фудбалер на едногодишна позајмица во Барселона.
Кансело оваа сезона одигра 36 натпревари за Барселона и постигна четири гола.