Спорт
Обвинителството во Ница отвори истрага против Галтие
![](https://makfax.com.mk/wp-content/uploads/2023/04/16812883115014.jpg)
Обвинителството во Ница потврди дека отворило прелиминарна истрага против тренерот на Пари Сен Жермен, Кристоф Галтие, поради сомневање за дискриминација врз основа на раса или религија додека работел во фудбалскиот клуб Ница.
Истрагата и е доверена на правосудната полиција и е поврзана со обвинувањата против Галтие, потврди за агенцијата Франс прес обвинителот од Ница, Завиер Боном. Тој додаде дека се претресуваат просториите на фудбалскиот клуб Ница.
Боном потврди дека во четвртокот на негова иницијатива била отворена прелиминарна истрага против 56. годишниот фудбалски тренер поради сомневање за дискриминација врз основа на раса или религија.
„РМЦ Спорт“ и другите француски медиуми ја објавија содржината на електронската пошта што поранешниот спортски директор на Ница Жилиен Фурние ја испрати до сопствениците на клубот на почетокот на неделата, во која Галтие, кој ја водеше Ница во 2021 година, рекол дека има многу црнци и муслимани во тимот.
Во изјавата објавена за француските медиуми од неговиот адвокат, Галтие рекол дека е „шокиран кога слушнал за навредливиот и клеветнички“ медиумски извештај и рече дека ќе преземе правни мерки.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Димитирјевиќ замина од УНИКС, следна станица Милано
![](https://makfax.com.mk/wp-content/uploads/2024/06/maxresdefault-1.jpg)
Македонскиот кошаркар Ненад Димитријевиќ по две години го напушти УНИКС, соопшти рускиот клуб.
Како што соопшти клубот од Казан, 26-годишниот репрезентативец на Македонија е слободен да избере каде ќе ја продолжи кариерата.
Во претходните две сезони Димитријевиќ беше најдобар играч на клубот и во ВТБ лигата. Тој одигра вкупно 50 натпревари во ВТБ лигата со просек од 18,6 поени, 3,6 скока и 1,2 украдени топки на 30 минути игра.
Италијанските медиуми објавија дека Димитријевиќ веќе има договор со челниците на Олимпија и дека до крајот на неделата ќе стане член на клубот од Милано.
Спорт
(Видео) Австрија пресилна за Полска – Прв триумф за Австрија, втор пораз за Полска на ЕП
![](https://makfax.com.mk/wp-content/uploads/2024/06/12317338.jpg)
Австрија ја победи Полска со 3:1, во Д групата на Европското првенство во Германија. Австријците со оваа победа се доближија до осминафиналето, додека на Полска ќе и треба чудо во последното коло за да избори место во нокаут фазата.
Австрија во овој момент е посилна селекција од Полска и тоа го покажа на терент на Олимпискиот стадион во Берлин.
Траунер го постигна првиот гол во деветтата минута, но Полјаците успеаја да изедначат преку Пјонтек по половина час игра.
Конечниот удар Австријците го зададоа во втората половина од второто полувреме. Баумгартнер во 66.минута со гол ја заврши одличната тимска акција,а 12 минути подоцна Сабицер избори пенал. Сигурен реализитор беше Арнаутовиќ.
Во последното коло Австрија ќе игра против Холандија, а Полска против Франција.
Спорт
Легендарниот фудбалер Фалкао има нов клуб
![](https://makfax.com.mk/wp-content/uploads/2024/06/falkao1.jpg)
Иако е во доцните играчки години, Радамел Фалкао не планира да застане.
Откако му истече договорот со Рајо Валјекано, се огласи и неговиот нов клуб.
Тоа е – Милионариос.
И сето тоа 23 години откако го напушти овој клуб како 15-годишник.
Фалкао зад себе има импресивна кариера, играше за Ривер, Порто, Атлетико Мадрид, Монако, Манчестер Јунајтед, Челзи, Галатасарај и Рајо.
За Колумбија, за која уште настапува, одигра 104 натпревари и постигна 36 голови.