Спорт
Од Хозе Насаци до Лука Модриќ: најдобрите играчи на светските првенства
Пет дена не делат од почетокот на 21.Светско првенство во фудбал, на претходните 20 мундијали ниту еден играч не успеал два пати да ја освои наградата за најдобра играч на турнирот.
Најблиску до такво остварување бил легендарниот бразилски напаѓач Роналдо. Тој во 1998 година, кога Бразил беше поразен од Франција (0:3) ја освои „Златната топка“, а на чекор до наградата беше во 2002 година, кога со осум гола го предводеше својот тим до титулата.
„Златната топка“ во 2002 година му припадна на германскиот голман Оливер Кан, иако неговата репрезентација беше поразена од Бразил во финалето, кој беше најзаслужен што Германија успеа да стигне до финалето.
На последното СП во Русија наградата за најдобар играч ја освои Лука Модриќ.
Во сегашниот облик наградата „Златна топка“ се доделува од 1982 година, кога за најдобар беше прогласен Италијанецот Паоло Роси.
Најдобри играчи на светските првенства:
1930 – Хозе Насаци (Уругвај)
1934 – Џузепе Меаца (Италија)
1938 – Леонидас (Бразил)
1950 – Зизињо (Бразил)
1954 – Ференц Пушкаш (Унгарија)
1958 – Диди (Бразил)
1962 – Гаринча (Бразил)
1966 – Боби Чарлтон (Англија)
1970 – Пеле (Бразил)
1974 – Јохан Кројф (Холандија)
1978 – Марио Кемпес (Аргентина)
Златна топка:
1982 – Паоло Роси (Италија)
1986 – Диего Марадона (Аргентина)
1990 – Салваторе Тото Скилачи (Италија)
1994 – Ромарио (Бразил)
1998 – Роналдо (Бразил)
2002 – Оливер Кан (Германија)
2006 – Зинедин Зидан (Франција)
2010 – Диего Форлан (Уругвај)
2014 – Лионел Меси (Аргентина)
2018 – Лука Модриќ (Хрватска)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Во сообраќајна несреќа тешко повреден Бабнгида, брат му загина, сопругата и детето се во критична состојба
Поранешниот нигериски фудбалер Тијани Бабангида (50) имал тешка сообраќајна несреќа на автопатот во Нигерија, а во несреќата загинал неговиот три години помлад брат Ибрахим.
Тијани, неговата сопруга, син и куќна помошничка, кои исто така биле во автомобилот, со тешки повреди биле примени во болница.
Некои медиуми тврдат дека Тијани е свесен, а остатокот од семејството сѐ уште е во критична состојба, но закрепнува.
Тијани Бабангида беше репрезентативец на Нигерија од 1994 до 2004 година и играше на Светското првенство во 1998 година, а најголема трага во клупскиот фудбал остави во Ајакс во периодот од 1996 до 2003 година.
Тијани моментно е претседател на Здружението на професионалните фудбалери на Нигерија. Фудбал играше и трагично загинатиот Ибрахим. Најмногу играше за африкански клубови, но стигна и до холандски Волендам.
Спорт
Евролига: Прочида најдобар млад играч
Кошаркарот на Алба од Берлин, Габриеле Процида е прогласен за најдобар млад играч на Евролигата, објавено е на веб-страницата на елитното натпреварување.
Прочида е третиот Италијанец кој ја освоил престижната награда, по Андреа Барњани (2005/06) и Данило Галинари (2007/08).
Талентираниот кошаркар имаше голема конкуренција за наградата, особено од неговиот соиграч од Алба и сонародник Матео Спањоло.
Сепак, тој имаше поголема улога во тимот, поради што и го доби признанието кое го изгласаа тренерите на екипи во Евролигата.
Оваа сезона имаше просек од 8,3 поени, 1,6 скока и 1,4 украдени топки.
Сезонава 10 пати имаше двоцифрен учинок, а најдобра партија ја имаше против Макаби, кога мечот го заврши со 22 поени и три украдени топки.
Спорт
Дест се враќа во Барселона – ПСВ нема да го откупи неговиот договор
Сержињо Десет како позајмен од Барселона во ПСВ ја освои титулата во Холандија со клубот од Ајндховен. Сепак ПСВ нема да го откупи неговиот договор и покрај тоа што во клубот биле задоволни од неговите изданија. Причината е повредата на коленото од која репрезентативецот на САД се уште не се рехабилитирал.
Дест во јуни ќе се врати во Барселона каде ќе ја продолжи со рехабилитацијата по операцијата на коленото во Холандија.
Дест се пресели од Ајакс во Барселона во 2020 година, вкупно за Барселона одигра 72 натпревари и постигна три гола.
Тој минатата сезона замина на позајмица во Милан, незадоволен од својата минутажа во Барселона, а оваа сезона ја мина на позајмица во ПСВ.
Се очекува тој да се врати на терените на почетокот на 2025 година.