Спорт
Од Манчестер 22 играчи се во четврт-финалето на СП
Градските ривали од Манчестер, Јунајтед и Сити имаат најмногу играчи во завршницата на Светското првенство во Катар. По 11 играчи од двата тима ќе бидат дел од четвртфиналето, со тоа што Сити навистина би можел да состави комплетен тим бидејќи има и голман.
Играчи на „црвените ѓаволи“ се англиските репрезентативци Маркус Рашфорд, Хари Мегваер и Лук Шо, Аргентинецот Лисандро Мартинез, Португалеците Диого Далот и Бруно Фернандеш, Бразилците Антони, Фред и Касемиро, францускиот дефанзивец Рафаел Варан и младиот Холанѓанец Тирел Маласија.
Членовите на популарните „Граѓани“ се Англичаните Фил Фоден, Џон Стоунс, Кајл Вокер, Џек Грилиш и Калвин Филипс, Аргентинецот Хулијан Алварез, бразилскиот голман Едерсон, Португалците Жоао Кансело, Рубен Дијас и Бернардо Силва, Холанѓанецот Нејтан Аке.
По клубовите од Манчестер, следните клубови имаат најмногу играчи во четвртфиналето:
8 – Пари Сен Жермен
7 – Баерн и Ајакс
6 – Арсенал, Атлетико Мадрид, Барселона, Челзи, Јувентус, Реал Мадрид, Севиља, Тотенхем
5 – Ливерпул
За петок и сабота се закажани четвртфиналните натпревари. Се среќаваат Бразил – Хрватска, Холандија – Аргентина, Мароко – Португалија и Англија – Франција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Скапо ги плати грешките, Окон ќе го напушти Алпин
Естебан Окон ќе го напушти Алпин на крајот од актуелната сезона. Францускиот тим има лоша сезона, а работите сериозно се вжештија по амбициозниот обид на Окон да го претекне тимскиот колега Пјер Гасли на Големата награда на Монте Карло.
Окон удри во задниот дел од возилото на неговиот колега, го оштети своето возило и по само еден круг испадна од трката. Бидејќи ова не му беше прва глупост што ја направи тимот реши да се раздели со возачот.
По ангажманот во Форс Индија, Французинот се избори за договор со Рено, кој го промени брендот во 2021 година и го доби името Алпин. Окон одлично се снајде во францускиот тим, дури и победи на Големата награда на Унгарија во 2021 година, беше осми во генералниот пласман во 2022 година, но 2024 година е кошмарна за целиот тим.
Се шпекулураше дека Алпин ќе го казни Окон со тоа што нема да му дозволи да вози на Големата награда на Канада, но последиците за Окон ќе бидат поголеми.
Ќе го напушти тимот и веќе е во потрага по нов ангажман. Медиумите шпекулираат дека наредната сезона би можел да вози во Хас или Заубер.
Спорт
(Видео) Мбапе не знаејќи на јавноста и откри кога Реал ќе го објави неговиот трансфер
Килијан Мбапе кариерата ќе ја продолжи во дресот на Реал Мадрид. Напаѓачот утрово на францускиот претседател Емануел Макрон му открил кога трансферот ќе биде официјално потврден.
Претседателот на Франција го посети кампот на националниот тим кој се подготвува за Европското првенство. На заминување разговараше со Мбапе.
„Како си? Дали е потпишано?“, го праша Макрон францускиот напаѓач, а тој кимна со главата како потврда.
Потоа, Макрон го праша Мбапе кога се ќе биде официјализирано, а тој одговори:
„Вечерва, вечерва“.
Во Реал го чекаа крајот на сезоната и одигрувањето на финалето на Лигата на шампионите, за да го објават трансферот на Мбапе.
🚨🇫🇷 Kylian Mbappé confirming to French president Emmanuel Macron that his move to Real Madrid will be ANNOUNCED today. pic.twitter.com/Sn7U2sg53l
— KMZ (@KM10Zone) June 3, 2024
Спорт
УЕФА ги избра најдобрите 11 и најдобриот играч во Лигата на шампионите
Реал ја победи Борусија Дортмунд со 2:0 на стадионот „Вембли“ и ја освои Лигата на шампионите. За Реал ова е 15-та европска титула во историјата, додека Борусија остана на една, освоена во 1997 година. Стрелци беа Дани Карвахал во 74. минута и Винисиус Жуниор во 83. минута.
УЕФА денеска го објави тимот на сезоната во Лигата на шампионите. Во него има по четворица играчи од Реал Мадрид и Борусија Дортмунд, а играчот на Реал Винисиус Жуниор е прогласен за најдобар играч, додека неговиот соиграч Џуд Белингем е прогласен за најдобар млад играч во Лигата на шампионите.
Тим на сезоната во Лигата на шампионите:
Грегор Кобел (Борусија Дортмунд);
Дани Карвахал (Реал Мадрид), Антонио Рудигер (Реал Мадрид), Матс Хумелс (Борусија Дортмунд), Јан Маатсен (Борусија Дортмунд);
Марсел Сабицер (Борусија Дортмунд), Витиња (ПСЖ), Џуд Белингем (Реал Мадрид);
Фил Фоден (Манчестер Сити), Хари Кејн (Баерн), Винисиус Жуниор (Реал Мадрид)