Спорт
Од Манчестер јунајтед до СПАЛ – Џузепе Роси повторно во акција

Италијанскиот напаѓач Џузепе Роси повторно е активен фудбалер по потпишувањето договор до крајот на сезоната со италијанскиот второлигаш СПАЛ. Ова доаѓа откако Роси неколку недели тренира со СПАЛ, а претседателот на клубот Џо Такопина потврди дека тој ќе биде дел од составот постојано.
„Тој е мојот голем проект. Играше пријателски меч минатата недела и постигна прекрасен гол. Мислам дека се чувствува добро и ќе му биде потребно малку време. Мислам дека нема фудбалер од негов квалитет во Серија Б“, изјави Такопина за „Калчомеркато“.
Со ова продолжува една од најчудните и најнесреќни фудбалски кариери за италијански фудбалер.
Тој почна со фудбалот во САД, каде што е роден и каде што играше за Њу Џерси сталионс, пред да се пресели на 12 години во Италија, каде што работеше во академијата на Парма. Роси направи трансфер во академијата на Манчестер јунајтед во 2004 на 17 години и дебитира за „ѓаволите“ во 2004 година.
Но, по само четири гола во 14 настапи, тој замина во Њукасл на заем во 2006, пред да се врати во Парма во јануари 2007 година. Таму се покажа неговиот талент и тој постигна 9 гола во 19 настапи и помогна Парма да опстане во лигата по што како играч со договор на Јунајтед беше продаден во Вилјареал за 11 милиони евра. Тој таму имаше 136 настапи и постигна 54 гола.
34-годишниот фудбалер дебитира за Италија во 2008 под Марчело Липи и вкупно имаше 7 гола во 30 настапи, но неговата кариера беше погодена со неколку повреди, од кои дури четири на лигаментите на коленото. Првата со Вилјареал во 2011 кога беше во аут речиси две години пред да се врати со Фиоретина во 2013 година. Во јануари 2014 повторно го повреди коленото, но сезоната ја заврши со 17 гола во 24 настапи. Целата 2014/2015 ја пропушти поради повреда по што замина во Леванте, па во Селта Виго, каде што повторно се повреди. Во 2017 година тој потпиша за Џенова, но успеа да постигне само еден гол во 9 настапи во 2017/2018 за од јануари 2019 да тренира со Манчестер јунајтед и Вилјареал пред да потпише во МЛС-лигата со Реал Солт Лејк.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Еврогол ја елиминира Црвена звезда од Лигата на шампиони

Црвена звезда не успеа да избори пласман во Лигата на шампионите. Сроскиот првак во плеј офот доживеа елиминација од Пафос. Кипраните славеа со вкупни 3:2.
Поразот и лошата игра во Белград, кога Пафос победи со 2:1, скапо ги чинеше црвено-белите,
Во реваншот, не блескаа но го исконтролираа првото полувреме. Во вториот дел играчите во црвено-бели дресови притиснаа од сите страни. Иницијативата ја материјализираа во 60.минута, кога Иваниќ со малку среќа погоди за 0:1.
Црвено-белите имаа шанса во 80.минута да го постигнат вториот гол, а кога се подготвуваа за продолженија ги нокаутира Жажа кој во 89.минута постигна нестварен гол.
Во преостанатото време речиси и да не се играше, Кипраните започнаа со провокации, имаше инцидент на влезот на тунелот па резултатот остана 1:1.
Пафос сезонава ќе дебитира во Лигата на шампионите, а Црвена звезда продолжува во Лига Европа.
Foto/ EPA/SAKIS SAVVIDES
Спорт
(Видео) ФИБА ги казни тепачите од Аргентина и Доминиканска република

Светската кошаркарска федерација (ФИБА) изрече суспензии и казни по натпреварот помеѓу Аргентина и Доминиканската Република на Купот на Америка.
Сликата на Гонзало Бресан како го напушта теренот облеан во крв по тепачката помеѓу играчите на двете репрезентации го засени натпреварот.
Тензиите што се создаваа за време на натпреварот избувнаа по последниот звук на сирената.
Инцидентот кулминираше мешу Дејвис-Џонс и Бресан, по што се вмешаа и останатите од двата тима.
ФИБА ги суспендираше двајцата на по два натпревари. Аргентинците Франциско Кафаро и Хуанпи Волет беа суспендирани на по еден натпревар, а тренерот Пабло Приџони беше казнет со 2.000 швајцарски франци. Аргентинската федерација ќе мора да плати 20.000 франци.
Во Доминиканската Република, Хуан Гереро и Хуан Суеро беа суспендирани на по еден натпревар, додека Анхел Делгадо е условно суспендиран на еден натпревар.
Tremenda trifulca luego del fin del partido donde República Dominicana venció a Argentina en tiempo extra. pic.twitter.com/PW9MHqbI8L
— 8DeportivoTN8 (@8DeportivoTN8) August 24, 2025
Pablo Prigioni's Argentina fights rival Dominican Republic after FIBA loss
2 years ago the DR kept Argentina out of the World Cup
Prigioni in 🇦🇷 huddle calls St John's 🇩🇴 Joel Soriano "the fat guy who can't move"🤣
Spurs David Jones-Garcia (#8🇩🇴blue) is provoked, throws down🥊 pic.twitter.com/d8BqnJmoGS
— New York Basketball (@NBA_NewYork) August 25, 2025
Спорт
(Видео) Каират го елиминира Селтик, ќе игра во Лигата на шампионите

Фудбалерите на Каират направија големо изненадување, први што се квалификуваа за Лигата на шампионите од клубовите кои се бореа за место во елитното европско натпреварување преку квалификациите.
Во плејофот, шампионот на Казахстан беше подобар од шампионот на Шкотска, тимот на Селтик. Откако првиот натпревар во Глазгов заврши нерешено 0:0, во реваншот во далечниот Алмати (6.000 км воздушно растојание помеѓу Глазгов и Алмати) резултатот по регуларните 90 плус дополнителни 30 минути гласеше идентично 0:0, а по изведувањето на пенали, фудбалерите на Каират славеа со 3:2.
Херој беше 21-годишниот голман Темирлан Анарбеков, тој им одбрани три пенали на играчите на Селтик и му го трасираше патото на својот тим во главната фаза од Лигата на шампионите.
Каират стана вториот тим од Казахстан кој стигна до главната фаза од Лигата на шампионите. Претходно тоа и успеа на Астана во сезоната 2015/16.
Фото/ Принтскрин