Спорт
Од почетокот на руската агресија загинаа 262 украински спортисти
Војната на Русија против Украина ги однесе животите на 262 украински спортисти и уништи 363 спортски објекти, изјави министерот за спорт на земјата, Вадим Хутсаит, пренесе Ројтерс.
По инвазијата на Русија на Украина во февруари 2022 година, голем број на украински спортисти доброволно земаа оружје за да ја бранат својата земја. Меѓу загинатите само оваа година се лизгачот Дмитро Шарпар, кој загина во битките кај Бахмут, и Володимир Андрошук, 22-годишен шампион во десетобој.
На средбата со претседателот на Меѓународната гимнастичка федерација, Моринари Ватанабе, Хутсаит рече дека ниту еден спортист од Русија не треба да се натпреварува на Олимпијадата или на други спортски натпревари.
„Сите тие ја поддржуваат оваа војна и присуствуваат на настани што се одржуваат за поддршка на инвазијата“, рече Хутсаит,
Интернационалниот олимписки комитет (ИОК) препорача постепено враќање на руските и белоруските спортисти на меѓународните натпреварувања како неутрални, но се уште не одлучил за нивното учество на Олимписките игри во Париз во 2024 година.
Украина во петокот соопшти дека на нејзините спортисти нема да им биде дозволено да настапат на Игрите во 2024 година доколку мораат да се натпреваруваат против Русите, одлука што ја критикуваше ИОК.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
„Затворена врата“ за Арсенал, нема понуда одличниот напаѓач што сакаат да го придобијат
Арсенал навистина сака на лето да доведе квалитетен напаѓач, а еден од играчите кои се на мета во преодниот рок е Александер Исак.
Овој фудбалер е член на Њукасл и според сите проценки така ќе остане и следната сезона.
Вредноста на Исак е огромна, според податоците на сајтот „Трансфермаркт“ неговата вредност е 70 милиони евра, а има договор до 2028 година и јасно е дека ќе биде исклучително тешко некој да го одземе од Њукасл.
Во просек постигнува гол на секои 114 минути во сите натпреварувања.
„Нема да ги продаваме нашите најдобри играчи. За нас е многу важно тоа, ако ги продадеме, тогаш одиме наназад. Тогаш мора да почнеме од почеток”, изјави Еди Хау, тренерот на Њукасл.
И се чини дека е во право…
Спорт
(Видео) Болоња на чекор до пласман во ЛШ
Фудбалерите на Болоња забележаа многу важна победа на стадионот „Диего Армандо Марадона“ во Неапол.
Болоња го победи Наполи со 2:0.
Избраниците на Тиаго Мота, победникот го решија во раната фаза од натпреварот. Најпрво Ендој погоди во деветтата минута, а три минути подцна предноста ја зголеми Пош.
Наполи можеше да ја намали предноста на гостите во 21. минута, но Матео Политано промаши пенал.
Болоња со 18. победа во сезоната дојде на чекор до пласман во Лигата на шампионите, прв во клупската историја.
Во следното коло Болоња ќе го пречека Јувентус.
Спорт
Буденхолцер e новиот тренер на Феникс Санс
Американскиот кошаркарски стручњак Мајк Буденхолцер е новиот тренер на Феникс Санс, објави НБА.
Тој го замени Френк Вогел на клупата на Феникс, кој во четвртокот доби отказ по една сезона во клубот.
Од Феникс не ги соопштија деталите од договорот, а американските медиуми објавија дека договорот е на пет години и е вреден околу 50 милиони долари.
Во 2021 година, Буденхолцер ја освои титулата со Милвоки. Тогаш Буденхолцер со Милвоки го победи токму Феникс.
Феникс никогаш не ја освоил титулата, а во својата 56-годишна историја три пати играл во големото финале.
По пет години во Милвоки, двократниот добитник на наградата за најдобар тренер на НБА, Буденхолцер доби отказ во 2023 година, по што замина на едногодишен одмор.