Спорт
Однесувањето на Ле Грае е некомпатибилно со функцијата претседател на ФФФ
Актуелниот претседател на Француската фудбалска федерација (ФФФ), Ноел Ле Грае, нема легитимитет да остане на чело на организацијата, бидејќи неговиот стил на управување и однесување кон жените се „неспоиви“ со извршувањето на неговите должности, стои владината ревизија која ја изврши Генералниот инспекторат за образование, спорт и истражување.
Ле Грае (81) моментално е под судска истрага за наводно „сексуално и морално малтретирање“, а пријавата ја поднела Соња Суид, менаџерка на неколку француски репрезентативки.
Ревизијата на Генералниот инспекторат за образование, спорт и истражување заклучи дека однесувањето на Ле Грае кон жените е несоодветно.
„Мисијата смета дека господинот Ле Грае веќе го нема потребниот легитимитет да раководи и да го претставува францускиот фудбал“, се наведува во ревизорскиот извештај.
Извештајот, исто така, го критикуваше начинот на кој Ле Грае го водел ФФФ, додавајќи дека тоа е „многу централизирано извршување на функцијата“.
Ле Грае, кој минатиот месец беше критикуван за непочитување на легендарниот играч и тренер Зинедин Зидан, се согласи да се повлече привремено од функцијата, во очекување на целосна проверка на наодите од ревизијата од страна на Извршниот комитет на асоцијацијата.
За претседател на ФФФ привремено беше назначен поранешниот потпретседател Филип Диало.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Болоња на чекор до пласман во ЛШ
Фудбалерите на Болоња забележаа многу важна победа на стадионот „Диего Армандо Марадона“ во Неапол.
Болоња го победи Наполи со 2:0.
Избраниците на Тиаго Мота, победникот го решија во раната фаза од натпреварот. Најпрво Ендој погоди во деветтата минута, а три минути подцна предноста ја зголеми Пош.
Наполи можеше да ја намали предноста на гостите во 21. минута, но Матео Политано промаши пенал.
Болоња со 18. победа во сезоната дојде на чекор до пласман во Лигата на шампионите, прв во клупската историја.
Во следното коло Болоња ќе го пречека Јувентус.
Спорт
Буденхолцер e новиот тренер на Феникс Санс
Американскиот кошаркарски стручњак Мајк Буденхолцер е новиот тренер на Феникс Санс, објави НБА.
Тој го замени Френк Вогел на клупата на Феникс, кој во четвртокот доби отказ по една сезона во клубот.
Од Феникс не ги соопштија деталите од договорот, а американските медиуми објавија дека договорот е на пет години и е вреден околу 50 милиони долари.
Во 2021 година, Буденхолцер ја освои титулата со Милвоки. Тогаш Буденхолцер со Милвоки го победи токму Феникс.
Феникс никогаш не ја освоил титулата, а во својата 56-годишна историја три пати играл во големото финале.
По пет години во Милвоки, двократниот добитник на наградата за најдобар тренер на НБА, Буденхолцер доби отказ во 2023 година, по што замина на едногодишен одмор.
Спорт
Голот на Адеми му ја донесе шампионската титула на Динамо
Динамо Загреб, вечерва ја обезбеди 25.шампионска титула во првенството на Хрватска. „Модрите“ го победија Осиек со 1:0, а титулата ја обезбедија багодарение на поразот на Риека во Вараждин (3:1).
Риека, во минатото коло загуби од Динамо на домашен терен и очигледно по тој пораз остнаа без амбиции. Нивниот пораз од Вараждин го искористи Динамо, победи со голот на Аријан Адеми во 73.минута и ја обезбеди титулата.
Динамо по 25. стана шампион, Хајдук има шест титули, Риека и Загреб освоија по една шампионска титула. Овие четири тима се единствените хрватски шампиони од 1991 година.