Интервјуто што Кристијано Роналдо му го даде на Пирс Морган предизвика големо внимание, и иако сè уште не е објавено во целост, се појави и интересен сегмент поврзан со неговото непојавување на погребот на Диого Жота.

Диого Жота загина во сообраќајна несреќа на 3 јули 2025 година заедно со неговиот помлад брат Андре.

На погребот пристигнаа голем број соиграчи од Ливерпул и португалската репрезентација, но не и Роналдо.

Во тоа време, тој беше критикуван во јавноста, на критиките Роналдо не реагираше.

„Две работи, луѓето многу ме критикуваат. Како што реков, не ми е гајле за тоа, бидејќи кога чувствуваш дека твојата совест е чиста и слободна, не мора да се грижиш што велат луѓето“, рече Роналдо, а потоа продолжи:

„Но, едно од нештата што не ги правам е тоа што откако почина татко ми, никогаш повеќе не отидов на гробишта. Второ, ја знаете мојата репутација, каде и да одам, има циркус. Не одам затоа што ако одам, целото внимание е врз мене, а јас не сакам такво внимание.“

Потврди дека сè уште стои зад својата одлука.

„Луѓето сè уште можат да ме критикуваат, се чувствувам добро поради оваа одлука. Не морам да бидам во преден план за луѓето да ме видат, планирам работи, мислам на неговото семејство. Не морам да бидам пред камерите за луѓето да видат што правам. Го правам тоа зад сцената“, заклучи Роналдо.

Панатинаикос не игра добро на почетокот на сеозната во Евролигата. Зелените се на скор од пет победи и четири порази. Покрај тоа тимот остана без класичен центар, Лесор се уште е на рехабилитација, а во меѓувреме се повредија Хомс и Јурцевен.

Дека не може да игра без класичен центар, Ергин Атаман најдобро виде во средата, кога Панатинаикос доживеа тежок пораз во Белград од Црвена звезда (86:68).

Сопственикот на тимот Димитрис Јанакопулос најде решение за центарската позиција во Тајван, поточно во ликот на НБА ветеранот Кенет Фарид, поранешен соиграч на Никола Јокиќ во Денвер четири сезони.

Фарид помина седум сезони таму, а ги бранеше и боите на Бруклин и Хјустон, додека европско искуство стекна во ЦСКА Москва во 2021 година и во Реџо Емилија минатата сезона.

Популарниот „Менимал“, кој за една недела ќе наполи 36 години, целата своја кариера ја играл на позицијата крилен центар, но Фарид, висок 203 см, ќе може да ги покрива центарските позиции во Европа, единственото прашање е дали ќе може да го стори тоа во елитното континентално натпреварување.

Фарид играше во НБА (478 лигашки натпревари и 18 плејоф натпревари) од 2011 година, кога беше избран како 22-ри пик на драфтот, до 2019 година и неговото прво патување во Кина, а играше и во Мексико и Порторико. Тој беше дел од репрезентацијата на САД која го освои Светското првенство во Шпанија во 2014 година.

МЛС тимот Атланта го ангажираше повторно Херардо „Тата“ Мартино за тренер, а договорот е потпишан до 2027 година, објави клубот.

Мартино се враќа во клубот што го водеше до титулата шампион на МЛС во 2018 година и беше прогласен за тренер на годината.

„Овој момент не е враќање во минатото, туку можност да се изгради нова основа и да се продолжи да се развива во согласност со барањата на редовната борба за врвот на МЛС“, рече сопственикот на клубот Артур М. Бланк.

Мартино го напушти Интер Мајами пред речиси една година од лични причини, по една сезона во клубот. Во текот на својата кариера, тој освои 11 трофеи на клупско и репрезентативно ниво во Северна и Јужна Америка, како и во Европа.

Интер Мајами го ангажираше во јули 2023 година, во моментот кога Лионел Меси го имаше своето деби за клубот. Мартино претходно го тренираше Меси во Барселона и во репрезентацијата на Аргентина.

Под негово водство, Интер Мајами оствари учинок од 26 победи, девет нерешени резултати и 12 порази во МЛС лигата.