Спорт
Официјално: Серија А без гледачи до 3 април!
Италијанската влада донесе одредба со која сите спортски натпреварувања во Италија ќе се играат без присуство на публика барем до 3 април поради ситуацијата со корона вирусот. Со оваа одредба се покриваат сите области на државата, дури и таму каде што нема случаи на заразени од вирусот
Досега во Италија има над 3.000 позитивни случаи на корона вирусот, а дури 107 луѓе го загубија животот. Владата претходно одлучи училиштата и факултетите да бидат затворени до 15 март, а сега сите спортски клубови мораат да прават постојани проверки на своите спортисти и другите вработени.
Ова значи дека речиси сигурно Серија А ќе продолжи каде што застана, со тоа што ќе се играат шесте одложени мечеви од 26. коло , наместо тие до 27. коло. Јувентус-Интер, Милан-Џенова и другите мечеви ќе се оддржат овој викенд, по што следната недела ќе се игра 27. коло.
Претходно, беа одложени мечевите Јувентус-Милан и Наполи-Интер од полуфиналето на Копа Италија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тројца ќе го напуштат Сити за да дојде Антоан Семењо
Фудбалскиот клуб Манчестер Сити ќе биде активен во зимскиот преоден рок.
Како што е познато, Антоан Семењо е блиску до трансфер на „Етихад“, но за да дојде крилниот напаѓач на Борнмут, најмалку двајца играчи ќе мора да го напуштат клубот.
За почеток, има прецртани играчи кои дури и не играат оваа сезона, станува збор за Калвин Филипс и Оскар Боб.
Филипс е на позајмица во Вест Хем, каде што речиси и да не игра. а Боб не може да се псрави со конкуренцијата во тимот.
Англиските медиуми шпекулираат дека клубот би можел да го напушти дефанзивецот, Нејтан Аке. Наводно за него интерес покажале во Барселона.
Реално е Сити да го продаде Савињо и од неговата продажба може да инкасира околу 70 милиони евра. Бразилецот требаше да замине во елтниот преоден рок, и тоа во Тотенхем. Тогаш Пеп Гвардиола во последен момент го стпираше трансферот.
Foto/ depositphotos
Спорт
Хави Галан го напушти Атлетико Мадрид
Поранешниот играч на Атлетико Мадрид, Хави Галан, потпиша договор со Осасуна, објави клубот од Памплона.
Во соопштението се наведува дека левиот бек потпишал договор со Осасуна до 30 јуни 2026 година, а клубот од Памплона издвоил надомест од 500.000 евра за овој трансфер.
„Во случај двете страни да ја продолжат соработката по 30 јуни 2026 година, мадридскиот клуб ја задржува можноста да добие дополнителни 500.000 евра за секоја сезона што Галан ќе ја игра за Осасуна. Атлетико му даде дозвола на Галан да се приклучи на Осасуна на 29 декември, откако тимот ќе се врати на тренинзи по празниците. Тој официјално ќе биде претставен како нов играч на Осасуна истиот ден“, се вели во соопштението на Осасуна.
Галан оваа сезона ја загуби довербата на Чоло Симеоне, во сите натпреварувања, левиот бек, одигра само 300 минути, 90 од нив се во Купот против четвртолигашот Атлетико Балеари.
Покрај Атлетико, Галан (31) играше за Реал Сосиедад, Селта, Уеска, Кордоба и Бадахоз.
Foto/ depositphotos
Спорт
Едноок фудбалер е приказната на денот на Африканскиот куп на нации
Буркина Фасо ја победи Екваторијална Гвинеја со 2:1 во првиот натпревар од Групата Е на Африканскиот куп на нации. Екваторијална Гвинеја водеше со 1:0 до 95-та минута со голот на Марвин Аниебо, но Буркина Фасо направи пресврт со головите во 95-та и 98-та минута. Прво, Георги Минунгу постигна гол за израмнување, додека Едмонд Тапсоба постигна гол за победа.
Со голот што го постигна 23-годишниот Минунгу, ја испиша најубавата приказна на Африканскиот куп.
Станува збор за фудбалер кој може да гледа само со едно око. Во 2022 година, тој се пресели од втората чешка лига во резервниот тим на Сиетл Саундерс во САД. По година и пол, тој беше промовиран во првиот тим и отпатува во Марбеља на подготвки, но патувањето се претвори во кошмар.
По неколку тренинзи, неговото око почна да отекува и поради инфекција. Иако на почетокот не мислеше дека е нешто сериозно, состојбата брзо се влоши.
„Поцрне, потоа поцрвене. По две недели беше целосно бело“, изјави тој за „Sport Bible“, во јуни. Дури и итната операција не успеа да му го спаси левото око бидејќи нервите целосно умреа.
Лекарите тогаш му рекле дека никогаш повеќе нема да може да игра фудбал, но тој не сакал да го прифати тоа. Го замолил клубот да му дозволи да продолжи да тренира.
„Реков: „Ако сум добар, продолжувам. Ако не сум, престанувам.““ И тој беше добар.
„Тренирав понапорно од кога било досега. Веќе не можев да гледам сè, но можев да ја почувствувам играта. Можев да ја прочитам. Се адаптирав. Неверојатно е што може да постигне мозокот. Понекогаш воопшто не го гледам дефанзивецот, го чувствувам. Потоа едноставно одам во друга насока. Инстинкт, преглед на играта, чувство, сè се спојува“, објаснува тој.
Фактот дека денес е петкратен репрезентативец и стрелец на Африканскиот куп на нации се должи на Светското клупско првенство одржано минатото лето.
„Тој турнир ме направи познат, бидејќи МЛС не екогаш се следи одблизу“, објасни тој во интервју за Африканската фудбалска конфедерација.
Foto/ EPA

