Спорт
Огорченост во Динамо: АЕК сакаат да искористат човечка трагедија
![](https://makfax.com.mk/wp-content/uploads/2023/08/dinamo3.jpg)
Динамо Загреб со огорченост одговори на соопштението од Атина, со кое АЕК бара УЕФА да ги исфрли „модрите“ од Лигата на шампионите.
Во понеделникот вечерта, во населбата Нова Филаделфија, хулиганите на Динамо потпомогнати од пријателите од Панатинаикос, направија хаос. Во тепачката животот го загуби 29-годишниот навивач на АЕК, Михалис Кутурис.
Динамо Загреб е револтиран од челниците на АЕК, кои бараат од УЕФА да ги исфрли од натпреварувањето поради хулиганскиот конфликт во Атина.
„Жалиме што АЕК со своите изјави и однесување бега од одговорноста, крева тензии и користи несоодветен, агресивен и поттикнувачки јазик во официјалните соопштенија со цел да се изврши притисок врз УЕФА. Особено е неразбирливо што се обидува да искористи човечка трагедија без никакво двоумење за сопствената промоција и резултат што покажува отсуство на елементарна пристојност, емпатија и почит кон жртвата. Ваквиот пристап го сметаме за несоодветен, особено што на сите, освен на претставниците на АЕК, им е јасно дека ГНК Динамо направи се што е во негова моќ да не дојде до оваа ситуација. За сите настани во Грција најголема одговорност имаат организаторите, односно грчката полиција и АЕК како клуб домаќин“, се вели меѓу другото во соопштението на Динамо.
„Сакаме јасно да нагласиме дека одговорните лица во клубот се ставија на располагање на претставниците на АЕК, УЕФА и полицијата со цел да се расветли целиот настан и да се врати атмосферата во спортски рамки. Цело време одржувавме активна комуникација со сите инволвирани страни освен со АЕК. Претставниците на грчкиот клуб од самиот почеток попречуваа каков било обид за соработка, за барање најдобро решение. Демонстративно го напуштија организацискиот состанок на денот на натпреварот, го откажаа официјален ручек на двете делегации, одбија секаков вид комуникација и со таквото однесување си ја доделија улогата на истражители, обвинители и судии во еден толку деликатен момент“, се вели во соопштението.
„Најостро го осудуваме овој тип на комуникација на нашите спортски ривали од Атина, особено додека истрагата се уште е во тек и каде секојдневно дознаваме нови информации за немилиот настан. Потенцираме дека до овој момент се уште не е утврдено дали сторителот на овој страшен злочин е хрватски или грчки државјанин. Нема да му дадеме право на никого да си игра со името Динамо на таков монструозен начин!
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Пикси: Не бевме вреќа за удирање
![](https://makfax.com.mk/wp-content/uploads/2024/06/12326792.jpg)
Селекторот на фудбалската репрезентација на Србија, Дрган Стојковиќ Пикси, во првата изјава рече дека елиминацијата од ЕП не е неуспех.
„Жал ми е што не го направивме тој чекор понатаму. Исклучително сум горд на момците. Се бореа, дадоа се од себе, но така е во фудбалот“, започна Пикси и потоа го коментираше мечот со Данска.
„Тежок натпревар, 50-50 во сите параметри. Направивме се за да одием понатаму. Не се резилевме, никој не не победи со 5:0 па ни се смеат и да не навредуваат. Не заслуживме да загубиме од Англичаните. Другите два натпревари беа тешки, тактички и резултатски. Знаев дека вечерва нема да имаме шанси, кави што имавме против Словенија. Вечерва не постигнавме гол. Одиме понатаму со кренати глави. Момците ги заслужуваат сите честитки за нивниот напор’, рече Пикси со напомена дека еден гол решил кој ќе оди во нокаут фазата.
Спорт
Српските фудбалери со концерт од свирежи испратени од стадионот во Минхен
![](https://makfax.com.mk/wp-content/uploads/2024/06/12327019.jpg)
Фудбалската репрезентација на Србија го заврши настапот на Европското првенство. Во конкуренција на Англија, Данска и Словенија, Србите освоија два бода и завршија на последното место во групата.
Во последното коло, на Србите им требаш победа над Данска, но не успеаја. На крајот од натпреварот со концерт од свирежи беа испратени од околу 30.000 свои навивачи на стадионот во Минхен.
Репрезентативците на Србија по завршувањето на натпреварот сакаа да им се заблагодарат на повеќе од 30.000 српски навивачи кои ги бодреа, но добија свирежи, навреди, а во еден момент навивачите фрлаа пластични чаши кон нив.
Спорт
Ц групата го изедначи негативниот рекорд на ЕП
![](https://makfax.com.mk/wp-content/uploads/2024/06/12326963.jpg)
На шест натпревари во групата Ц, во која партиципираа Србија, Англија, Словенија и Данска, беа постигнати само седум гола, што на ЕП се случило само уште еднаш од воведувањето на групната фаза (1980).
Во првото коло Англија ја победи Србија (1:0), а Данска и Словенија ремизираа (1:1). Во второто Словенија и Србија, односно Данска и Англија одиграа 1:1. Последното трето коло во оваа група донсе два натпревари (Србија-Данска и Словенија-Англија) без голови.
Претходно, во 2016 година беа постигнати седум гола. Интересно и тогаш во прашање беше Ц групата. На ЕУРо 2016 во Франција во групата играа Германија, Полска, Северна Ирска и Украина.