Фудбалерите на Рома, во 17.коло го одиграа најдобриот меч во Серија од почеткот на сезоната. Предводени од Паоло Дибала, фудбалерите на Рома ја декласираа Парма со 5:0.

Рома одлично влезе во натпреварот и поведе во осмата минута.

Судијата Марко Ди Бело покажа на белата точка по невнимателниот старт на Ботонд Балог, а Пауло Дибала ја презеде одговорноста и погоди од белата точка за 1:0.

Само пет минути подоцна, Римјаните успеаја да го удвојат водството, Анхелињо му асистираше на Алексис Салемејкерс, кој погоди за 2:0.

Парма имаше две убави шанси во вториот дел, но Миле Свилар добро интервенираше на голот на Рома.

До крајот на првото полувреме Стефан Ел Шарави можеше дополнително да го зголеми водството на домашните во 44. минута, но неговиот удар го одбрани голманот.

Добрата игра на Рома продолжи и во вториот дел, а во 51. минута Дибала успеа да постигне уште еден гол за 3:0. .

Во 74. минута беше досуден уште еден пенал за Рома, а одговорноста ја презеде Леандро Паредес. Погоди и тој, а на семафорот стоеше 4:0.

Точка на натпреварот стави Артем Довбик во 83. минута на асистенција на Пауло Дибала.

Рома во моментов е на 11. место во Серија А со 19 бодови, додека Парма го претрпе третиот последователен пораз и е на 16. позиција со 15 бодови.

Рома сезоната ќе ја продолжи со гостување кај Милен, додека Парма ќе и гостува на Монца.

Извор/ ffm.mk

Масар Омерагиќ е нов претседател на Фудбалската федерација на Македонија (ФФМ).

На денешното Вонредно изборно генерално Собрание, Масар Омерагиќ со акламација е избран за прв човек на македонскиот фудбал.

„Трпение, упорност и многу жртвувања! И јас сум еден од вас, човек од фудбалот. Знам како треба и знам во која насока треба да го развиваме фудбалот во Македонија.

Фудбалот е тимска работа и поединец не може сам. Како и на теренот, треба многу трчање, многу работа, многу пот за да се стигне до победата. Таков е фудбалот во кој се паметат само победите и успесите, а таква е и претседателската работа во федерацијата.

Заедно ќе се радуваме на успесите, заедно ќе тагуваме во поразите. Ова е спорт во кој нема денес за утре, ова е спорт кој бара напорна работа и многу добар тим за да се постигне целта“, рече новиот претседател на ФФМ, кој веднаш по завршувањето на Вонредно изборно генерално Собрание на ФФФМ одржа состанок со членовите на Управниот одбор на федерацијата.

На состанокот, на предлог на претседателот на ФФМ, Масар Омерагиќ, членовите на Управниот одбор на ФФМ го избраа Марјан Стојкоски од ОФС Прилеп за потпретседател на Фудбалската федерација на Македонија на местото од досегашниот потпретседател, Лазар Ракиџиев.

На седницата, исто така, беше констатирана оставката од функцијата генерален секретар на Наталиа Илиевска Божиновска.

За в.д. генерален секретар во Фудбалската федерација на Македонија е назначен Дрилог Ганиу, досегашен заменик на првиот оперативец во „Куќа на фудбалот“.

На предлог на новиот претседател на ФФМ, македонската фудбалска легенда, Горан Пандев е назначен за спортски директор на сите македонски репрезентативни селекции.

Арсенал, вчера го победи Кристал Палас (5:1) во Премиер лигата, но остана без Букајо Сака. Тренерот Микел Артета во изјава за британските медиуми, рече дека го загрижува повредата на еден од неговите најдобри фудбалери.

Сака мораше да го напушти теренот во 25. минута откако се пожали на повреда на тетивата. Артета реагираше и го замени.

„Почувствува нешто во задната ложа и не можеше да продолжи да игра. Ќе мора да оди на детални прегледи, но јас сум многу загрижен“, изјави Артета по мечот.

Колку долго Сака може да биде надвор од терените?

„Тешко е да се процени. Ќе мора да направи тестови, но многу е тешко сега да се каже колку е сериозна повредата“, рече Артета.

Сака го напушти стадионот на Кристал Палас со патерици.