Спорт
Ол Ингланд клуб – славна историјa со темни дамки
Последниот ден од секој Вимблдон, по завршување на машкото финале, е резервиран за победникот на турнирот да се појави со пехарот на балконот на Ол Ингланд Клабот и од таму да биде поздравен од бројната публика која е собрана под балконот. На патот од ВИП влезот на Централниот стадион до балконот, победникот треба да изоди долг спирален низ од скали, на чиј крај го пречекува некој од кралското семејство – последниве години тоа се принцот Вилијам и принцезата Кејт Мидлтон. И така е со години, или поточно во последните „три века“, откога се игра Вимблдон, започнувајќи во далечната 1877. година.
Меѓутоа, малку се знае за историјатот на Ол Ингланд Клабот, кој е сопстеник на тревнатите терени и е домаќин на најпознатиот и најстар гренд-слем турнир од четирите кои се оддржуваат секоја година. Ол Ингланд Клабот е основан во 1868. година, и до 2016-та бил под патронат на кралицата Елизабета Втора, која таа улога ѝ ја предала на принцезата од Кембриџ, Кејт Мидлтон. Претседател на клубот е Војводата од Кент, принцот Едвард.
Иако во Лондон постојан многу најразлични клубови, Ол Ингланд Клабот важи за најпрестижен клуб,не само на островот, туку во целиот свет. Затоа, да се стане негов член преку пополнување апликација за членство е многу тешко, и, во шега се коментирадека полесен начин е или да го освоите вимблдонскиот турнир, или да се омажите за некој принц од кралевската фамилија. Тоа значи дека член на овој клуб по автоматизам станува секој победник на Вимблдон или успешна „голд дигерка“, која ќе вплови во брачни води со некој од принцевите.
Другиот, потешкиот начин, значи да имате многу пари, кои, повторно,немора ништо дазначат во реализација на желбата за членство. Пари, без јавен углед и општествен статус, кој високо ве рангира во класно поделенотоанглиско општество, се безвредни париво очите науправата на клубот. Од попознатитакви членови на клубот, се поранешниот гувернер на Бенк оф Ингланд, Мервин Кинг, поранешниот британски тенисер Тим Хенман и поп пеачот Клиф Ричард (тоа што Клиф Ричард бил осомничен за педофилија, не се смета за нарушен јавен углед, поради кој членството би му било прекинато).
Инаку, членството во Клубот е поделено во пет категории: полноправно, доживотно, почесно, привремено и привремено за јуниори. Вкупниот број на членови е ограничен на само 565, од кои 375 членови се од категоријата полноправни и доживотни членови. Правило на клубот е секој иден член да мора да биде предложен и поддржан од четири постојани и полноправни членови, кои се должни да достават препорака.
Сепак, и кога сето тоа успешно ќе се исполни, не значи дека сте постанале член. Во клубот постои листа на чекање од околу 1000 кандидати и таа со години не се намалила. Причината за тоа е што вкупниот број на членови, ограничен на 565, може да се намали само кога некој од членовите ќе почине и со тоа ќе се ослободи место за нов член од листата на чекање. Многу е мала веројатноста постоен член доброволно да го напуштил клубот и на тој начин да се прими нов член.
Од вкупната бројка, седумдесет се почесни членови, кои ги избира клубската комисија, и најголемиот дел од нив се поранешни освојувачи на Вимблдон или други луѓе кои дале свој значаен придонес за овој спорт.Сто и дваесет се привремени членови, кои, исто така, ги избира клупската комисија, а нивното членство се обновува секоја година.
Полноправните и доживотните членови го уживаат она што во клубот се нарекува „потполна привилегија“, како што се сопствено седиште на Централниот стадион и пристап до влезници, како и користење на клубските соджини, вклучително и право да се игра на најдобрите тревнати терени на светот, како и да се користи луксузната теретана, соблекувална и бањата изработена од скапоцен мермер. Останатите погодности вклучуваат и дружење со познати личности на клубот, како, на пример, со британската тениска звезда Енди Мареј, кој често навраќа во клубот на шолја чај или ручек.
Годишната членарина е само 500-тина фунти, што покажува дека финансиите не се проблем за клубот, колку престижот кој го има со тоа што важи за најекслузивен клуб во светот.
Сепак, славната традиција на Ол Ингланд Клабот има и црни дамки во својата историја. До 1951. на неговите терени не било дозволено да играат црни тенисери, а до 1952. година било забрането Евреин да постане член. Иако, денес формално такви пречки за членство во клубот нема, сепак,некои контроверзи раѓаат сомнеж дека клубот,можеби,сè уште не е имун на старите предрасуди.
Во разговорот кој го објавил во 2004. година Њујорк Пост со вимблдонската шампионката во двојки од 1956. година, Ангела Бакстон, која била со еврејско потекло, таа изјавила дека како победник на турнирот аплицирала за членство во 1957. година и цели 50 години била ставена на листа за чекање.
„Мислам дека антисемитизмот сè уште е присутен во Клубот“ –изјавила Бакстон во спомнатото интервју.
Ангела Бакстон починала во 2020. годинаи до крајот на живото не била удостоена да добие одговор на нејзиното барање да постане член на Ол Ингланд Клабот, на што, безсомнение, имала право како победничка на тенискиот турнир во Вимблдон.
Ненад Живановски
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Мото ГП ќе се вози низ улиците на Аделаида
Трката за Големата награда на Австралија во шампионатот Мото ГП од 2027 година ќе се вози низ улиците на Аделаида, објавија организаторите на натпреварувањето.
Во соопштението се наведува дека договорот е потпишан до 2032 година, а Аделаида ќе ја замени легендарната патека „Филип Ајленд“ во Мелбурн.
Организаторите на Големата награда на Австралија објавија дека трката ќе се одржи во центарот на Аделаида со „бескомпромисни безбедносни стандарди потребни во модерната ера на овој спорт“.
Првата Голема награда на Австралија во Аделаида ќе се одржи во ноември 2027 година.
Патеката ќе биде долга приближно 4.195 километри и ќе има 18 кривини низ градските улици, што им овозможува на возачите да достигнат брзина поголема од 340 километри на час.
Организаторите изјавија дека дизајнот на патеката го следи распоредот на познатата патека во Аделаида, која беше домаќин на трки од Формула 1 од 1985 до 1995 година, со значителни прилагодувања потребни за да се обезбеди безбедноста на возачите.
Големата награда на Австралија оваа година ќе се одржи на 25 октомври во Мелбурн.
Новата сезона во шампионатот Мото ГП започнува на 1 март со Големата награда на Тајланд. Титулата ќе ја брани Марк Маркез.
Foto/ depositphotos
Спорт
(Видео) Алегри му се налути на Фабрегас: Ти си идиот, лигавец што вчера стана тренер
Натпреварот помеѓу Милан и Комо (1:1), во Серија А го обележа неспортскиот потег на гостинскиот тренер, Сеск Фабрегас.
Во 80-та минута, Шпанецот, од тренерската позиција, од својот ограничен простор, го повлече за дрес играчот на „росонерите“, Алексис Салемакерс, и со тоа го забави во ситуација кога веќе беше удвоен и ја загуби топката.
Оваа ситуација предизвика бурни реакции од клупата на Милан.
🤡 | Cesc Fabregas (Como coach) pulls Saelemaekers' shirt.
The Final Outcome: Not even a booking for Fabregas, but a red card for Max Allegri. 🤯
How can we compete in a league this badly officiated?
#️⃣ | #MilanComo 1-1pic.twitter.com/4x5qx0P2Uk
— Milan Xtra (@MilanXtra) February 18, 2026
Тренерот на домашниот тим, Масимилијано Алегри, беше најгласен, веднаш протестираше кај судијата и го повика да го санкционира Фабрегас, но се случи спротивното – Алегри беше исклучен поради бурните протести, но и поради фактот што тргна кон својот помлад колега.
Фабрегас заработи само жолт картон.
Судијата Маурицио Маријани, очигледно, не го виде неспортскиот потег на Шпанецот, кој, за она што го направи се извини на прес-конференцијата.
„Сакам повторно да се извинам. Алегри ме нападна жестоко и тоа беше несоодветно, но и јас би бил лут во таа ситуација. Му се извинувам на господинот Алегри. Веќе му се извинив на Модриќ“.
Massimiliano Allegri's thoughts on tonight's draw 💭 pic.twitter.com/sTg6a5iP2c
— AC Milan (@acmilan) February 19, 2026
Неговата изјава, сепак, не ги смири страстите.
Штом излезе од прес-салата, Алегри повторно вербално го нападна. Италијанските новинари сведочат дека тренерот на Милан му се развикал на Фабрегас: „Ти си идиот, ти си идиот, лигавец што вчера стана тренер!“, пишува „Тутомеркато“.
Патем, Алегри има 58 години, а Фабрегас има 38 години.
Спорт
Чилаверт: Винисиус нека не биде пед.р, а Мбапе нека молчи, живее со трансвестит
Легендарниот парагвајски голман, Хозе Луис Чилаверт, повторно го нападна Винисиус Жуниор, овој пат бранејќи го Џанлука Престијани, играчот на Бенфика кого Бразилецот го обвини за расизам.
Чилаверт изнесе низа контроверзни ставови во радио гостување, тврдејќи дека фудбалот „се испеде.ил“ и дека Винисиус бил првиот што го започнал инцидентот на стадионот на Бенфика, во вторникот навечер, пишува „Марка“.
Инцидентот, да потсетиме, се случи за време на натпреварот од Лигата на шампионите помеѓу Реал Мадрид и Бенфика, во кој Реал победи со 1:0, по што Винисиус го обвини Престијани дека го нарекол „мајмун“.
Чилаверт, кој и претходно имаше критички зборуваше за Винисиус, застана во одбрана аргентинскиот фудбалер и фудбалскиот клуб Бенфика.
„Се солидаризирам со Престијани затоа што Винисиус е првиот што ги навреди сите. Ако го погледнете видеото, тој беше првиот што го нарече „сер.ко“. Првата навреда дојде од играч со темна кожа“, рече 60-годишниот Чилаверт, кој му порача на Бразилецот во 2024 година: „Не биди пе.ер, фудбалот е за мажи“.
Парагваецот ја повика Бенфика да го заштити својот играч и да се спротивстави на каква било санкција од УЕФА за Престијани. Според него, казнувањето на Аргентинецот би поставило преседан.
„Ако го казнат, тоа ќе им даде право на геј, лезбејските и сличните заедници да се постават како пример. Не, фудбалот е правоаголник во кој играат мажи и каде што порано разговаравме едни со други пред сè. Откако инсталираа микрофони и камери, стана сè поинакво“, рече Чилаверт.
Поранешниот голман го обвини Винисиус за дискриминација кон белците, потсетувајќи се на натпреварот помеѓу Бразил и Шпанија.
„Светот во кој живееме има кратка меморија. Винисиус тогаш плачеше пред камерите и рече дека сака фудбал во кој црнците можат да живеат подобро. Па, тој самиот дискриминира. „Дали сака ние белците да живееме лошо?“, праша Чилаверт, додавајќи дека сите расистички инциденти во фудбалот „се случуваат во Европа“.
Во изјава за Радио Ривадавија, Чилаверт го нападна и Килијан Мбапе, кој го бранеше својот соиграч Винисиус на теренот и тврдеше дека Престијани пет пати го нарекол Бразилецот „мајмун“.
„Што има да каже? Мбапе зборува за вредности и сè тоа, а живее со трансвестит. Тоа не е нормално. Секој може да прави што сака со својот живот, но не е нормално маж да живее со трансвестит. Најдоброто нешто што мажот може да го има покрај себе е жена“, заклучи Чилаверт, алудирајќи на наводната врска на францускиот напаѓач со трансродовата манекенка Инес Рау од 2022 година.
Сиљановска – Давкова: Имаме најмало и најстаро владино авионче во регионот, секогаш имам дилема дали да летам со него
Претседателката, Гордана Сиљановска – Давкова, призна дека секогаш има дилема кога треба да се вози со владиниот авион затоа што...
Семејството на Мицкоски никогаш не го користело владиниот авион, ама затоа Заев бил со семејството на одмор во Амстердам, велат од ВМРО-ДПМНЕ
Семејството на премиерот Христијан Мицкоски никогаш не го користело владиниот авион. Но, очигледно е дека работи фројдовскиот елемент кај СДС,...
Кривични против претседатели и вработени во Здружението на инвалиди на трудот – Штип, си присвоиле над 300.000 денари
Полицијата поднесе кривични пријави против поранешни претседатели и вработени во Здружението на инвалиди на трудот – Штип за сторени продолжени...
Сопствениците на кучиња да го почитуваат законот и да ги микрочипираат милениците, апелира АХВ
Агенцијата за храна и ветеринарство (АХВ) апелира до сопствениците на домашни миленици – кучиња за исполнување на законската обврска за...
Николоски: Воведовме 23 нови линии во авиосообраќајот, имаме рекордна бројка на патници, а годинава очекувам да порасне над 4 милиони патници
Од изборот на Владата до денес имаме нови 23 директни летови, охридскиот и скопскиот аеродром поминаа 3,5 милиони патници, оваа...
(Видео) Зеленски: Десетици илјади Украинци загинаа за Донбас, не се работи за земјата, туку за луѓето
Претседателот Володимир Зеленски вчера повтори дека Украина нема да отстапи територија на Русија, ниту да се повлече од областите што...
(Видео) Дете висеше од ски-лифт на Јахорина па падна, скијачите се обидоа да го фатат
Вчера, дете падна од жичницата на планината Јахорина во Босна и Херцеговина откако некое време висеше држејќи се за седиштето....
Утре прв состанок на Одборот за мир на Трамп
Американскиот претседател Доналд Трамп утре ќе претседава со првиот состанок на Одборот за мир, во сенка на нерешени прашања за...
Една третина од американската морнарица е во близина на Иран: објавено кога би можел да започне нападот
Американската војска е подготвена да го нападне Иран уште овој викенд, иако претседателот Доналд Трамп сè уште не донел конечна...
Сообраќајот на патниот правец Скопје – Велес е нормализиран во двете ленти
Сообраќајот на патниот правец А1 Скопје – Велес е нормализиран во две коловозни ленти, извести АМСМ. Интензитетот на сообраќај на...
(Видео) Една од најсмртоносните лавини во историјата на САД: oсум скијачи загинаа, еден е исчезнат
Осум скијачи загинаа, а еден е исчезнат во лавина во планините Сиера Невада во Калифорнија, соопштија властите во среда, во...
Законот за високо образование нема да биде повлечен, јавнaта расправа продолжува
Министерката за образование и наука Весна Јаневска на пленарна седница изјави дека нема да го повлече нацрт-законот за високо образование....
Гоце Наумовски стана нов уставен судија
Собранието со 63 гласа „за“, седум „против“ и без воздржани го избра професорот Гоце Наумовски за нов уставен судија, по...
Владата нема да купува нов авион: ќе се повлечеме од набавката и ќе се молиме да останеме живи, вели Мицкоски
Владата се откажа од набавка на нов авион на што се одлучи оти стариот е дотрајан и претставува голем трошок...
(Видео) За Мицкоски контролата на цените не е популизам, туку заштита на граѓаните, најави праведност и кон оние што се обидуваат да профитираат од кризите и кон оние што избегнуваат обврски
Денешната конференција за формализирање на неформалната економија не е само експертска расправа. Таа е разговор за праведност во општеството. За...
(Фото) Изгореа викендица и куќа, се запали оџак: три интервенции на струмичките пожарникари
Струмичките пожарникари денеска уште во раните утрински часови имаа три интервенции. Во 06.55 часот, во излетничката населба Суви Лаки, запалена...
„Парите за боледувања доцнат – дали Клековски манипулира дека се редовни или фондот е празен“, прашува Левица
„Изминатиот период сѐ повеќе граѓани нѐ информираат дека одреден период Фондот за здравствено осигурување не врши навремена исплата на средства...
(Фото) На повеќе локации низ Скопје паднаа дрвја, Ѓорѓиевски: Екипите се на терен, реагираме навремено
Поради засилениот ветер и неповолните временски услови, на повеќе локации низ градот беа регистрирани паднати и оштетени дрвја. Градоначалникот Орце...
(Фото) Силниот ветер откорна покрив во училиште во Гевгелија
Преку Единствениот број за итни повици 112 е примена пријава дека поради силен ветер летнала лимената конструкција од покривот на...
Сè помалубројни, постари и понеисправни автобуси во кои се возат сè помалку патници, покажува истражувањето на Центарот за граѓански комуникации
Центарот за граѓански комуникации ги објави истражувањето и базата на податоци за капацитетите на Јавното сообраќајно претпријатие Скопје. Нивното истражување...
