Спорт
Олимпијадата заврши, Американците за едно злато подобри од Кинезите

Олимписките игри во Токио повторно покажаа дека спортските велесили постојано работат на подобрувањето на својот успех, а дека Американците, засега, остануваат недопирливи.
САД ја завршува Олимпијадата со 113 освоени медали, од кои 39 златни, за да бидат први на табелата на освоени медали пред лутите ривали Кина со 88 медали, од кои 38 златни. Утеха за Кинезите е тоа што освоија само едно злато помалку од Американците.
Јапонија, како домаќин, имаше фантастична Олимпијада со 27 златни медали (вкупо 58), а и Британците можат да се задоволни со 65 вкупни медали, од кои 22 злата. Мало изненадување се Русите, овојпат под името Руски олимписки комитет (РОЦ), кои можат да се пофалат со 70 медали, од кои 20 златни.
КОНЕЧНА ТАБЕЛА НА МЕДАЛИ
1.САД 39-41-33 113
2.Кина 38-32-18 88
3.Јапонија 27-14-17 58
4.Велика Британија 22-21-22 65
5.Русија 20-27-23 70
6.Австралија 17-7-22 46
7.Холандија 10-12-14 36
8.Германија 10-11-16 37
9.Италија 10-10-20 40
10.Франција 9-12-11 32
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Погачар: Не се гледам себеси во професионалниот велосипедизам уште долго

Словенечкиот велосипедски ас Тадеј Погачар по четвртиот триумф на Тур Д’ Франс предизвика вистински шок во јавноста со своите изјави за „Лекип“. Иако има само 25 години, тој веќе сериозно размислува да се збогува со спортот.
„Нема да се пензионирам веднаш, но не се гледам себеси во професионалниот велосипедизам уште долго. Олимписките игри во Лос Анџелес во 2028 година се мојата голема цел, а по нив сериозно ќе размислувам за пензионирање“, откри Погачар.
Тој се осврна и на историски момент за Словенија – почетокот на Тур Д’ Франс доаѓа во нивната земја во 2029 година. Сепак, Погачар јасно стави до знаење дека тогаш, речиси сигурно, повеќе нема да се натпреварува:
„За мене е неверојатно што Турот ќе започне во Словенија во 2029 година. Ќе бидам таму, тоа е сигурно, дури и да не се натпреварувам“, објасни тој.
Спорт
Џака се врати во Премиер лигата

Швајцарскиот фудбалер Гранит Џака се враќа во Премиер лигата, поточно во Сандерленд.
Ова го објави речиси непогрешливиот фубалски инсајдер Фабрицио Романо.
Романо изјави дека Сандерленд, клубот кој се врати во Премиер лигата минатата сезона, постигнал договор со Леверкузен за трансфер вреден 20 милиони евра.
Џака ќе потпише договор до летото 2027 година.
32-годишниот играч од средниот ред на тој начин ќе се врати во Премиер лигата, каде што претходно играше за Арсенал од 2016 до 2023 година.
Спорт
Капитенот на Рома го напушта клубот

Лоренцо Пелегрини, капитенот на Рома би можел да го напушти кубот до крајот на преодниот рок.
„Калчомеркато“, тврди дека капитенот на „волчицата“ добил зелено светло од тренерот Џанпјеро Гасперини за трансферот.
Милан, Интер и Наполи се заинтересирани за услугите на 29-годишниот фудбалер. Според обложувалниците најголем фаворит за потписот на Пелегрини е Милан.
Пелегрини е дете на Рома. Тој е во клубот од почетокот на својата кариера.
Досега, на 316 натпревари за првиот тим на Рома, постигна 55 голови и забележа 59 асистенции.
Фото/ Принскрин