Антонио Ридигер, ја одбил понудата на Челси да го продолжи договорот. Актуелниот договор на Ридигер истекува по завршувањето на сезоната. Доколку не потпише нов, тој ќе може без обесштетување да го напушто „Стенфорд Бриџ“.

Ридигер, кај Томас Тухел, стана незаменлив во првата постава. Според многумина тој е еден од тројцата најдобри дефанзивци во Европа.

Поради тоа, Челси се обидуваат да ја продолжат соработката со него. Како сега стојат работите, Ридигер, нема да остане во Лондон.

Англиските медиуми тврдат дека ситуацијата внимателно ја следат Реал Мадрид и Баерн Минхен. Доколку се реши за еден од овие два клуба, Ридигер ќе добие и дополнителен бонус за потписот.

Тренерот на Рома, Жозе Мурињо, по поразот од Лацио (3:2), лут ја напуштил прес конференцијата. Португалецот, по завршувањето на натпреварот, ги обвини судиите и ВАР за поразот на Рома.

Мурињо, потоа се упатил кон прес салата, кога го известиле дека поради епидемиолошките протоколи, тој може да разговара само со „Скај Спорт“, додека останатите новинари, прес конференцијата ќе ја следат на екраните, во друга просторија.

Мурињо одговорил дека тој протокол важи за тренерот на Лацио, не и за него. Тој инсистирал сите новинари да бидат присутни на прес конференцијата.

„Сакам да разговарам со новинарите, а вие не ми го дозволувате тоа. Морате да ја почитувате нивната работа, имаат право да поставуваат прашања“, рекол Мурињо.

Откако неговото барање било одбиено, Португалецот решил да си замине.

„Жалам, ова е начинот…“, рекол Мурињо, а потоа ја лупнал вратата и заминал.

Јувентус скапо ја плати победата над Сампдорија (3:2), во Серија А. Неколку играчи се повредија и нивниот настап против Челси, во Лигата на шампионите е под знак прашалник.

Најголем удар за Јувентус претставува повредата на Паоло Дибала. Аргентинецот, постигна прекрасен гол, а неколку минути подоцна, со солзи во очите го напушти теренот.

Покрај Дибала, дуелот со Челси ќе го пропушти и поранешниот играч на овој клуб, Алваро Мората.

Dybala left the pitch in tears following an injury minutes after giving Juve the lead 😢

(via @btsportfootball)pic.twitter.com/HKXG20cCWG

— B/R Football (@brfootball) September 26, 2021