Спорт
Олимпискиот тим на „Панцирите“ не го доигра мечот со Хондурас поради расизам

Олимписката фудбалска репрезентација на Германија играше пријателски меч против Хондурас, но истиот не го заврши.
„Панцирите“ се повлекоа од теренот на 5 минути пред крајот поради расистички навреди упатени на сметка на играчот на Херта Берлин – Џордан Торунарига (23).
Мечот се играше двапати по 30 минути, а резултатот до моментот на прекинот беше 1:1. Навредите се случиле непосредно по израмнувачкиот гол на Германците.
Торунарига е роден во Кемниц и е фудбалер на Херта од својата деветта година, а деби настапот за првиот тим го имаше на 19 години.
Стигна и официјално соопштение од Германскиот фудбалски сојуз:
„Мечот е завршен 5 минути порано, со резултат 1:1. Фудбалерите на Германија го напуштија теренот затоа што Џордан Торунарига е навредуван на расна основа“ стои во пораката на официјалниот Твитер профил на ФС на Германија.
На сајтот, пак, на Фудбалскиот сојуз на Хондурас пишува дека инцидентот всушност е „недоразбирање“.
По мечот се огласи и германскиот олимписки селектор, Штефан Кунц.
„Ако ни ги навредуваат играчите на расна основа, играњето натпревари не е опција“ вели Кунц.
Интересно е што натреварот се одигра пред празни трибини, па останува нејасна од кого дошле расистичките навреди.
Гермаија на стартот на Олимпискиот фудбалски турнир игра со Бразил, на 22 јули.
It's kick-off for our @Olympics team in their friendly against Honduras ????
The boys will play 3 x 30 minutes as a final practice before taking to the big stage. Good luck, lads! ?#WirfuerD #Tokyo2020 pic.twitter.com/rCnfMfVLCn
— Germany (@DFB_Team_EN) July 17, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Барселона не може да регистрира пет играчи

Барселона сè уште има проблеми со финансискиот фер-плеј, што дополнително ја комплицира ситуацијата.
Каталонците ставија неколку играчи на трансфер листата, но додека чекаат нивна продажба, се соочуваат со истата ситуација како и минатата сезона.
Станува збор за регистрација на играчи за новата сезона. Како што пишува „Мундо Депортиво“, засега Барселона не може да смета на Рашфорд, Жоан Гарсија, Жерар Мартин и Руни Барги.
Дури ни на Војчех Шчесни, кој неодамна потпиша нов договор, а мора повторно да биде регистриран, бидејќи официјално беше слободен агент од први јули.
Ќе видиме како ќе ја решат ситуацијата во Барселона, но сигурно е дека Ханси Флик не спие многу мирно две недели пред почетокот на првенството.
Фото/ Принтскрин
Спорт
Ако Шкендија го мине Карабаг во плеј-офот за ЛШ ќе игра против Лудогорец или Ференцварош

Македонскиот шампион Шкендија знае против кого ќе игра во плеј-офот за пласман во Лигата на шампионите, доколку во третото коло го елиминира Карабаг.
Лудогорец или Ференцварош ќе и биде противник на Шкендија, под услов клубот од тетово да го мина Карабаг.
Плеј-офот ќе се игра на 19/20, односно 26/27 август.
Плеј-оф двојки за пласман во Лигата нашампиони:
Лудогорец/Ференцварош – Шкендија/Карабах
Лех Познањ/Црвена Звезда – Динамо Киев/Пафос
Бодо/Глимт – Штурм Грац
Селтик – Каират/Слован Братислава
Базел – Малме/Копенхаген
Фото/ Принтскрин
Спорт
Кан: Бундеслигата е здодевна

Еден од најдобрите германски голмани на сите времиња, Оливер Кан (56), изјави дека Бундеслигата станала предвидлива и здодевна, истакнувајќи дека Баерн бил национален шампион 12 пати во последните 13 сезони, објавија германските медиуми. Кан беше претседател на одборот на Баерн од 2021 до 2023 година.
„За време на мојата фудбалска кариера, Бундеслигата беше понеизвесна, имаше повеќе тимови кои се натпреваруваа за титулата. Како може клуб со буџет од 40 милиони евра да се натпреварува против тим со годишен буџет од 300 милиони евра. Пет резервни играчи на Баерн вредат повеќе од тимовите од долната третина од Бундеслигата. Имаме ситуација каде што Баерн бил национален шампион 12 пати во последните 13 сезони. Лигата стана предвидлива и здодевна, а на долг рок тоа не е добро“, рече Кан.
Тој играше за баварскиот клуб 14 години, а се пензионираше во 2008 година. Имаше 86 настапи за германската репрезентација и беше најзаслужен за тоа што „Елф“ стигнаа до финалето на Светското првенство во 2002 година (во финалето беа поразени со 0-2 од Бразил).
Кан истакнува дека Бундеслигата сè уште ужива голема популарност во Германија, но проблемот го гледа во фактот дека не е доволно привлечна на меѓународно ниво.
„Мораме да ја гледаме Бундеслигата од два агли. Дома, таа е солидна институција, привлечна е за нашите навивачи, а натпреварите имаат голема посетеност. Сепак, секогаш кога разговарам со некого во странство, луѓето таму не гледаат никаква значајна разлика помеѓу Бундеслигата, италијанската Серија А или француската Лига 1“, рече тој и додаде:
„Но, затоа тие ќе знаат сè за англиската Премиер лига или шпанската Ла Лига, добро ги познаваат сите клубови и најголемите ѕвезди во тие лиги. Затоа, ми е сосема разбирливо што еден од нашите најдобри фудбалери, Флоријан Вирц, замина во Ливерпул, во најатрактивната лига во светот.“
Фото/ Принскрин