Спорт
Оливер Кан демантира дека им се смеел на Барселона

Легендарниот поранешен голман, а сега генерален директор на Баерн Минхен, Оливер Кан демантира дека се потсмевал со Барселона откако неговата реакција на ждрепката за Лигата на шампиони предизвика бурни реакции во Каталонија.
Каталонскиот весник „Спорт“ го обвини Кан дека се потсмевал на тимот на Чави Ернандез, велејќи дека се работи за „необична реакција за време на ждрепката, во која вообичаено се респектира противникот“. Кан одговори во изјава за германскиот „Билд“.
„Таа интерпретација доаѓа од никаде. Роберт Левандовски замина за Барселона пред неколку недели, а сега ждрепката повторно не зближува во Лигата на шампиони. Се насмеав бидејќи тоа е реткост во фудбалот. Имам огромна почит кон Роберт и кон Барселона, и овие мечеви ќе претставуваат прослава за фановите на двата клуба и на сите кои го сакаат фудбалот“, вели Кан.
Look at Bayern‘s CEO Oliver Kahn when he found out Bayern are facing Barca ???????????????? Barca are not rated pic.twitter.com/aWbTcI2uIA
— Deniz (@MusialaEra) August 25, 2022
Реакцијата на Оливер Кан кога на Баерн пак им се падна Барса е легендарна
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Шчесни и Рафиња херои на Барселона во Лисабон

Барселона стекна минимална предност над Бенфика, по победата од 1:0, во првиот осминафинален натпревар во Лисабон. Голманот Шчесни и стрелецот Рафиња се најзаслуѓи за победата на Барселона, која на стадионот „Ла Луж“ од 22.минута играше со фудбалер помалку.
Бенфика доминираше, но не доби ништо од надмоќта на теренот. Португалците 26.пати шутираа кон голот на Шчесни, Полскиот ветеран ги збудале со осум успешни интервенции.
Барса од 22. минута играше со играч помалку, бидејќи Кубарси доби директен црвен картон.
Со 18 години и 42 дена, Кубарси стана еден од најмладите играчи во историјата на Лигата на шампионите кој доби црвен картон.
Тој потег го смени текот на натпреварот, бидејќи гостите до тој момент создаваа шанси, а потоа Бенфика ја презеде иницијатива.
Домашните, сепак, не можеа да постигнат гол за што беа казнети во 61. минута.
Рафиња го пресече лошот додавање на Силва, ја повлече топката неколку метри, а потоа со извонреден удар го матираше Трубин.
Спорт
(Видео) ПСЖ го надигра Ливерпул и загуби, Баерн убедлив против Баер

Ливерпул стекна предност по првиот осминафинален натпревар. Во Париз, Ливерпул го победи ПСЖ со 1:0.
ПСЖ целосно го надигра Ливерпул, особено во првото полувреме, но немаше решение за брилијантниот Алисон Бекер на голот на „црвените“. Бразилецот одбрани буквално се, а кога единствената топка што заврши зад неговиот грб, по ударот на Кварацхелија, имаше среќа, ВАР го поништи голот поради милиметарски офсајд.
Алисон имаше 10 интервенции, на спротивната страна Днамурма ниту една. Односот на ударите доволно кажува како се играше на „Паркот на принцовите“, играчите на ПСЖ шутираа 27 пати, играчите на Ливерпул само два.
ПСЖ го шокираше Харви Елиот во 87.минута. Елиот на теренот влезе на местото на Салах, а нецела минута подцна по првиот допир со топката го постигна голот за победа.
Во германската пресметка, Баерн го победи Баер Леверкузен со 3:0. По шест мечеви на кои немаше триумф, Баерн кончено ги победи „фармацевтите“.
Хари Кејн го отвори резултатот во деветтата минута. Џамал Мусијала во 52. зголеми на 2:0. Десет минути подоцна Баер остана со играч помалку, Мукиеле доби дректен црвен картон. Точка на мечот од пенал стави Кејн во 68.минута.
Спорт
Нереален награден фонд на клупскиот Мундијал: ФИФА нема да земе ниту еден долар

Светската фудбалска федерација (ФИФА) објави дека наградниот фонд за Светското клупско првенство што летово ќе се одржи во САД ќе изнесува дури една милијарда долари.
„Светското клупско првенство на ФИФА не само што ќе биде врв на клупскиот фудбал, туку и енергична демонстрација на солидарност што ќе им користи на клубовите во размери што ниту едно друго натпреварување не го направило“, рече претседателот на ФИФА, Џани Инфантино.
Светското клупско првенство, прво во нов формат, со 32 клуба, ќе се одржи во САД од 14 јуни до 13 јули.
„Сите приходи генерирани од турнирот ќе бидат распределени на клубовите учесници и преку клупска солидарност низ целиот свет, бидејќи ФИФА нема да задржи ниту еден долар. Резервите на ФИФА, кои се таму за глобалниот развој на фудбалот, ќе останат недопрени“, додаде Инфантино.
Групите за првиот клупски Мунсијал:
Група А: Палмеирас, Порто, Ал Ахли, Интер Мајами
Група Б: Пари Сен Жермен, Атлетико Мадрид, Ботафого, Сиетл
Група Ц: Баерн Минхен, Окленд Сити, Бока Јуниорс, Бенфика
Група Д: Фламенго, Есперанс Тунис, Челзи, Леон
Група Е: Ривер Плата, Урава, Монтереј, Интер
Група Ф: Флуминенсе, Борусија Дортмунд, Улсан, Мамелоди Санданс
Група Г: Манчестер Сити, Вајдад Казабланка, Ал Аин, Јувентус
Група Х: Реал Мадрид, Ал Хилал, Пачука, Салцбург
Пласман во осминафиналето ќе обезбедат двете првопласирани. ФИФА претходно објави дека Светското клупско првенство ќе се игра на секои четири години.