Откако по вчерашниот пораз од Лидс шансите на Тотенхем за пласман во Лигата на шампионите се во доменот на теоријата, Хери Кејн е подготвен да побара од претседателот Даниел Леви во текот на летото да размислат за понудите за трансфер, тврди британскиот „Сан“.

Напаѓачот подолго време размислува за својата иднина, јавно велејќи дека сака да се бори за големите титули, а се веруваше дека пласман во ЛШ ќе биде доволен да го убеди да остане уште една сезона со Тотенхем. Но, сега, на Спарси им е потребно да победат во последните три меча од сезоната, но и порази на директните конкуренти.

Според „Сан“, 27-годишниот Кејн е свесен дека нема да му дозволат да си замине доколку формално не побара трансфер, и иако тој не е подготвен да го направи тоа, сака Леви да биде „отворен“ за високи понуди.

За Кејн сигурно ќе има заинтересирани ова лето, посебно Манчестер јунајтед и Челси во Премиер лигата, но и Реал Мадрид надвор од Англија.

Тренерот на Лацио, Симоне Инзаги открива дека Сергеј Милинковиќ-Савиќ играл со скршен нос при 2:0 поразот од Фиорентина, со кој шансите за пласман во Лигата на шампионите најверојатно останува само сон.

Лацио имаа седум победи во последните осум меча, но се соочија против тим кој се бори за опстанок.

„Милинковиќ сакаше да остане на теренот по секоја цена, но сигурен сум дека го скрши носот при судирот со глави со Пулгар пред полувремето. Фиорентина секогаш се многу физички силен тим и ни беше потребен таков играч. Имаме уште четири меча и ќе се обидеме да победиме на сите, а во фудбалот се случуваат и почуди работи“, вели Инзаги.

topsport.mk/fudbal/vlahovikj-gi-isfrli-lacio-od-borbata-za-lsh/

НБА саботата беше одбележана со некои тесни дуели во борба за плејофот и некои фантастични индивидуални остварувања.

Денвер нагетс во интригантната битка со Бруклин нетс, загубија со 125:119 и покрај тоа што Денвер на домашен терен имаа 21 поени предност. Српскиот ас Никола Јокиќ имаше 29 поени, 7 скока и 6 асистентенции, Мајкл Портер уфрли 28, а Факундо Кампацо 19, но од другата страна Кевин Дурент одговори со 33 поени, 11 скока и 7 асистенции, а Кајри Ирвинг имаше 31 поен.

Јокиќ, пак, ги загуби нервите во финишот на мечот, кога по едно потфрлување при 112:119 предност на Бруклин, дојде до топката, но шутираше непрецизно. Тој сметаше дека треба да добие фаул, по што доби и техничка грешка.

Во Сан Франциско пак, Стеф Кари повторно покажа зошт ое еден од најдобрите, постигнувајќи 49 поени за 29 минути при 136:97 победата над Оклахома Сити тандер. Кари, кој има неверојатен просек од 31.9 поени по натпревар, доби мотивација пред мечот, кога Бредли Бил од Вашингтон уфрли 50 поени при 133:132 победата во продолженија над Индијана пејсерс.

„Секако дека следев што прави Бил. Кога некој ќе постигне 50 поени, ќе слушнеш за него“, вели Кари.

Тој имаше 14-од-26 од поле, вклучувајќи 11-од-21 за тројки, за седми пат оваа сезона да има барем 10 тројки.

НБА РЕЗУЛТАТИ

Индијана – Вашингтон 132:133

Филаделфија – Детроит 118:104

Торонто – Мемфис 99:109

Портланд – Сан Антонио 124:102

Јута – Хјустон 124:116

Денвер – Бруклин 119:125

Голден Стејт – Оклахома 136:97