Кристијано Роналдо првпат од 2010 година не заврши меѓу првите тројца во изборот за „Златната топка“ на „Франс фудбал“. Наградата седми пат во кариерата ја освои Лионел Меси, а Роналдо во изборот заврши на шестото место.

Ден пред доделувањето на наградите Роналдо се огласи да го демантира уредникот на „Франс фудбал“, Паскал Фере, кој откри дека најголемата амбиција на Португалецот е да има повеќе „Златни топки“ од Меси.

Денес, некој ја ископа изјавата на Роналдо од 2019 година, во која тој открива дека мора да има повеќе „Златни топки“ од Аргентинецот. Роналдо ова го изјавил во интервју што го направи новинарот Пирс Морган.

„Кој рекорд најмногу би сакал да го имам? Би сакал да имам најмногу ‘Златни топки’ во историјата на фудбалот. Тоа го сакам, мислам дека и го заслужувам. Меси е одличен човек и фудбалер, но мислам дека морам да има шест, седум или осум ‘Златни топки’“, изјавил Роналдо и дополнил.

„Ние не сме пријатели, но оваа сцена ја делиме 15 години. Имам добар однос со него, знам дека тој нѐ турка да бидам подобар играч. Тој е најдобриот фубалер против кого сум играл“.

Ronaldo told Piers Morgan he wanted more Ballon d’Or than Messi. So, anybody will believe that he also said the same thing to Pascal Ferré. pic.twitter.com/Q7sCHkO95F

— BeksFCB (@Joshua_Ubeku) November 29, 2021

Роналдо: Шефот на „Франс фудбал“ е лажго!

Леванте по 15.кола се единствени без победа во Примера. Со седум бода, клубот чии дрес го носи Енис Барди се наоѓа на последното место на табелата.

Секогаш кога на екипата не и оди цехот го плаќа тренерот. Пред два месеци Леванте го отпуштија Пако Лопез, а денес отказ доби и човекот кој го наследи на функцијата Хави Переира.

Переира забележаа полоши резултати од Лопез. Освои само три бода во седум натпревари.

Изборот на Переира беше изненадување за шпанската јавност, бидејќи тој во кариерата најчесто работел како помошник. Прв тренер бил само во Алавес 2009-2010 и во Хенан од каде што се пресели во Леванте.

Покрај тренерот Переира, претседателот на Леванте, Кико Каталан, ги отпушти и директорите Маноло Славадор, Давид Наваро и Ману Фахардо. Нивната вина е што му го препорачале Переира за тренер.

Каталан изјавил дека Леванте има доволно време да за сврти сезоната. До крајот на неделата тој ќе објави кој ќе го води тимот до крајот на сезоната.

Првиот човек на ПСЖ, Насер Ал-Келаифи, не се откажува од Килијан Мбапе, најавува нова рунда преговори со напаѓачот и тврди дека клубот не го контактирал Зинедин Зидан.

Вчера, Лионел Меси, ја доби седмата Златна топка, прва како фудбалер на ПСЖ. Никогаш досега „светците“ немале фудбалер кој официјално е прогласен за најдобра во светот.

„Се надевам дека Златната топка ќе ја освојат други наши играчи. Почнувајќи од Килијан Мбапе, кој многу ја посакува“, рекол Ал-Келаифи по завршувањето на свечената церемонија.

Оваа негова изјава го наметна прашањето дали тоа значи дека клубот ќе ги продолжи преговорите со 22-годишниот напаѓач. Доколку не го продолжи договорот, наредното лето, Мбапе ќе биде слободен играч.

„Се надеваме. Килијан е одличен играч, голем човек, точно знае што треба да направи“.

Минатото лето Мбапе сакаше да се пресели во Реал, но ПСЖ ја одби понудата од 180.000.000 евра. За еден месец, поточно од 1.јануари 2022 година, младиот голгетер ќе може да преговара со заинтересираните клубови.

За еден месец ќе биде решена дилемата дали го сменил мислењето или ќе се пресели во Мадрид или пак можеби ќе се појави некоја трета опција.

Ал-Келаифи проговорил и за медиумските шпекулации дека Зидан ќе го наследи Покетино на тренерската позиција.

„Покетино е тренер на ПСЖ. Тој е среќен со нас, ние сме задоволно од неговата работа. Потребно е време. И јас ги читам шпекулациите, но тие приказни не се точни. Не сме имале контакт со Зидан. Тој е добра тренер, но ние веќе имаме добар тренер“.