Спорт
(Видео) Орландо ја повлече од употреба 32 на Шекил О’Нил
![](https://makfax.com.mk/wp-content/uploads/2024/02/33025186365cc67ce9a254097385266_w640.jpg)
Орландо Меџик на свеченена церемонија, на натпреварот со Оклахома сити Тандер, го повлече дресот со број 32 на Шекил О’Нил. Франшизата од Флорида, прв пат во историјата повлече дрес од употреба.
О’Нил, во 1992 година беше избран како прв пик на драфтот од страна на Орландо. Тој стана првиот Ол стар на франшизата, првиот кој беше избран за руку на годината, првиот играч на франшизата избран во идеалната петорка на НБА лигата и прва голема ѕвезда што го напушти клубот.
„Знаете, постои онаа стара изрека: „Никогаш не заборавајте од каде дојдовте“. Мојата професионална кариера започна овде. Живеев тука поголемиот дел од мојот живот. Луѓето беа гостопримливи. Никогаш не мислев дека ќе дојде овој ден“, рече О Нил за време на церемонијата.
Тој одигра 295 натпревари во регуларниот дел од сезоната за Орландо од сезоната 1992/1993 до крајот на 1995/1996 година и е шести најдобар стрелец и трет најдобар скокач на клубот.
#32 ♾️
the first player in Magic history to have his number retired
thank you @SHAQ! 🪄 pic.twitter.com/EvfxCuTQAX
— Orlando Magic (@OrlandoMagic) February 14, 2024
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Шпанија без ниту еден примен гол досега
![](https://makfax.com.mk/wp-content/uploads/2024/06/spanija-1.jpg)
Четвртиот натпревар од осминафиналето на Европското првенство го играат Шпанија и Грузија.
Шпанците се единствената екипа која имаше максимални девет бода во групната фаза, а досега го одиграа можеби и најубедливиот фудбал на ова првенство.
Уникатни по тоа што ги победија Хрватска, Италија и Албанија една по друга, без ниту еден примен гол.
Од друга страна Грузија е најголемото позитивно изненадување на ЕП.
Според рангирањето на ФИФА, таа е најлошата репрезентација на ова евро (74.), но тоа не ја спречи да освои четири бода во групата и да се пласира во осминафиналето како една од најдобрите третопласирани селекции.
Победата од 2:0 над Португалија во последното коло беше клучна за минување на Грузијците, кои во тој момент го имаа обезбедено првото место во групата.
Спорт
(ВИДЕО) По драмата Англија се пласира во четвртфиналето
![](https://makfax.com.mk/wp-content/uploads/2024/06/ANGLIJAA-1.jpg)
Фудбалот понекогаш е суров и неправеден.
Во ова беа убедени репрезентативците на Словачка, кои беа на само една минута до победата над Англија. Но, Англија не би била тоа што е доколку не го покаже своето вистинско фудбалско лице.
Фудбалерите на Англија ја победија Словачка во Гелзенкирхен со резултат 2:1 во осминафиналето на Европското првенство во Германија.
Избраниците на Герет Саутгејт победија по пресврт, со головите на Белингем во петтата минута од судиското надополнување и потоа на Хари Кејн во првата минута од судиското продолжение.
Англија се пласираше во четврт-финалето каде ќе игра против Швајцарија.
Словачка поведе со голот на Иван Шранц во 25. минута и водеше до судиското надополнување. Но, во четвртата минута од дополнителното време израмни Џуд Белингем со ножички, а во првата минута од продолжението Хари Кејн погоди за голем пресврт.
Повеќе од 90 минути Англија не играше во свој стил, па кога сите се откажаа се врати на голема „врата“.
Избраниците на Герет Саутгејт одиграа бавно, безидејно и со пристап што ги изненади и самите Словаци, кои веројатно очекуваа големиот фаворит да притисне уште од првата минута.
И веќе во 5. минута Словаците имаа одлична шанса. Хараслин одлично го проигра Ханк, но упати нешто помеѓу удар и центаршут до далечната статива и го промаши голот.
Спорт
Зверев убеден дека може да го освои Вимблдон
Александар Зверев, финалистот на Ролан Гарос е убеден дека може да го освои Вимблдон.
Четвртиот носител на турнирот во Лондон на терените во југозападен Лондон дојде полн со оптимизам.
Иако никогаш не стигна ниту до четвртфиналето во Лондон (два пати во осминафиналето), Зверев смета дека го има она што е потребно за да го освои славниот трофеј.
“Се чувствувам добро, последните неколку турнири беа многу позитивни, особено со таа титула во Рим. Се разбира, поразот во финалето на Ролан Гарос беше разочарување, иако имав добар турнир во целина. Се надевам дека ќе можам да го повторам истото и на Вимблдон “, вели Зверев.