Синоќа е комплетирано шестото коло во Лигата на шампионите. По шест одиграни натпревари, само двата водечки тима, лондонски Арсенал и минхенски Баерн, ја обезбедија европската пролет во најелитното клупско натпреварување.

Арсенал е единствениот тим со максимален учинок по шест одиграни кола, зад нив е Баерн со еден пораз и 15 поени. „Топџиите“ и Баварците заедно со ПСЖ, Манчестер Сити и Аталанта се единствените кои обезбедија место во Топ 8 или барем во плејофот од нокаут фазата на Лигата на шампионите.

Најлошата можна позиција на која Арсенал може да заврши е 9-то место, додека Баерн не може да биде пониско од 18-то место. ПСЖ, Сити и Аталанта не можат да паднат под 23-то место на табелата.

Сите други сè уште не се сигурни, односно мора да освојат бодови за да дојдат до нокаут рундата.

Во Лигата на шампионите сега следува пауза до јануари, за кога се закажани последните две кола, седмото (20 и 21 јануари) и осмото (28 јануари).

Еве ги двојките од претпоследното седмо коло:

20 јануари: Каират – Клуб Бриж, Боде/Глимт – Манчестер Сити, Копенхаген – Наполи, Интер – Арсенал, Олимпијакос – Баер Леверкузен, Реал Мадрид – Монако, Спортинг Лисабон – Пари Сен Жермен, Тотенхем – Борусија Дортмунд, Виљареал – Ајакс и Галатасарај – Атлетико Мадрид.

21 јануари: Карабаг – Ајнтрахт Франкфурт, Аталанта – Атлетик Билбао, Челзи – Пафос, Баерн – Унион Сан Жилоа, Јувентус – Бенфика, Њукасл – ПСВ Ајндховен, Олимпик Марсеј – Ливерпул, Славија Прага – Барселона.

Сите натпревари од последното осмо коло се играат во ист ден (среда, 28 јануари) во исто време (21 часот).

Ајакс – Олимпијакос, Арсенал – Каират, Монако – Јувентус, Атлетик Билбао – Спортинг Лисабон, Атлетико Мадрид – Боде/Глимт, Баер Леверкузен – Виљареал, Борусија Дортмунд – Интер, Клуб Бриж – Олимпик Марсеј, Ајнтрахт – Тотенхем, Барселона – Копенхаген, Ливерпул – Карабаг, Манчестер Сити – Галатасарај, Пафос – Славија Прага, Пари Сен Жермен – Њукасл, ПСВ Ајндховен – Баерн, Унион Сент Жилоа – Аталанта, Бенфика – Реал Мадрид и Наполи – Челзи.

Foto/ EPA

Клубовите од Саудиска Арабија трпеливо го чекаат исходот од спорот меѓу Мохамед Салах и менаџерот Арне Слот пред да дадат официјална понуда за незадоволната ѕвезда на Ливерпул.

Тензиите ескалираа откако Египќанецот јавно ја изрази својата фрустрација што е изоставен од почетниот состав минатиот викенд, а неговата иднина на „Енфилд“ сега е неизвесна, некои медиуми тврдат дека тој повече нема да игра за Ливерпул.

Се очекува Слот и 33-годишниот Салах да одржат дополнителни разговори во следните 48 часа за да се обидат да ги решат своите разлики. И покрај шпекулациите во медиумите, Ливерпул официјално инсистира дека Салах не е на продажба.

Клубот потсетува дека само пред неколку месеци, Египќанецот потпиша нов договор вреден повеќе од 400.000 фунти (околу 460.000 евра) неделно, и очекуваат тој да го почитува до крај, верувајќи дека проблемот со тренерот може да се реши со интерен договор.

Извори од Про лигата се сомневаат во искреноста на намерите на Ливерпул. Тие веруваат дека тоа е само стратегија за заштита на високата трансфер вредност на Салах и внимателно го следат развојот на ситуацијата.

Доколку Ливерпул одлучи да ја продаде својата ѕвезда, три клуба ќе се тркаат за неговиот потпис, пишува „Дејли Меил“. Тоа се Ал Хилал, Ал Кадиса и Неом.

За потсетување, во 2023 година, Ливерпул веќе ја одби понудата на Ал Итихад вредна повеќе од 170 милиони евра. Американските клубови од МЛС, Сан Диего и Чикаго Фајер, исто така, покажаа интерес, но тиен немаат финансиска моќ за да ја доведат египетската ѕвезда, освен ако таа не одлучи да ги намали своите приходи.

Салах е дел од тимот на Ливерпул од 2017 година и одигра 420 натпревари, со учинок од 250 гола и 116 асистенции. Со Ливерпул освои осум титули, вклучувајќи две за најдобриот тим во Премиер лигата и една за победникот во Лигата на шампионите.

Foto/ depositphotos

Кошаркарскиот тим на Оклахома ги победи Феникс Санс со 138:89, ја забележа 24-та победа во 25-тиот натпревар од сезоната и се пласираше во полуфиналето на НБА Купот.

Шеј Гилџис-Александер и шампионската група продолжија да ги поместуваат границите – синоќа постигнаа нешто што последен пат го постигнаа Голден Стејт Вориорс во сезоната 2015-2016.

Тие ја започнаа сезоната со резултат од 24-1 и се вториот тим во историјата со оваа серија!

Тандер ја демонстрираа својата сила против Санс, ги декласираа гостите од Аризона со 49 поени разлика и со стил се пласираа во полуфиналето на НБА Купот, на завршниот турнир што се игра во Лас Вегас.

Тимот на Марк Дагнолт ги победува ривалите со просек од 17,4 поени оваа сезона, што е речиси пет поени повеќе од претходната сезона. Тие изгледаат уште посилни, помоќни и подоминантни.

Актуелните шампиони ја забележаа својата 16-та последователна победа, што е нов рекорд на франшизата.

Во новиот триумф, актуелниот MВП Гилџис-Александер беше најефикасен со 28 поени (3/4 за три поени), Чет Холмгрен го следеше со 24 поени, Џејлен Вилијамс додаде 15, Лу Дорт 12 поени…