Спорт
Осака водеше, а потоа во солзи го предаде финалето
Кога се чинеше дека Наоми Осака со голем стил се враќа на ВТА турнејата, четирикратната Грен слем шампионка ја погоди нов пех.
Поранешната тенисерка број еден во светот мораше да и го предаде мечот на Данкина Таусон во финалето на Окленд (Нов Зеланд) во моментот кога го доби првиот сет со резултат 6:4.
Првите информации говорат дека се работи за болка во долниот дел на грбот, а повеќе информации за повредата и дали ќе може да настапи на Австралија опен кој започнува на 12 јануари ќе бидат познати во следните неколку дена.
Осака веќе беше надвор од терените три месеци поради проблеми со грбот, откако се повреди на кинеската турнеја во октомври 2024 година. Ова беше нејзино прво финале по Мајами 2022 година кога загуби од Ига Швионтек.
Што се однесува до Таусон, ова е нејзина трета титула во кариерата, прва од 2021 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Милан од 0:2 до трофејот во Суперкупот на Италија
Фудбалерите на Милан со спектакуларен пресврт го освоија Суперкупот на Италија. Во „Дерби дела Мадонина“ во Ријад, Милан од 0:2 против интер дојде до 3.2. Милан го освои првиот Суперкуп по 2011 година и воедно ја прекина доминацијата на Интер, кој во последните три сезони го освојуваше трофејот.
Сержо Консеисао не можеше да посака подобро деби на клупата на Милан. Тимот на Милан во само седум дена под водство на Португалецот доживеа невидена трансформација.
Во полуфиналето, со пресврт славеа над Јувентус (2:1), а во финалето, предводени од Рафа Леао на теренот, го победија градскиот ривал со 3:2.
Интер водеше со 2:0 со головите на Лаутаро Мартинез во 45. и Мехди Тареми во 47.минута. Пресвртот го најави Тео Хернандез од слободен удар во 52.минута, изедначи Кристијан Пулишиќ во 80., а победата ја обезбеди Тами Ејбрахам во 93.минута.
⚽️ GOAL: What a game. AC Milan comeback with Tamy Abraham
🇮🇹 Inter 2-3 Milanpic.twitter.com/P5cpTrR1z7— Goals Xtra (@GoalsXtra) January 6, 2025
Спорт
Сферопулос доби нов договор од Црвена звезда
Грчкиот тренер Јанис Сферопулос ќе потпише нов договор со Црвена звезда.
Како што дознава сајтот „Меридијан спорт“, Гркот ќе потпише нов договор со кој ќе биде обврзан во црвено-белиот тим до 2027 година.
Сферопулос оваа сезона одлично си ја врши работата со црвено-белите, особено во Евролигата, каде Црвена звезда по 19. коло има учинок од 11 победи и осум порази и моментално е на шестото место, што директно води во плеј-офот.
Кога станува збор за АБА лигата, Гркот по нешто полошиот старт успеа да го стабилизира тимот и да влезе во победничка серија која се уште трае.
Црвено-белите сега го делат првото место со Партизан и Будуќност со идентичен скор од 13 победи и два порази.
Минатата сезона, со Сферопулос на клупата, Црвена звезда успеа да освои три трофеи во АБА лигата, Купот Радивоје Корач и првенството на Србија.
Спорт
Ферари има најдобар тандем во 2025 година
Тимот на Ферари го има најдобриот возачки тандем за претстојната сезона.
Ова е очекуваната одлука на фановите кои учествуваа во анкетата. Дури 56 отсто од нив процениле дека Луис Хамилтон, кој од оваа година ќе вози за Ферари и Шарл Леклер ќе бидат најдобриот тандем за претстојната сезона.
Второто место им припадна на Мекларен (Ландо Норис и Оскар Пјастри), додека третото место им припадна на возачите на Ред Бул, кои ќе имаат изменет состав во претстојната сезона, бидејќи Серхио Перез е заменет со Лиам Лосон.
Шампионатот во Формула 1 оваа сезона започнува на 16. март со Големата награда на Австралија.
Титулата ја брани Макс Ферстапен, кој е четирикратен светски шампион во Формула 1, додека Мекларен е актуелен шампион во конструктори.
We asked you which team has the best driver combo on the 2025 grid… introducing the top five, with a clear winner 👀
Will Ferrari's new duo deliver glory back to the Tifosi? ❤️#F1 pic.twitter.com/FQ5er0uJxf
— Formula 1 (@F1) January 6, 2025